乜都種吓嘅花園仔

呢盤朋友用種籽發苗嘅<士多啤梨>都出咗好多花果囉!

今早為小圓盤嘅<綠薄荷>更新!

地種嘅<綠薄荷>好靚, 有棑都唔使更新啦!

講起香草類請睇吓開滿花嘅<百里香>啦!

<蝦夷蔥>長咗好多花苞!

<黑色指天椒>得翻一棵咋!
暫時都幾靚嘅, 唔知<小寶>佢地嗰啲種成點呢?

體椒椒隔離嗰盤係新落種籽嘅<蔥>呀!

因為三, 四月係曬蔥米, 七八月至用蔥頭種架!

晚安!

花園仔老師好,

知道老師曾經種過F牌 telegraph improved 青瓜, 說明書話花女唔需要受粉,
但我種的那些女花, 係花開花謝瓜仔變黃, 請問係唔係有部份花女係唔會長大架?
咁樣正常嗎? 現在仲有好多女花就來開, 有d擔心

老師，見到你棵無花果咁靚真羨慕，我個棵由上年冬季休眠到依家都無長勢，唔知係咩原因?? 有咩可以幫下佢呢? 想問下如果依家至分株得唔得架? 依家至用種子種蔥可以嗎? THX~

回復 luffy 的帖子

花園仔老師好,
知道老師曾經種過F牌 telegraph improved 青瓜, 說明書話花女唔需要受粉,
但我種的那些女花, 係花開花謝瓜仔變黃, 請問係唔係有部份花女係唔會長大架?
咁樣正常嗎? 現在仲有好多女花就來開, 有d擔心

========================================

luffy 及大家好!

F牌 telegraph improved 青瓜因為唔使授粉都可以開花結果嘅!

我當時係種體網室度嘅, 呢隻瓜好好生養架, 不斷開花結果....
但我發覺佢冇外媒幫手啲瓜瓜結果率唔係百份百嘅,
就算結到瓜有啲發育都唔完全, 有弱瓜及畸型瓜狀況出現,
瓜嘅味度亦唔統一, 有啲好好味亦有啲係有苦澀味架,
所以我種過一次就唔再種囉, 或者係我管理唔啱佢啦,
又或者我嘅種植環境及條件配合唔到佢啦!

我試過及建議有時間咪同佢做人工授粉囉!(雖然佢話唔使)
啲乸花經人工授粉我諗點都好過自己搞掂卦,
我認為完美授粉結果啲瓜瓜錯誤問題出現點都少啲嘅,
當時我冇作深入研究及收集數據所以推斷都係好粗糙架咋!

回復 ammonch 的帖子

老師，見到你棵無花果咁靚真羨慕，我個棵由上年冬季休眠到依家都無長勢，唔知係咩原因??
有咩可以幫下佢呢? 想問下如果依家至分株得唔得架? 依家至用種子種蔥可以嗎? THX~
=====================================

ammonch 好!

唔使擔心, 當春天嘅氣溫及相對濕度持高時<無花果>自然會爆芽生長架罅!
最好係體相對濕度偏低時多用噴壺噴濕吓枝莖, 等佢容易爆芽....
而家你棵嘢仲係未瞓醒, 點係分株嘅時機喎!
我種<無花果>都係新手, 或者你去請教有多啲經驗嘅壇友啦!

而家用種籽種蔥當然OK啦! 用蔥頭種最宜係七,八月嘞!

花園仔老師你好,
最近學校後花園D 菜又開始有蟲
所以前幾日都係決定買支苦X油返去
但去到3兄 點知又冇貨(大支)
佢叫我買清源保  唔知你有冇用過清源保呢?
效果如何?(因為呢到有朋友好似話冇咩料到)

想問下你D泥全部都咁肥沃既原因係咩?
最近學校對面有工程,我地都同佢地拎左唔小黃泥(好多石頭),
點先可以令到D泥岩種菜?
(而家既方法係簡走D大石頭同溝D黑泥,但咁好似治標唔治本)

最後，Miss話下個月學校有個活動,到時要交"成績"出黎
miss買左d白菜,生菜,菜心種子返黎,而家係唔係已經唔岩時候?
我想問而家最岩種d咩?

回復 Steven 的帖子

花園仔老師你好,
最近學校後花園D 菜又開始有蟲
所以前幾日都係決定買支苦X油返去
但去到3兄 點知又冇貨(大支)
佢叫我買清源保  唔知你有冇用過清源保呢?
效果如何?(因為呢到有朋友好似話冇咩料到)

想問下你D泥全部都咁肥沃既原因係咩?
最近學校對面有工程,我地都同佢地拎左唔小黃泥(好多石頭),
點先可以令到D泥岩種菜?
(而家既方法係簡走D大石頭同溝D黑泥,但咁好似治標唔治本)

最後，Miss話下個月學校有個活動,到時要交"成績"出黎
miss買左d白菜,生菜,菜心種子返黎,而家係唔係已經唔岩時候?
我想問而家最岩種d咩?
===================================

Steven 好!

春天黎到天氣溫濕自然各種病害蟲菌都跟住黎架罅!
種植瓜菜豆....總要面對各種唔同嘅病害蟲菌侵擾架,
清源保我未用過, 而你要購買嘅苦楝油(三益)只係可以對付一般好似蚜蟲噉嘅蟲蟲咋,
仲有其他菌病毒更難搞架, 不過只要細心研究一切就可以迎刃而解嘞!
對付蟲菌呢度有<病害蟲篇>可以參考架, 因為嗰邊有<殺蟲的各種方法>, <環保理念~~>等等, 可能幫到你呢!
在此講聲唔好意思嘞!

我嘅植土都唔係全部肥沃嘅,
亦有用黃泥溝沙土及花泥(培養土)黎種嘢架,
種出黎嘅嘢都好滿意啵!

點可以令到啲泥適合種菜,
最簡單方法係幫襯大型花場, 叫佢地幫你(學校)配好植料嘞!
政府種嘢好多都係噉樣配置嘅, 貴校應有預算此中款項支出格!

想快就種莧菜, 通菜....啦, 及各種瓜類, 豆豆都仲得架!

老師,

想請問點解而家種蔥要用種子,而用蔥頭種最宜係七,八月呢?因為想快d,所以想而家用蔥頭種.用超市圓身的乾蔥頭會唔會都可種得到蔥呢?謝謝!

回復 花園仔 的帖子

缸種嗰棵<無花果>經過休眠期後開枝散葉又結果囉!
而家連主莖光棍都出果果嘞! 唔知 huen923 嗰棵瞓醒未呢!
=======================================
老師: 我嗰棵都剛剛瞓醒啦! ３枝光秃秃既主莖頂端都爆葉仲有一個果果, 而且有新枝椏長出, 期待

回復 花園仔 的帖子

膨大中等緊成熟嘅<無花果>
===================
好多果果吖......一定會很香甜皮薄
老師: 想問結果期間, 你會否一樣施加肥料?

回復 VLEE 的帖子

老師,
想請問點解而家種蔥要用種子, 而用蔥頭種最宜係七,八月呢?
因為想快d, 所以想而家用蔥頭種. 用超市圓身的乾蔥頭會唔會都可種得到蔥呢?
謝謝!
===================================

VLEE,

該種植方式係農民經驗留存落黎嘅, 詳細原因查証中....

你嘅方法都得格!

回復 huen923 的帖子

膨大中等緊成熟嘅<無花果>
===================
好多果果吖......一定會很香甜皮薄
老師: 想問結果期間, 你會否一樣施加肥料?
=============================

huen923 及大家好!

<無花果>體結果期我仍會薄肥多施架!
係落少少雞屎肥及少少紅牛鉀體泥土表面 等佢慢慢滲落....

<無花果>囝囝都大得幾快架!

溫馨提示1:

<環保(水果)酵素>非常好用! 正正正!

溫馨提示2:

種<稻>嘅壇友注意囉,
<谷種>體<元朗安樂路55號>有得賣, 約$25/斤!