乜都種吓嘅花園仔

種嘢梗係要揀啲靚種至好種嘅! 千祈唔好求求其其,
如果種出黎果疏, 果細又唔靚而且唔好食噉種黎做乜吖!

呢種吹波<無花果>就種得過嘞, 轉眼就脚指公噉大粒嘞!

回復 花園仔 的帖子

缸種嘅<無花果>休眠後出咗好多枝葉囉


=============================================

花老師,

我見你用好多大龍缸黎種植物
請問你有匆野方法去換泥嘅呢？

我試過換泥,
啲缸通常都係中間比較闊身, 個根球唔可以直接拉出黎
又重、要兩個人去做！
啲泥+根又實,  好申苦

老師您好！！

很高興認識您（雖然您唔識我，哇哈哈），不過都要多謝您，因為在敝帖內真係學到好多野，記得幾年前我曾經租過康文處既兩塊園圃４個月，果次乜都唔識冇乜收穫，到最近又開始種番野。上年１２月尾見到敝帖，一邊睇一邊實踐，用左兩個幾月睇晒７３５頁，其間已有不少收穫，更開始慢慢掌握老師您所教既種植公式，由冇到有果種喜悅，非筆墨所能形容，我相信睇過敝帖既花友們，在這裡所學到既知識更多於書本，老師多謝您既分享！

隔離圖像就係我部份收穫，係迷你白蘿蔔～
上星期掘晒d種左兩個月既迷你薯仔，雖然未夠時間，但都收左60-70隻，有d更大隻過剷仔，即晚食左十幾隻，好好味，超開心，依家薯仔塊地用黎開始育青瓜苗，遲些整理好相片後再Post上黎分享，雖然好似跟敝帖沒太大關係，但我好想將在敝帖學到既知識而得來的滿足感及種植樂趣跟老師分享！

回復 i4kai 的帖子

花老師,
我見你用好多大龍缸黎種植物
請問你有匆野方法去換泥嘅呢？

我試過換泥,
啲缸通常都係中間比較闊身, 個根球唔可以直接拉出黎
又重、要兩個人去做！
啲泥+根又實,  好申苦  
====================================

i4kai 及大家好!

我用大龍缸所種嘅多係木本植物,
需要換過種植環境或新泥土時,
可以用窄長鍬鏟體缸邊2-3吋位挖出泥土,
就算傷到外圍根部亦唔重要架!
挖到過咗大肚位後, 將缸打側放,
然後就用猛水噴鎗沖散四邊啲泥隨水流出,
並將樹身搖吓搖吓直至鬆散後拉出,
把根部整理後換過新泥土!

球根植物因種植期嘅頭根數量增加及生長迅速膨大, 唔適宜用龍缸種架!

回復 小田園 的帖子

小田園 好!
幾好吖, 咁好心機將敝帖睇曬! 其實都冇乜嘢睇嘅, 分享吓種植經驗及樂趣啫! 嘻嘻!

你種嘅迷你白蘿蔔比我種得靚啵, 原因我種植時間唔係咁啱呢,
我都落咗壽司青瓜種籽, 呢棑天氣唔係咁好啲苗苗出得唔靚囉!
得閒咪多啲上黎傳多啲相分享吓啦! 嘻嘻!

<馬鈴薯>大得好快!

留種籽嘅<火箭菜>有花冧囉!

<泰國蕃茄>枝葉茂盛而且開花結果囉!

留種籽中嘅<羅馬生菜>

種體花槽嘅<泰國蕃茄>有啲成熟囉!

網室內栽種嘅<西洋菜>採收後做咗壓伏動作!

花園仔 發表於 2011-3-10 00:24
網室內栽種嘅採收後做咗壓伏動作!

老師,

您好,可唔可以解釋下點解要做壓伏動作,同要點樣做?係咪壓平佢便可以.謝謝!

回復 VLEE 的帖子

老師,
您好,可唔可以解釋下點解要做壓伏動作,同要點樣做?係咪壓平佢便可以.謝謝!
======================================

VLEE及大家好!

<西洋菜>體採收後做嘅壓伏動作,
係將植株由泥面至截點嘅芽位平伏向泥面或水面上,
目的係令菜莖嘅枝芽位與土壤或水份多啲接觸,
增強吸收養份嘅能力令枝葉迅速生長!

壓伏動作體大型種植場啲農民會用大塊木板單向平壓體菜面上,
將<西洋菜>嘅枝條單向壓在泥面或水面上.
我地小型種植可以用塊細啲嘅木板或相似物件黎做呢個動作嘅!

做過壓伏動作後第二日嘅<西洋菜>

留種籽用嘅<荷蘭豆>

晚安!

唔好意思,想請問依嫁先至開始起苗種羅馬生菜.牛油生菜及火箭菜會否太遲呢???
點解我會種到一些畸形嘅士多啤梨,究竟系係邊方面出現咗問題呢???

唔該老師幫我解決咗一路好想知的問題.

唔該老師幫我解決咗一路好想知的問題.

回復 renupu 的帖子

唔好意思,想請問依嫁先至開始起苗種羅馬生菜.牛油生菜及火箭菜會否太遲呢???
點解我會種到一些畸形嘅士多啤梨,究竟系係邊方面出現咗問題呢???
===============================================

renupu 及大家好!

而家至開始<起苗>種<羅馬生菜><牛油生菜>及<火箭菜>是否太遲?

我認為而家先至開始<落種籽>或<起苗>種<羅馬生菜><牛油生菜>係遲咗啲嘞!
如果<起苗>種<火箭菜>就勉強可以試吓嘅!

畸形嘅<士多啤梨>究竟係邊方面出現咗問題?

主要原因是花花授粉受精不良 -- <士多啤梨>開花時溫度高或溫度低,
相對濕度太極端都係問題, 當然仲有好多原因嘅包括花花嘅質量等等....

我睇到科學家種番薯苗嘅方法就笑咗!

諗吓花咗成個月種到出黎嘅番薯苗所得到嘅營養都唔知夠唔夠舊番薯多啵!
噉不如食咗舊番薯好過啦!

俾我就用舊番薯發十零棵苗苗, 種盤或種落地就食唔切, 分分鐘益埋街坊添呀!

留種苗嘅<鷹爪番薯苗>又黎囉!