"愛心城市種植活動^^歡迎新會員加入"

Hi 你哋好！

幾年前開始跟啲朋友去行山，見到山邊啲花花草草好靚，同啲朋友成日都講話影底啲花草，得閒就查下是什麼花草...講咗三幾年，然後上年年尾終於的起心肝登記咗，就貼相到球根植物版問了（好多謝Kuno的解答^^)

很喜歡這裡是因為這裏有很多種植資料，還有就是見到網友們也很樂意的解答問題。如果現在有朋友問有關種植問題，都會叫佢哋上來這裏搵下資料。

*其實，第一次搵到香港園藝館係因為係賓賓見到盆葡萄風信子好鐘意，然後問啲員工點種，佢就用啲唔係幾好嘅態度回答。最後花還是買了，就係唔忿氣，所以在網上查資料，跟著就和大家一樣第一次接觸了園藝館了（又是球根植物版^^），不過，那時還沒有登記。

我好簡單,只是網上亂打亂揰嚟到咖!!!!!!

多謝各位花友比分!

hugopoodle  很高興認識你呀, celia~
我都好高興認識你呀!

tomtomtom  你好，我們在海盜團見過面的，多多指教
Hi 你好呀! 不過我唔記得邊個係你囉!

金剛  celiaw午安^^原來你係第一期同學^^師姐真的很高興認識你,金剛合＋
我都好高興認識你呀! 你種野咁叻, 真係要向師兄你多D學習! celiaw 合十

好高興响哩度認識到咁多種植界高人
自2010 - 5 月, 因大病初癒, "適" 字緣於舒適, 又未痊癒, 為之 " 少少"
閒來無事, 網遊中草藥資料, 無意間誤入本館 ( 我係100%電腦白痴 )
對館內各高手的種植心得, 簡直拜服, 當中熱愛程度遠勝過出身於耕稼的我
本來已放下泥耙 30 多年的我, 又再重燃耕種的慾念,
可惜種菜知識已經忘記得一乾二淨,  依家屬於 百分百 初哥了

我另一個原因開始學耕種是因為少做運動，只管埋頭工作，每天工作超過10小時工作壓力好大。小肚腩已走了出來，骨頭亦响起警號。醫生亦warning 一定要做運動。於是咪"的"起心肝選擇了做假日農夫，現在社區園圃個5尺x5尺嘅小小方田未能夠我玩，我希望可以揾到100-200尺嘅田可租

maijai 發表於 2012-10-3 21:14
Hello, 你們好呀！我是在日本某一角生活，當初只是種花玩玩的，因為這裡的東西質素太好，隨便買包泥一些花 ...

金剛  maijai 你好!有緣千里能相會!惜福惜緣，感恩!  
係呀！緣份是好奇妙，大家都要有個心，才成事
〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜
michele1004  日夲朋友有種櫻花嗎？要加油
沒有種櫻花，難道咁高，大家努力XD
〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜
tomtomtom  maijai 寄了日本種子來分享呢，全部派完了  
麻煩你啦！希望收到種子的朋友，成功
〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜
hugopoodle  原來這裡有來自遠方日本的朋友, 歡迎你呀~遲些給我們介紹一下日本特別的種植品種和售賣地點啦~因為很多花友都鍾意旅行時搜尋種植珍品~  
多謝呀香港朋友， 有機會一定一定。
〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜
土豆貓  日本朋友仔, 歡迎你加入...  
多謝，以後唔好捉我呢隻美奇喎
〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜
還有多謝加分給我的園友

我的故事應該由一粒木綿花種子說起, 大約兩年多前, 一次到宋王臺公園, 見到很多木綿花飄到地上, 拾起一小部份種子回家種, 沒想到竟然會生長, 原來它真是有生命的, 太神奇了,  自己又再用沙田柚核, 龍眼核種, 原來這些都可以有東西種到出來的

之後走到花墟買了一棵水種觀意蓮, 起初照樣用水種, 種到它有點不妥, 只剩下一塊葉, 唯有用泥種, 不久, 它竟像火鳳凰般重生, 生下又多一塊葉, 生下又多一塊, 太頑強了

不久後, 無意中在YAHOO 搜尋HKPLANTS 這個網站, 起初都只是望望, 後來在日本城見到一棵銅錢草, 真是很可愛, 但自己又不捨得用錢買, 於是上HKPLANTS, 膽粗粗, 問人可否分享銅錢草給我, 竟然有人願意送給我,
另外, 自己也有些朋友送了一些種子或幼苗給我, 種種下, 自己有些悶, 棄掉又可惜, 之後便將一些種子和幼苗分享給其他花友, 自己又可有位置種其他新的植物, 遇到不懂種的地方, 花友又會說出他種植的心得,

因為自己的不足和初學者, 自己去了HK政府所辦的園藝班, 去了LIBRARY 借一些關於植物的書, 令我了解到植物的一些知識, 什麼頂芽, 側芽, 葉子會流汗…. (對植物了解多些, 對種植也有幫助) , 同一時間, 亦走去認識野外和公園裏的植物, 因為有植物, 才有昆蟲, 蝴蝶, 動物, …生態多樣化, 人類的中藥, 護膚品, 茶葉… 生活很多的一切一切都和植物有關,

前陣子, 颱風的吹襲令很多樹木倒塌, 很多古樹沒有了, 有些心痛, 見到公園或街邊的樹木, 只用一些有限的地方種植, 對植物起碼的尊重都沒有, 有些可惜, 心痛

似乎扯得太遠了, 大自然真是很奇妙, 就讓我們一起為這個地球增加多些綠色吧

自己家不是太大, 種了些香草, 有得食又有得玩, 很開心,

碰巧HKPLANTS 十週年, 做了這個”愛心城市種植”的活動, 覺得很有意義, 只可惜, 自己家不大, 不能幫手培植植物, 自己錢又不多, 唯有出力, 做運輸組, 幸好, 當天不是太多東西要搬運, 希望大家多多包涵

Hahaha! 金剛你不斷變身, 係咪想做百變金剛

自小喜歡種植物, 大多是觀賞植物, 最早期是種AV, 不過無深入研究點樣種, 死傷無數, 到近兩年再種番AV就比心機栽種, 上網搜尋資料, 跟住就發現呢樹, 園藝網給我好多資訊, 呢樹既網友又好好, 好nice, 大家又可以交換植物, 葉子, 將綠色植物繁植落去~
最重要係望見綠色植物心情會好好多, 又可以減壓~
好高興認識你地...

我也很高興認識你^^有空多多交流! ~多謝金剛~
係呀, 呢度嘅花友好好~係一個很好的互動平台~相信都好難搵到一個咁好既地方~
多謝幾位大大賞分~

自細巳經鍾意種野，不過種親都唔大。                                                       
我好似係2007年中加入園藝館，係想搵d種蝴蝶蘭嘅資料, 搵搵下就入咗嚟!                                                       
果時我大住個肚,，仲約咗水母版主，分享(第一次種)喜蔭同花貓比我添!                                                        
之後好似中咗毒，最多種到成200盆，好在係迷岩咋!
呢幾年都識咗唔少花友,，交流中都學到唔少知識。                                                       
                                               

屋企有個組合櫃裡面有個位對住冷氣機隔離隻窗,由唔知幾時開始就會放一盆植物係果到~
等屋企有d綠色野~~種過..好多,都唔記得有d咩lu~又唔會點打理佢地,就係死左一棵就換過一棵咁啦~
對上死左果棵係一棵檸檬薄荷,第一次死左棵植物有d好唔開心既感覺...
因為我買佢番黎果日,我暈左係條街到入左廠~~佢係e院陪我過左一個好悶+唔開心既夜晚~
所以佢死左特別傷感/-\"
之後男朋友見我死左棵植物咁唔開心, 就送左棵百里香比我~~
點知棵百里香番左黎幾日..就死左9成(死剩一條木質化的)..心諗今次一定唔可以再比佢死~~
於是就上網搵資料睇下應該點種, 無意中見到左"香港園藝館"(心諗~~原來香港都有園藝館)
跟住就梗係救番左棵百里香啦~ 仲1棵變6棵tim~~
真係好鐘意呢個forum~~~" 又可以搵到d種植資訊又可以分享唔同既植物番黎~
仲可以識到唔同既朋友~~ =]
初初諗住靜係會種香草..整整下中晒毒咁, av,貓貓,士多啤梨都有

多謝咁多位大大評分

tomtomtom  9.29見你講解得好清楚，好叻女  發表於 半小時前
多謝, 其實我本來咩都唔識~~ 講解既野都係係呢到學番黎

金剛  suki午安^^好開心聽到你嗰句 " 仲1棵變6棵tim~~" 嘩!妳很犀利呀)))  發表於 2 小時前
呢到d花友直頭係我d植物既恩人啦~~ 早排買左條橘子貓既枝條~~
番到黎越黎越dup, 半死狀態咁~~ 多得呢到既花友們教路~~唔單只救左果棵,剪出黎果條蟲蟲仲生多左2棵芽出黎

hugopoodle  929嗰日很高興認識你, 好多謝你的參與, 我覺得香草好難種, 所以你一定係植物恩人, 可以幫佢哋開枝散葉, 叻叻^^  發表於 昨天 21:12
唔洗客氣啦,果日玩得好開心!!=]  而家覺得香草比起花花最麻煩既地方就係只可以落有機肥, 但一落有機肥又野蚊滋/-\""
我可以幫佢地開枝散葉都係因為呢到既花友~~~^^

土豆貓  好開心識到你丫 SUKI 妹妹....  發表於 6 小時前
會長大人，nice to meet u 2~^^

我自小都鐘意種植, 種過好多東西, 尤其係AV.  但因自小住公屋, 不能一次種太多植物!! 3年前搬入村屋, 開始越種越多, 仲越種越大棵
並開始從網上搜集種植資料, 機緣巧合下發現園藝館, 有野學又有野拎, 仲可以識朋友tim.....好開心ga

hugopoodle  而且呢度又附有其他版面, 如寵物, 煮嘢食, 攝影等等, 不知不覺又吸引我們培養其他興趣, 平衡大家平日繁忙的生活  發表於 昨天 21:08
係呀! 係呀! 我都有養狗仔, 又鐘意貓仔, 得閒會去睇下花友d寵物, 都好開心ga.  而且我都係响呢度學浸梅酒, 好正ga! 又見識都平時未見過嘅植物, 就算自己唔夠地方種, 睇下都開心

金剛  chanpyhilda 午安^^有同感啊!依度真係好好玩!未加入嘅,快d入會,親身感受吓依度嘅氣氛啦,haha  發表於 昨天 14:09
我都有介紹朋友入館ga, 但唔知佢地有冇入囉

劍狼  很高興認識你, 我都係av迷, 有機會交流下.  發表於 昨天 13:36
我依家少種AV喇, 因為唔想响屋企室內種野, 本來响公司種左好多, 但早前霸左嘅窗台位置, 被公司橺左位畀同事坐 .....D AV畀晒人啦


嘩! 嘩! 嘩! 多謝各位大大加分呀

2009年屋企有D空位，開始無意識咁種野，有成功有失敗，慢慢覺得唔可以再咁落去。舊年年中發現園藝館，最初追睇花園仔個帖，後來就發現喱度真係好多猛人！

種野樣樣要學，樣樣對我黎講都難：介質，水份，肥料，蟲害病毒， 好天晒，落雨淋，打風擔心

但係，但係

睇住D香草插枝長根長葉，睇住D種籽發芽長真葉長大，食自己種旣香草同菜，係好難用文子去形容個份開心同滿足 ！
上園藝館遇到D都係鐘意種野旣人，睇人地旣花，人地旣收成，人地旣失敗，交流學野或者齊齊哀悼吹水，又係好開心 ！
而家淨係掛住食，遲吓都會種花，因為睇住D花友D花開到咁靚好羨慕 ！都想一早起身飲杯茶賞吓花！

好同意園友tomtomtom話：看世界都不樣了，對泥土，時間，蟲蟲旣睇法唔同晒，係打開左一道大門！

金剛  yukyo 你好!當心念一轉世界自然就不同^^心如工畫師能畫諸世間!親切大自然令身心都健康!

金剛大大你好，我係鐘意睇畫架，但係自問心不如工畫師，睇見蟲蟲我個心念轉好多轉，要練定力

我係係綱上搵到LEE個綱站,好多花友種好多唔同嘅野,好有趣,見到你地嘅成果,連自己睇都睇到好開心, 我種植嘅知識係貧乏,希望大家多多指教

從小已喜歡種植。屋企種，公司種，始終只得一個人種，沒有同好。
偶然有朋友問我如何救活一棵垂死的捲柏，上網查資料是不二之選，從此就連繫了花網。
花網內除了大量的花草樹木，豐富的種植知識，還有花友們珍貴的情誼。
在花網快兩年了，無論在種植上及人生路上都有意想不到的成長。

如有朋友見到我這帖而未登記做花友就唔好諗啦！立即行動吧！你會有意想不到的收獲。係真架！
上句copyright by 帖 14 Sergio


re: hugopoodle__同意, 結識到志同道合的朋友, 令到種植日子不再孤獨
re: 金剛__謝謝, 互勉之, 加油


謝謝 金剛 malike 評分

金剛 你好.真係過好快

多年前(都唔記得幾耐), 我在花墟買左一棵蝴蝶蘭苗(呢隻係大膽嘗試... 之前都係種下鬱金香, 風信子, 百合, 三色堇之類), 點知亞媽話好難種...
我便上網搵資料, 就搵到嚟呢度(但當時都冇登記成會員...). 知到蝴蝶蘭的特性, 我就把她改用泥種, 經過一年時間, 終於開花, 但很失望. 因為同我揀的花色唔同...但我冇停止.
之後, 我一直都有種花, 蝴蝶蘭, 加多利亞, AV... 直到年頭見到有酢醬草同迷岩出售, 我才正式登記成為會員, 仲認識到一班志同道合我花友, 真你很高興認識大家!

我係一出世就睇公公種花...到大個.可能因為公公的原因.一直好種意花.
冇意間發現尼度.一入就4年幾.時間過得好多.

以前住大廈, 都有在窗邊種些小植物, 最初的 Rosemary 是在 City super 買了一盤特價品 (較正常的殘 d, 所以平 d), 沒有什麼知識, 只是依時淋水, 一種就種了幾年, 後來工作俞來俞忙, 幾乎連看一眼都無時間, 植物也一盤一盤的 bye bye 了, 只剩下一盤很細小的 Rosemary 插枝.  直到上一年, 生活上有些改變, 也搬了去村屋居住, 有一個陽光非常充足的大露臺, 就再次開始種植多些植物, 由於時間多了, 想植物種得好些就上網找相關資料, 無意間就來到這裡, 初時一直都只是觀看, 後來見有花友分享菜種, 就大胆問也想分享 (多謝 mirry), 這樣就開始了種瓜菜, 之後又參加了幾次園友的活動, 也認識了一些花友. 今年夏天到 Dick 哥處仲拉埋我老公一起, 他都不知幾喜歡Dick 哥那處的環境.

現在每天對住 d 植物, 整理它們就算做到大汗疊細汗都無所謂 (換轉是夏天行街出晒汗, 我就會好繃憎), 最近這兩星期因身體出現了些問題, 一出汗身體就會好唔舒服, 但是很多植物的事宜都不可以處理又令到個心唔舒服  

我種的以食得為主, 因為我地兩個都好為食. 閒時剪些香草煮嘢食, 唔錯 ga

hugopoodle  Sylvia, 很高興認識你~祝你身體快些康復, 種瓜得瓜, 種菜好收成~  
多謝你, 現在已好多了, 最差的情況時一邊面腫到似豬頭似. 也祝這裡所有朋友 "種瓜得瓜, 種菜好收成~".

金剛  csw_sylvia 你好!我也很喜歡香草^^因為香草色香俱全!種植如同親近大自然,令人心廣神怡!  
贊成你所說, 同時也因為我喜歡煮和食.

tomtomtom  你好，Dick哥處真是冇得頂。我都記得你先生個好雀躍嘅樣。
失禮晒 ~

我加入呢度快四個月了, 自小都喜歡種植同養小動物, 但因乜都容易上癮, 我喜歡電子, 電腦, 相機等, 自己係IT人,  除出街同訓教外都係對著電腦, 可以上網, 所以經常都去高登, 298, 鴨寮街之類, 因怕上癮所以盡量避免去花墟, 買的都是10多20蚊超市花, 本來並不多花種的, 但因搵植物資料無意中走到來園藝館, 自此可以不用一分一毫就可分享到花友的珍藏, 花種開始多了, 自然是覺得地方不夠用, 於是將重覆的花花送給花友, 如此就識了很多朋友, 很開心, 大家一齊分享種植心得, 又可以互相交換珍藏, 正是一舉數得, 最重要的是所費無幾(郵費同交通費),
所以都呼籲有意加盟的花友唔好再等啦, 火速登記啦, 真係好野來的


金剛  powergun 你好!我第一次見到有人分享植物都感到好開心同有種溫馨的感覺!
係呀, 但收到分享物後就有無形壓力, 萬一種唔到就浪費左人地一番心意, 雖然盡力想種生佢, 但有時未必天從人願的

tomtomtom  係有壓力，我一枝分享回來的大天鵝分3次插，就係驚死。終於好彩第三次成功咗。  
我都係咁做, 枝條, 走莖或球根, 可分的都盡分, 以減低風險, 但AV葉, 尤其是迷你形的, 真是超高難度

hugopoodle  "所以都呼籲有意加盟的花友唔好再等啦, 火速登記啦, 真係好野來的"呢句不妨bold大佢^^  
bold 大左啦