乜都種吓嘅花園仔

花園仔 · 發表於 2010-5-23 23:10:52

呢棵重瓣<茉莉花>年年到呢個時候就猛咁開花嘞, 啲花又大又香....

花園仔 · 發表於 2010-5-23 23:22:38

<紅棗>都怕雨水多架, 水多冇太陽會爛訂或跌果架....

花園仔 · 發表於 2010-5-23 23:25:06

<到手香>就唔怕雨嘞!

花園仔 · 發表於 2010-5-23 23:27:38

木瓜怕水多, 因為積水好易吽爛根架....

花園仔 · 發表於 2010-5-23 23:32:29

我呢棑對皇冠牌嘅小尖椒無論栽種或調製食用方面都好有興趣啵! 嘻嘻!

花園仔 · 發表於 2010-5-23 23:36:03

本帖最後由花園仔於 2010-5-23 23:38 編輯

會俾心機種靚啲菜菜架罅!

注意睇圖請多手體張圖上點擊一下, 放大D清楚好多架!

花園仔 · 發表於 2010-5-24 00:46:48

晚安!

joelai · 發表於 2010-5-24 08:56:36

本帖最後由 joelai 於 2010-5-24 08:58 編輯

老師，請教一下，你有沒有種過夏威夷木瓜﹖因為之前用水浸左D種籽，發左芽，落埋盆仔種緊，有三株苗仔，出左真葉，但唔知點解一樣係早晚各淋一次水，但有兩株好似死死下咁。請問呢種木瓜的種植方法會唔會同你地個D木瓜好唔同﹖我上YAHOO搜尋過，只係不斷出D人話隻木瓜點好食，無人講點種係比較好，所以想請教你。

JicJicmom · 發表於 2010-5-24 10:01:57

本帖最後由 JicJicmom 於 2010-5-24 14:28 編輯

回復 12029# 花園仔
老師早晨呀~~
多謝老師意見, 我都要努力鑽研 + 觀察一下無花果0既生長習性至得~~ 今早上天台搬左佢出去晒太陽了~
我好驚粟米上面呢隻綠色野..... 上次響天台比佢"突襲" , 成隻兜頭兜面撞埋我塊面度......
又, 借問老師, #12047 0既"晚安照" ,係唔係吊蘭來呀?

BTG_CARMEN · 發表於 2010-5-24 14:16:36

回復 12003# 花園仔

文哥..thanks!!不會放棄...(已經食左兩隻) ....
花老師...仲以為香草類係唔洗點施肥...因為買左本講香草o既書係咁講...我跟佢咁種...死左盆百里香...兩盆迷迭香...盆薰衣草同奧勒岡都死下死下咁...

花園仔 · 發表於 2010-5-24 23:59:31

回復 12048# joelai
老師，請教一下，你有沒有種過夏威夷木瓜﹖因為之前用水浸左D種籽，發左芽，落埋盆仔種緊，有三株苗仔，出左真葉，
但唔知點解一樣係早晚各淋一次水，但有兩株好似死死下咁。請問呢種木瓜的種植方法會唔會同你地個D木瓜好唔同﹖
我上YAHOO搜尋過，只係不斷出D人話隻木瓜點好食，無人講點種係比較好，所以想請教你。
==================================================
joelai 好!
<夏威夷木瓜>係我種過最甜最好食嘅木瓜!
我係1999年種嘅, 種籽源來自買翻黎嘅真正夏威夷島所產木瓜!
食完瓜瓜後用種籽培苗, 10吋高時移種外牆邊地, 一直生長良好!
苗苗時注意泥面乾先淋少水但保泥底濕潤. 薄肥....
發育時曾俾佢混合肥於樹冠範圍, 水份控制冇水浸....
年中後開花結果, 果好多都成功....
9月中打十號颱風, 吹到甩皮甩骨但挺得住, 成功生長熟果....
食咗好多瓜瓜, 又香又甜又好食親朋好友人人讚賞!
越冬後瞓曬教, 應該係挨唔過寒冷天氣....
後來再冇種此品種嘞!

揾唔到資料相片, 體錄影帶出黎嘅幾張圖片啦, 打風時拍攝架!

花園仔 · 發表於 2010-5-25 00:24:49

回復 12049# JicJicmom
回復 12029# 花園仔
老師早晨呀~~
多謝老師意見, 我都要努力鑽研 + 觀察一下無花果0既生長習性至得~~ 今早上天台搬左佢出去晒太陽了~
我好驚粟米上面呢隻綠色野..... 上次響天台比佢"突襲" , 成隻兜頭兜面撞埋我塊面度......
又, 借問老師, #12047 0既"晚安照" ,係唔係吊蘭來呀?
============================================================

積媽好!
係亞, 我都留意住棵無花果嘅動靜架!
粟米上面嗰隻<金龜子>好衰架,
幼蟲專食根, 成蟲亂咬嘢, 粟米得咗佢先食....呵呵!
係吊蘭黎架, 呢棑猛噉開花呢!

啲小朋友話佢厚皮冇使包喎, 隨你啦, 日日花幾個字黎笠袋的確係好煩嘅!
又話農友冇包喎, 梗係啦, 人地打針蜂水, 農藥使唔使通知你亞!!!

日日有瓜收嘅合掌瓜, 現時情況:

花園仔 · 發表於 2010-5-25 00:42:12

晚安!

joelai · 發表於 2010-5-25 09:57:06

回復 12051# 花園仔
joelai 好!
<夏威夷木瓜>係我種過最甜最好食嘅木瓜!
我係1999年種嘅, 種籽源來自買翻黎嘅真正夏威夷島所產木瓜!
食完瓜瓜後用種籽培苗, 10吋高時移種外牆邊地, 一直生長良好!
苗苗時注意泥面乾先淋少水但保泥底濕潤. 薄肥....
發育時曾俾佢混合肥於樹冠範圍, 水份控制冇水浸....
年中後開花結果, 果好多都成功....
9月中打十號颱風, 吹到甩皮甩骨但挺得住, 成功生長熟果....
食咗好多瓜瓜, 又香又甜又好食親朋好友人人讚賞!
越冬後瞓曬教, 應該係挨唔過寒冷天氣....
後來再冇種此品種嘞!
============================================================

唔該老師，我可能真係水份控制得唔好，早晚都比水，但泥面仲濕@@我會小心照顧的了，THX SO MUCH^^

soy · 發表於 2010-5-25 11:38:37

呢棑日日都有少少<夜香花>摘呀!
===================
老師好~
夜香花除了用來做冬瓜盅,還可以點吃呢?
無理由日日冬瓜盅嘎....

另外我的合掌瓜只有公花冇乸花....為什麼呢? 好後悔唔種兩棵喔~

還有我的日本南瓜每次有乸花,都枯萎或好快變黃,公花就開得好靚,點算好呀?

小牛 · 發表於 2010-5-25 12:23:40

本帖最後由小牛於 2010-5-25 16:14 編輯

老師好！
想請教下老師，我棵合掌瓜由 1月種到而家，都未見過佢開花，add8icon
紅牛鉀都茖左幾次……
咁佢係咪 "無花果"呢？抆唔抆好？
如果重新再種唔知仲啱唔啱造呢？

花園仔 · 發表於 2010-5-25 19:48:09

大家好!

花園仔 · 發表於 2010-5-25 20:00:25

回復 12054# joelai
唔該老師，我可能真係水份控制得唔好，早晚都比水，但泥面仲濕@@我會小心照顧的了，THX SO MUCH^^
==========================================

唔使客氣!
培育木瓜小苗嘅盤盤要大啲, 泥泥多啲, 不妨俾少少薄肥....
淋水細緻啲, 擺放地為半陰曬最好....

成長中嘅木瓜苗苗

花園仔 · 發表於 2010-5-25 20:18:20

回復 12055# soy

老師好~
夜香花除了用來做冬瓜盅,還可以點吃呢?
無理由日日冬瓜盅嘎....

另外我的合掌瓜只有公花冇乸花....為什麼呢? 好後悔唔種兩棵喔~

還有我的日本南瓜每次有乸花,都枯萎或好快變黃,公花就開得好靚,點算好呀?
===========================================

蛙太好!
最簡單容易有益好味 -- 夜香花, 冬瓜, 鮮草菇, 薑絲, 豬肝瘦肉....滚湯!

等吓囉<合掌瓜>咁長壽, 佢總會開花結果嘅!

我種日本南瓜都好失敗架!

都叫你地種瓜瓜最好打孖架喇!

花園仔 · 發表於 2010-5-25 20:25:58

回復 12056# 小牛
老師好！
想請教下老師，我棵合掌瓜由 1月種到而家，都未見過佢開花，
紅牛鉀都茖左幾次……
咁佢係咪 "無花果"呢？抆唔抆好？
如果重新再種唔知仲啱唔啱造呢？
===================================

小牛好!
<合掌瓜>最少有兩年壽命, 慢慢種梗有回報嘅, 唔好掹!
種多棵體隔離囉, 小苗時唔好曝曬, 等佢壯碩啲就乜都唔怕啦!