回復 joey0623 的帖子
老師…唔好意思我又有嘢想問啊!我朋友比左二棵番茄我,啲茄都有出面街市賣個啲大肉茄咁大個,拎左嚟大約四日,前2日我發現佢葉上面多幾條白色痕,好似有蟲行過咁…今日就發現好多葉都有,我即時將個啲葉剪走佢,問過朋友佢未拎嚟時都冇呢啲,而家佢個度個幾盤都冇,係唔係因為我之前種過番茄既泥放係附近晒時走左啲蟲過去呢?我應該點呢?再有再剪走佢?已經冇咩葉個喎…再剪就冇曬葉…如果買嘢噴,應該買咩同幾時噴?要唔要收左就熟個啲番茄先?唔好意思咁多問題…!
================================================
joey0623 及大家好!
你棵<蕃茄>嘅情況係好常見嘅, 係<潛葉蠅>嘅傑作呀! 好難避免架!
我體防蟲網室外所種嘅<蕃茄>或多或少都俾佢侵入呢, 年年如是....
有此情況出現時我會立即剪除被侵入嘅葉子, 並用抗<潛葉蠅>嘅藥物噴灑整棵植物!
如被侵入嘅葉子太多就只剪除部份唔重要嘅, 留翻重要嘅即係近葉蕊嘅葉子,
即使佢已被侵入, 噴灑藥物後要留意後續情況, 確保情況受控!
我唔介紹農藥嘞, 因此壇另有<病蟲害篇>可選擇各種防蟲方法嘅!
不過對付<潛葉蠅>嘅有機農藥好似<綠油油><三益>....都話有效喎!
要唔要收咗就熟個啲<蕃茄>先? -- 隨你嘅啫!
只要你認為個<蕃茄>就黎成熟咪摘囉!
如果仲有好耐至完熟就唔好摘住嘞, 因為噴咗有機農藥都好快食得嘅!
嗱! 我啲蕃茄咪一樣中招!
勇於面對囉! 冇問題格!![](static/image/smiley/default/huffy.gif)
|