乜都種吓嘅花園仔

請問d菜類你們是否自己留種子再種還是買的呢?
如果自己留種請問應該點留
菜類的種子應該在菜的那部份

Hi 花老師,
我從淘寶網買的果樹已寄到了.(只花了2天，比我的預期早到了)
是無花果、大樹菠籬、藍梅、等等....

但現在沒有泥、也沒有足夠時間去種
要等到星期六、日才能去處理

請問現在是把植物放入筒，用水養着
或是應該留它們在速運packing內，才是比較好呢？

回復 JodieC 的帖子

老師.. 晚安..
請問如果棵蕃茄開始有花... 有d開始謝... 要追肥嗎?

如果要追肥... 要加咩肥呢...
===================================

JodieC 及大家好!

植物體幾時要施肥主要係睇當時棵嘢嘅狀態及要求嘅!

棵蕃茄開始開花結果嘅時候都要睇吓棵嘢壯唔壯健架,
如果棵嘢枝葉茂盛而且花朵又多即表示棵嘢一切正常,
要維持此狀態及結果順利梗係要繼續提供肥份俾佢啦,
因為此時最重要嘅係開花結果而要求係果多甜美嘅話,
就要持續施以淡薄嘅肥料 -- 少少氮肥及加多啲磷肥及鉀肥嘞!

總而言之就係 -- 薄肥多施 -- 少氮肥多磷肥及鉀肥啦!

如果棵嘢枝葉稀疏奀瘦而且花朵又少即表示唔正常嘞,
噉施肥咪平均啲囉, 補好身子至可以順利開花結果架!
平均嘅意思係氮肥, 磷肥及鉀肥都要兼顧,
即係薄肥多施就啱嘞! 重手過頭怕佢虛不受保架! 注意!

猛咁結果嘅<旭紅蕃茄>

回復 melodyng 的帖子

請問d菜類你們是否自己留種子再種還是買的呢?

極大部份係買新種籽!

如果自己留種請問應該點留
菜類的種子應該在菜的那部份

請參考我嘅<火箭菜>留種籽過程啦:
http://hkplants.com/forum.php?mo ... extra=&page=714

亦可以睇吓我現時留緊種籽嘅<羅馬生菜>嘅:











啲種籽就黎得收啦!

回復 i4kai 的帖子

Hi 花老師,
我從淘寶網買的果樹已寄到了.(只花了2天，比我的預期早到了)
是無花果、大樹菠籬、藍梅、等等....

但現在沒有泥、也沒有足夠時間去種
要等到星期六、日才能去處理

請問現在是把植物放入筒，用水養着
或是應該留它們在速運packing內，才是比較好呢？

==========================================

i4kai好!
嘩! 好多生果啵!
我從來都未試過體淘寶網買過嘢喎!
我亦問過朋友仔, 佢地啲網購都係全程支援架,
所以提供唔到乜嘢經驗俾你呀!

講起<無花果>....大得好快呀!

朋友送嘅<士多啤梨>轉盤後睇黎都幾適應啵!

生得奀細真係幾蝕底架!
嗰棵最細嘅<士多啤梨>俾麻雀仔揀中啄斷幾塊葉....
都係笠翻網穩陣啲嘞!

要選最有栽種價值嘅植物我睇<藤三七>點都有佢份卦!

葉片



珠芽



頭根

晚安!

插枝冇幾耐嘅<絲絨玫瑰>

老師.. 晚安..
請問如果棵蕃茄開始有花... 有d開始謝... 要追肥嗎?

如果要追肥... 要加咩肥呢...
===================================

JodieC 及大家好!

植物體幾時要施肥主要係睇當時棵嘢嘅狀態及要求嘅!

棵蕃茄開始開花結果嘅時候都要睇吓棵嘢壯唔壯健架,
如果棵嘢枝葉茂盛而且花朵又多即表示棵嘢一切正常,
要維持此狀態及結果順利梗係要繼續提供肥份俾佢啦,
因為此時最重要嘅係開花結果而要求係果多甜美嘅話,
就要持續施以淡薄嘅肥料 -- 少少氮肥及加多啲磷肥及鉀肥嘞!

總而言之就係 -- 薄肥多施 -- 少氮肥多磷肥及鉀肥啦!

如果棵嘢枝葉稀疏奀瘦而且花朵又少即表示唔正常嘞,
噉施肥咪平均啲囉, 補好身子至可以順利開花結果架!
平均嘅意思係氮肥, 磷肥及鉀肥都要兼顧,
即係薄肥多施就啱嘞! 重手過頭怕佢虛不受保架! 注意!
-----------------------------------------------------------------------------------
老師你好! 晚安呀! 好耐無同你傾計啦... ^^ 補祝番句 : 恭喜發財!! 身體健康!! 日日都開開心心!!

言歸正傳... 多謝你既分享... 我會試下架啦...

我果3棵蕃茄.. 約2呎半高... 最幼果棵都有4分粗... 最粗果棵有6分... 農曆新年果時開始有花蕾... 而家d花多左 2-3串 (每串有4-5朵花)... 但有d開左後有d枯既跡象... 唔知咁係咁係咪正常呢?

另外, 蕃茄1號 & 2號有時會出現軟骨咁... 有d枝節會無啦啦dub左... 1號dub既部位仲枯黃左tim.. 請問老師係咪有d野我做錯呢? 我一路都keep住1-2星期1次花生麩水.. 有次遲左.. 佢就開始dub... 一落番就醒神左d... 之前天氣咁凍都精精神神... 而家暖d仲無咁好... 唔知點解呢? 係咪缺水呀?  呀.. 仲有樣補充... 1號之前有露根既情況.. 我已經補左泥... 情況已經好番d... 點知而家又... 唉..
佢地係我第一批蕃茄bb.. 我有d咩可以做幫下佢地呢?? 老師你可以教下我嗎? 麻煩你... ^^

蕃茄-1號 - 頭DUB DUB.. 有D枯..

蕃茄-2號 - 開始有D DUB...

蕃茄-3號 - 暫時最健康..

回復 花園仔 的帖子

唔該晒你呀
我D初哥都係買種子好了
好似好難留種呢
你個D種得好靚呀

花園仔 發表於 2011-3-3 23:57
要選最有栽種價值嘅植物我睇點都有佢份卦!

葉片

想問下藤三七邊到有得買架？我都想買黎種下呀

回復 JodieC 的帖子

JodieC 及大家好!
試吓回答你嘅問題啦, 唔知啱唔啱呢!

我果3棵蕃茄.. 約2呎半高... 最幼果棵都有4分粗... 最粗果棵有6分... 農曆新年果時開始有花蕾...
而家d花多左 2-3串 (每串有4-5朵花)... 但有d開左後有d枯既跡象... 唔知咁係咁係咪正常呢?

你嘅蕃茄體型都合理嘅, 花開後有枯花現象主因係前段時間天氣日夜溫度反差大,
相對濕度亦係大起大落, 好多花花都結唔到果呢, 肥料配合唔到都有問題架!

另外, 蕃茄1號 & 2號有時會出現軟骨咁... 有d枝節會無啦啦dub左... 1號dub既部位仲枯黃左tim..
請問老師係咪有d野我做錯呢? 我一路都keep住1-2星期1次花生麩水.. 有次遲左.. 佢就開始dub...
一落番就醒神左d... 之前天氣咁凍都精精神神... 而家暖d仲無咁好... 唔知點解呢? 係咪缺水呀?  
呀.. 仲有樣補充... 1號之前有露根既情況.. 我已經補左泥... 情況已經好番d... 點知而家又... 唉..
佢地係我第一批蕃茄bb.. 我有d咩可以做幫下佢地呢?? 老師你可以教下我嗎? 麻煩你... ^^

首先我覺得你地種嘢多數用盤較細, 就算用啱盤(蕃茄應用12吋直徑盤為佳), 啲泥都落得唔夠厚!
你啲蕃茄主幹都成4-6分粗嘞, 底根自然好發達, 上傳嘅水份及肥料就自然量大啦!
但泥土體積所儲藏嘅養料係滿足唔到棵植物嘅要求嘅, 佢嘅枝葉咪頭耷耷囉,
仲有佢會自我選擇枯萎某啲枝葉黎維持自我生命延續, 減少結果都係手段之一架!

所以水份及肥料供應係好重要嘅, 花生麩水係氮肥, 主要提供俾枝葉正常發展用,
但都要落啲磷肥鉀肥配合開花結果至得架!

我喜歡先將植物身型種好, 再配合開花結果嘅 -- 尤其係多枝多果嘅物種添!
好似一盤可以種出好多中型果果嘅泰國蕃茄噉, 我就會首先谷大棵嘢先講嘞!
所用嘅盤係13吋直徑, 泥厚9吋, 薄肥約7天一次(花生麩水肥),
泥面放置乾肥, 溶解完又再添加(雞屎肥及紅牛鉀等), 致於水份以濕潤為目標,
唔會淋水太濕或因藏水引致浸爛根(蕃茄嘅根主要係幼根, 又密又多!)


唔講咁多嘞, 睇圖先啦, 大圖黎架:

記得睇圖時請順手體張圖上點擊一下,
再體右上角按一下<實際大小>放大啲清楚好多架!

順便睇吓我種體花槽嗰棵<泰國蕃茄>啦!  有啲茄茄開始紅囉!

過唔使咁快開心住, 離大量開花結果期仲有一段時間呢!

好勁.........又大又靚!!!!!!
我都要好好學習,加油!!!!

嗰條<乜乜乜椒>都冇乜人鍾意睇嘅啫!
準備收咗佢好嘞! 嘻嘻!

我都埋咗d無花果同士多埤梨種…一d反應都冇！！ by the way…你d鬼椒好靚仔！

JodieC 及大家好!
試吓回答你嘅問題啦, 唔知啱唔啱呢!

你嘅蕃茄體型都合理嘅, 花開後有枯花現象主因係前段時間天氣日夜溫度反差大,
相對濕度亦係大起大落, 好多花花都結唔到果呢, 肥料配合唔到都有問題架!

首先我覺得你地種嘢多數用盤較細, 就算用啱盤(蕃茄應用12吋直徑盤為佳), 啲泥都落得唔夠厚!
你啲蕃茄主幹都成4-6分粗嘞, 底根自然好發達, 上傳嘅水份及肥料就自然量大啦!
但泥土體積所儲藏嘅養料係滿足唔到棵植物嘅要求嘅, 佢嘅枝葉咪頭耷耷囉,
仲有佢會自我選擇枯萎某啲枝葉黎維持自我生命延續, 減少結果都係手段之一架!

所以水份及肥料供應係好重要嘅, 花生麩水係氮肥, 主要提供俾枝葉正常發展用,
但都要落啲磷肥鉀肥配合開花結果至得架!

我喜歡先將植物身型種好, 再配合開花結果嘅 -- 尤其係多枝多果嘅物種添!
好似一盤可以種出好多中型果果嘅泰國蕃茄噉, 我就會首先谷大棵嘢先講嘞!
所用嘅盤係13吋直徑, 泥厚9吋, 薄肥約7天一次(花生麩水肥),
泥面放置乾肥, 溶解完又再添加(雞屎肥及紅牛鉀等), 致於水份以濕潤為目標,
唔會淋水太濕或因藏水引致浸爛根(蕃茄嘅根主要係幼根, 又密又多!)

-----------------------------------------------------------------------------------------------
老師... 唔該o西你呀... 咁我想問下... 我而家應該加泥定換盤呢?? 邊樣做法會好d??

另外老師指放係泥面既"乾肥"即係咩肥呢?

老師d雞屎肥係咪自家養雞有 定係係邊樹買架? 因為我出去搵肥時... 只見魚肥, 古早肥 或一般既肥... 未見過有雞屎肥賣....

另外仲有個題外話... 有蚜蟲既菜菜係咪唔食得既呢?? 捉走左d菜菜都好靚..好完整.. 唔知老師會點處理呢??

花老師棵蕃茄長得勁枝葉繁茂啊﹗請問有無摘芯和側芽呢？我曾經種過茄子、蘿蔔和蕃茄，都有照老師說落氮磷鉀肥，但唔知點解，果實食落「稔bat bat」，一D都唔結實，請問花老師，不知是那隻肥料下得不足夠，還是缺了那種肥料？唔該晒﹗

回復 JodieC 的帖子

JodieC 及大家好!
繼續答你嘅問題啦:

老師... 唔該o西你呀... 咁我想問下... 我而家應該加泥定換盤呢?? 邊樣做法會好d??

假設以12吋盤為合理種植器, 如果現在盤負載泥嘅體積相差唔大就加泥上面就OK啦!
如果相差大咪換盤囉, 個盤咁細泥咁少我諗啲鬚根都纏滿泥啦,  即係話換盤都傷唔到啲根啦!

另外老師指放係泥面既"乾肥"即係咩肥呢?
老師d雞屎肥係咪自家養雞有 定係係邊樹買架?
因為我出去搵肥時... 只見魚肥, 古早肥 或一般既肥... 未見過有雞屎肥賣....

我放體泥面嘅追肥好多地方都有得賣, 我幫襯<衫兄>佢平啲!
花生麩粉粒(氮肥)
熟肉骨粉(磷肥)
硫酸鉀粒(鉀肥) -- 又叫<紅牛鉀>
雞屎肥粒(均效肥) -- 又叫<活力有機肥>

甲殼素(增強鈣及其他微量元素)

另外仲有個題外話... 有蚜蟲既菜菜係咪唔食得既呢??
捉走左d菜菜都好靚..好完整.. 唔知老師會點處理呢??

有蚜蟲嘅菜菜點解唔食得啵! 消除後洗乾淨咪食得囉!
當然, 如用噴藥方式(有機殺蟲劑)殺蟲, 只要按說明書所述做就安全啦!

我採用嘅部份肥料:











花生麩粉粒浸水肥