乜都種吓嘅花園仔

花園仔 · 發表於 2010-2-27 21:19:33

本帖最後由花園仔於 2010-2-28 19:03 編輯

回復 10798# JicJicmom
老師早晨呀 ~~~~
積媽種左D紫色芥蘭頭, 今日發現有一隻裂開左 , 變左笑口棗 ...... 積媽上年種過綠色芥蘭頭, 都可以去到幾大隻.
而呢一隻笑口棗 , 細細隻就開口笑......
請問老師, 紫色種係唔係會細隻D架呢? 裂開係唔係即係食得/ 熟左呀?
唔該哂阿老師~~
===========================

積媽好!
哈, 舊年冇種紫色芥蘭頭喎, 以前都未試過變笑口棗, 蘿蔔或櫻桃蘿蔔就試得多嘞!
一般都係體成熟期時淋水太多所致啫!
紫色種的確係細D架, 有時就算同係紫色都會有大細架, 唔同 DNA 吖馬!
裂開代表熟咗架罅, 食得啦!

嗱! 詳細D講吓點解蘿蔔類塊根會裂開嘅原因:

塊根體未完熟時裂開
當種蘿蔔嘅泥土長時間處於較乾身時候,
塊根生長速度係比較慢而且組織亦比較老,
如果突然淋多咗水或落咗場大雨嘅話, 塊根就會迅速膨大啦.
呢個時候由於塊根外層細胞分裂速度比裡面細胞嘅分裂速度慢,
所以咪裂開對住你苦笑囉 -- 塊根未完熟嘥料吖馬!
因此泥土乾濕度要持恆囉, 唔好一時好乾一時好濕, 淋水時均勻D啦!

塊根體完熟期裂開
塊根體收穫前二十日就應該制水(停止淋水)
因為嗰陣塊根已經逐漸停止生長架罅, 淋多咗水反而仲易裂開啦!
過嗰時裂開都唔緊要喇, 都完熟洛, 丑樣D啫一樣食得格, 嘻嘻!

又, 今日朋友自加州返黎, 送咗D種籽俾我呀, 你有冇興趣亞?

花園仔 · 發表於 2010-2-27 21:27:22

回復 10799# 寶頤
ＷＡ～～原來老師都好多香草

唔知係唔係天氣熱既關係呢。。
我盆迷你番茄好似謝謝地咁～
========================

梗係! 仲有D冇傳上黎咋! -- 唔靚吖馬!

而家都係25度上下啫, 唔怕格!
嗱, 你睇吓我D迷你蕃茄仔:

花園仔 · 發表於 2010-2-27 21:35:45

壹仟零一棵<乜門菠蘿>亦來花了!

leelee · 發表於 2010-2-27 22:25:43

我屋企已經種左好多花,依家我放緊毒比個女,等佢返學校園藝組種,而我又可以去玩下.

花園仔 · 發表於 2010-2-27 23:57:28

晚安!

JicJicmom · 發表於 2010-2-28 00:40:06

回復 10801# 花園仔
積媽好!
哈, 舊年冇種紫色芥蘭頭喎, 以前都未試過變笑口棗, 蘿蔔或櫻桃蘿蔔就試得多嘞!
一般都係體成熟期時淋水太多所致啫!
紫色種的確係細D架, 有時就算同係紫色都會有大細架, 唔同 DNA 吖馬!
裂開代表熟咗架罅, 食得啦!
又, 今日朋友自加州返黎, 送咗D種籽俾我呀, 你有冇興趣亞?
==================================================
老師好~~~~
我唔理喇, 聽日唔理三七廿一收左佢先......另外有2隻都大大地, 我諗襯佢未變身就收左先喇 ...... 我應承左一位UNCLE有收成就送比佢食~ 佢應該會好開心呢~~
老師D種子, 唔知隻白蘿蔔係唔係短身架呢 ? 而家種唔種到 ? 抑或等到九月至種好呢 ? 南瓜我無本事種呀 , 好似好大隻咁 ~~~
多謝老師 ~~~

leelee · 發表於 2010-2-28 00:44:55

老師真係叻,種菜種香草水果己經頂瓜瓜,連重花都甘得.

mono · 發表於 2010-2-28 17:08:26

今日落田，老師D迷你蕃茄仔，瞓到一地都係。要同佢剪髮同插反幾支竹仔。

alilovebyj · 發表於 2010-2-28 23:16:13

add6icon 蘭花好靚女啊！

老師，d種子我都有興趣啊！

唔知可唔可以要d蘿白和菜頭呢！

去年我種咗七八個紅菜頭，都算有成績，但今年就一棵苗都起唔到……真的有點不甘心啊！

ps 泰國蕃茄已發了四棵苗，而迷仔茄仔早前唔知係咪太冷 (因為我個度係今年全港最冷區域)，都變得垂頭喪氣，而且掉了很多果！

花園仔 · 發表於 2010-2-28 23:39:15

回復 10806# JicJicmom

老師D種子, 唔知隻白蘿蔔係唔係短身架呢 ? 而家種唔種到 ? 抑或等到九月至種好呢 ? 呢
南瓜我無本事種呀 , 好似好大隻咁 ~~~ 多謝老師 ~~~
=======================================

積媽好!
隻白蘿蔔中中地囉, 我諗住試種少少玩吓呀!

呢幾日<無花果>明顯大咗好多!

花園仔 · 發表於 2010-2-28 23:45:20

回復 10809# alilovebyj
蘭花好靚女啊！

老師，d種子我都有興趣啊！唔知可唔可以要d蘿白和菜頭呢！

去年我種咗七八個紅菜頭，都算有成績，但今年就一棵苗都起唔到……真的有點不甘心啊！

ps 泰國蕃茄已發了四棵苗，而迷仔茄仔早前唔知係咪太冷 (因為我個度係今年全港最冷區域)，都變得垂頭喪氣，而且掉了很多果！

=========================================

Alison好!

好吖! 試吓囉!

可能凍壞咗啵!

嗱! 先棑咁凍, D<泰國茄子>幾耐至發芽亞, 得幾棵咋!

JicJicmom · 發表於 2010-2-28 23:49:04

本帖最後由 JicJicmom 於 2010-2-28 23:51 編輯

回復 10810# 花園仔

積媽好!
隻白蘿蔔中中地囉, 我諗住試種少少玩吓呀!

呢幾日<無花果>明顯大咗好多!
======================================
老師好~~~ 多謝你咁詳細解答阿笑口棗0既問題呀 ~~ 我明白哂喇 ~ 我睇少左早前0既大雨 / 濕漉漉天氣, 所以芥蘭頭至會出事 .....
老師可以比少少蘿蔔種子我嘛 ? 積媽希望可以在夏季之前試一下 ~ ^^ ( 我前年第一次種蘿蔔 , 蘿蔔種唔出, 養左一大堆蚜虫.....)
積媽0既無花果, 都仲係別來無(變)恙(樣)~響秋播菜菜收爐時, 就會轉盤囉 ~~~ ( 而家無位喇....)

花園仔 · 發表於 2010-2-28 23:51:19

回復 10807# leelee

哈哈, 我都種咗好多花架....

舊年邊個邊個收過我寄俾你嘅易種<拖鞋蘭>苗苗亞?
而家點呢? 又係花開嘅時候囉啵!

花園仔 · 發表於 2010-2-28 23:57:17

回復 10812# JicJicmom

老師可以比少少蘿蔔種子我嘛 ? 積媽希望可以在夏季之前試一下 ~ ^^
=======================================

好吖!

大家估吓呢D係乜嘢種籽吖嗱!

alilovebyj · 發表於 2010-3-1 00:00:37

可能凍壞咗啵!
===========================

係啊，葉變黃，又掉果

另外曇花送我的black cherry 就d葉係咁枯，唉﹐天氣啊！天氣啊！

ps 隻拖鞋好靚，靚過我雙大口仔拖啊！add6icon

花園仔 · 發表於 2010-3-1 00:02:29

回復 10808# mono

今日落田，老師D迷你蕃茄仔，瞓到一地都係。要同佢剪髮同插反幾支竹仔。
=======================================

Mill好!

整企理D都好嘅, 睇落都精神D吖馬!

薯仔就黎收得嘞!

alilovebyj · 發表於 2010-3-1 00:09:44

薯仔就黎收得嘞!
===========
老師你的薯仔是否好細？？

我的很小，是新薯size

JicJicmom · 發表於 2010-3-1 00:12:57

回復 10814# 花園仔

大家估吓呢D係乜嘢種籽吖嗱!
=============================
唔 ..... 好似豆豆咁..... 側邊有眼仔0既 ?

花園仔 · 發表於 2010-3-1 00:16:19

回復 10817# alilovebyj

老師你的薯仔是否好細？？

我的很小，是新薯size

==========================

係呀! 雞蛋禁上下嘅咋! 有D大少少嘅, 唔勻巡囉!

JicJicmom · 發表於 2010-3-1 00:17:02

老師 ~~ 積媽有個傻問題想問一下 ....
如果有人種薯仔, 就咁成大隻+原隻馬鈴薯塞入泥 .......( 通常我地都係切出有芽的一小塊入泥咋嘛..) 而家見佢有3棵野生左出來 .....
積媽想知, 咁樣會唔會影響呢棵薯仔0既收成呢 ? 如果有影響, 而家了佢出黎"整番細佢" , 有幫助嘛 ?
麻煩老師了~