6664# JicJicmom
花老師好 ~~~ 積媽有問題想問呀 ~~~
老師提過 , 花盤大小係直接影響植株大小 / 高矮 , 如果真係無得揀, 要用無咁大0既盤黎種苦瓜 , 棵瓜唔會咁大棵之餘, 係唔係會連d瓜/花質數都無咁好 , 好似人地d唔足月 bb 咁 ,先天問題會多d呢 ?
另外 , 一棵植物容易受到病菌感染, 係唔係代表棵植物唔夠強壯 ? 先天不足而又想要佢壯一d , 施肥+好0既泥土管理幫助大嘛 ?
事緣早一輪屋企忙 , 無點理d植物 , 好多瓜都有左白粉 , 好心痛呀.......... 我已經整走左成4盤瓜 ..... 而家連蕃茄都有少少感染 , 已經用左百菌清 / 依天得 ....但又因為有果果所以唔敢再落藥 , 而家係用日本竹酢黎噴 + 放響通風有太陽0既地方咋 .....
先多謝老師指點迷津 ~~
=============================================
積媽好!
首先我地要明白植物栽種同做其他嘢都脫離唔到 E=MC² 呢條公式架.
例如所種植物高大嘅, 佢D根梗係又深又長, 用個淺盤薄泥你話掂唔掂丫,
相反所種植物矮細却枝葉延伸開濶嘅, 佢D根雖淺但根圍遠展, 用個窄面盤仔幾深都唔OK啦!
所以要選啱盤缸及植料所栽種嘅瓜菜先至生長暢順及強壯架.
其實種嘢同養人養小動物都差唔多架, 體弱自然多病, 先天不足咪要後天得調囉, 按所欠缺而補之就對嘞!
施肥+合適嘅泥土管理+水份調控+光線控制都係令植物由弱轉強嘅必然因素.
天氣太熱盤種嘅大肉蕃茄頂唔住呀! |