回復 mirry 的帖子
老師晚上好~
我第一次種羅馬蕃茄, 而家到左岩岩開始結果既階段, 我已經立刻同佢地笠左袋
但我見同一棵其他地方都不斷有新花冧生出黎,
我要唔要將佢地剪走好等營養集中係幾果蕃茄, 定可以由佢地先後開花結果???
同埋, 係唔係當所以花結哂果再冇花冧出, 棵蕃茄就為之功成身退???
===============================================
mirry 好!
首先話俾你知我未種過<羅馬蕃茄>架!
棵<蕃茄>體適合時間(花期)不停開花結果係正常嘅!
至於要唔要剪走認為多餘花花好等營養集中體幾個<蕃茄>度嘅問題,
要睇客觀條件嘅, 例如所種植嘅品種係唔係多果型, 大型果.....
如果所種嘅<蕃茄>係中,小型果而且係多果型嘅就唔使剪花啦,
只要做好種植條件例如盤大泥多, 水啱肥足加上陽光夠, 多啲茄茄咪仲好!
如果冇信心咪留少啲果囉! 不過都係結咗果至選擇汰弱留強穩陣啲!
如果所種嘅<蕃茄>係大型果而且係少果型嘅剪唔剪花就要睇你點諗囉!
假如種植條件好, 盤大泥多, 水啱肥足加上陽光夠就留多啲果都OK格,
相反種植條件唔足就貴精不貴多囉! 都係結咗果至選擇汰弱留強穩陣啲!
當<蕃茄>開花結果且成熟後再冇花冧出, 棵嘢都差唔多啦, 噉你仲想點亞?
嗱, 我呢盤<泰國蕃茄>屬中,小型果多果型,
我寄以厚望, 多多益善架!
|