比賽消息更新!仲未完結架!
係咁嘅... 本人細妹尋晚返黎食晚,比左一盆佢種嘅泰喜蔭比我... 同雷大商量過,咁唯有將雷大送出黎嘅枝條轉贈比下一位得勝者!不過比賽規則就有小小改變!
為左比多小小時間其他參賽者,而家將比賽限期亦都係頒獎日定為十月一日中秋節!
規則係限期最後一日前展示出開花照,經雷大同哩度出示到開花照嘅參賽者投選出最心儀花朵,
得票最多果位就會勝出同得到獎品 。
** 以下為 29/7 更新:
如果大家手頭上有兩三棵响手,都盡力種到佢地開花啦!開左花照post上黎比大家欣賞品評,增加勝出嘅機會。
如果同一棵多次開花,可以揀一張自己最滿意嘅作為參賽用。 |