本帖最後由 psyche 於 2020-8-16 02:47 編輯
上年萬春園宣布正式結業後,我便一直很抑鬱,但最近無意中竟發現萬春園Facebook仲有更新,便打去試探下,點知真係仲有花賣。
之前義賣已清了蘭園內四分一的蘭花,加上不時有舊會員大批入貨,預左庫存所餘無幾,我最想補倉的''萬''巴比龍清哂、惠蘭賣哂、好多原種都冇貨、拖鞋蘭得返一批雜交貨尾、蝴蝶蘭冇哂影、C. Alma kee 清哂、但仲有為數不少的特選花C. purpurata、C. intermedia、C. Walkeriana和其雜交的嘉多類,中-大輪花的交配種嘉多利仲有貨、嘉仔迷可以去望下;原種春石斛都仲有幾牆、萬代蘭得返幾棵、名種豆蘭仲有好多、一堆毬蘭,一堆的迷你雜屬蘭花,文心類都仲有,我挨蚊咬抄左兩日牌,都仲有唔少特別和珍貴的品種,整理後會post俾大家睇下,否則未見花好難買。
園主王太話蘭場只獲業主續租到明年4月,到時便終極結業,蘭場內所有花都做半價甚至更低,以當年門市定價計算,我建議最好先買左未掉名牌的,否則好難查到價錢,只能單憑王太的記憶。
原先只揀了幾盆,但王太話無時間再打理,半賣半送叫我接哂佢,只見拖鞋蘭和嘉多利放同一位置被曬得半得不死,我考慮後便接受了她的建議。
再次補充,萬春園的蘭花主要係香港本地瓶苗生產,在高溫蘭棚下成長,全部食過夜粥較一般進口蘭花易種,人力成本好高,在當今花市下便顯得異常珍貴,所以就算這批拖鞋當中好像沒有我的心頭好,需要一段時間恢復生機,但我一樣會當係寶。
我已不能否認自己是一位萬春園的fans,如有花友有興趣去可留語或PM我,我幫大家分組去,等王太招呼都容易少少。
蘭苑拖鞋蘭區封左,搬了出去
|