DIY鮮竹牛肉球

幾星期前睇都市閒情教既鮮竹牛肉球, 呢兩日想試下. 味道幾好. 有質感. 有少少唔同平時係酒樓食既牛肉球, 酒樓的牛肉球好林. 自制的有肉質既感覺. 都幾好味.  參考食譜如下:

鮮竹牛肉球

材料-免治牛肉250克，果皮(浸軟及切碎)少許，芫茜(切碎)少許，馬蹄(切碎)2粒，鮮竹2條  (果皮我用了兩塊, 冇用芫茜, 改用了葱, 馬蹄用了3粒)

醃料1-梳打食粉1/3茶匙，水2湯匙。
醃料2-生抽1湯匙，麻油及胡椒粉少許，鹽1/4茶匙，糖半茶匙，生粉1湯匙，水適量

製法-
1.免治牛肉先與醃料1拌勻，再與2拌入味，加切碎配料拌勻至有黏性，雪數小時。
2.鮮竹飛水(水內加少許鹽)，然後切段，鋪碟內。
3.把牛肉捏成小球，排放鮮竹上，隔水中猛火蒸熟 (視乎牛肉球大細)。

感你都識﹖﹖﹖

我0系酒樓最曾食呢個
但你D相令我好想食

好得, 真系好得, 令一個吾0店鮮竹牛肉球既人想食鮮竹牛肉球
10個good

望都覺得好好食呀........

又一個廚藝高手呀！～

我飲茶反而係必食
因為係算係會飽肚的一樣點心

落埋喼汁,嘩~~~好味到呢~~~~

原帖由 Tony 於 2008-4-26 22:21 發表
落埋喼汁,嘩~~~好味到呢~~~~

係呀. 自己要落喼汁. 個味好似架.

哇.. 有馬蹄爽呀，好味~~~落左喼汁仲好味

原帖由 FD113 於 2008-4-26 23:43 發表
哇.. 有馬蹄爽呀，好味~~~落左喼汁仲好味

馬蹄我反而麻麻

原帖由 sandy 於 2008-4-26 22:37 發表


係呀. 自己要落喼汁. 個味好似架.

我好鍾意喼汁隻味,好開胃

係我必食的點心,你好勁呀

就係我都好鍾意食牛肉. 所以咁岩見倒電視介紹. 咪試下囉.

酒楼果D 好多粉，又冧 .......

原帖由 八王爺 於 2008-4-28 09:05 發表
酒楼果D 好多粉，又冧 .......

岩啦. 我相信酒樓既係因為粉多. 如果自己整既. 係冇粉. 所以好有肉感. 我都明白為什麼整唔倒果d質感了. 不過自己整點都健康d既.

原帖由 八王爺 於 2008-4-28 09:05 發表
酒楼果D 好多粉，又冧 .......

咁大多數都係如果自己有材料、有工具、知方法
因應自己口味調整一下.
整出黎多數都好食過出面
不過重點之一就係至少要識煮

幾簡單, 可以試下

飲茶我都仲意食鮮竹牛肉球
至愛

呢個係我最愛吃噶，每次去酒樓都會點