務農日記(收左D櫻島蘿蔔)

年初在天台開闢一角種菜，現在開始進入收成期，看著植物一日日成長，開花結果，收成甚至可以派街坊，真係很開心，因為之前從未想過會有收成，原來......自己都有dd種植的天份。
當中最成功的是茄子，我共種了6棵，由7月初開始收成，至今已收了21條茄子，差不多10日左右便收一輪。

zero1




歡迎加入種毒樂園~

種左好多野喎~
好多茄子
哈哈~PATPAT茄于
好叻叻呀你

The 茄子in the 5th photo.....
PatPatadd7icon

無花果個樣幾好食咁喎.....

Zero 1, 你好呀!
你種d野種得好靚, 收成咁好, 一定滿足+開心不已喇!
你棵無花果係種子種起亦或買番來? 種咗幾耐先有果?
我見你d農作物的業都種得好健康, d葉冇蟲蛀又綠油油, 可否分享吓心得呀?

我心有d邪

嘻嘻....我都覺得似Pat Pat.

其實今次種得成功，主要靠論壇上各位師兄師姐的教路及經驗分享，等我學識溝泥、堆肥、基肥、追肥、修剪、防虫、lup袋等等，唔係都係得個忙字。
有前人的經驗，原來農作物種植不限於農夫，即使在家中亦都能種到，而且是自己精耕intensive care，出來的成果可能比出面買的更好，吃起來更放心。

cklife,
無花果真係好清甜,可能係樹上熟，比生果舖買果d甜，我期待緊厘緊個d果果，我數過，大大細細都有成25粒咁多架！
Peggykyw,
無花果是4月中在花墟買的，買時約1呎高，只有2枝樹枝，沒有果實，回來後換大盆，定期施肥，3個半月後便有咁多果果la.
我種在天台，虫害比地種少，但都唔係無，你睇我盆朱朱就知。青瓜、木瓜、蘋果瓜、無花果、長椒較少虫害，而茄子則不時受紅蜘蛛、蝴蝶幼虫侵襲，只不過看相片看不出，同埋我經常修葉，生得唔靚果d已經無得留低。
我每隔14日左右會噴下藥，d小虫虫出現就係提我做嘢的時候。噴藥時，預計14日內會收成的作物，我會在果實外lup多個膠袋，減少果實沾上農藥的份量，以不影響收割。

今朝返工前探了我的至愛，青瓜、蘋果瓜長大了很多 ，今日又有3朵蘋果瓜花囡，都替他們授了粉及lup袋，希望成功。今日下雨，有2朵青瓜囡唔肯開花，明天再睇佢!

大部分植物都好健康(除左椒太少泥外),生長好好呀!勁!!!

知道,即刻加番D泥!

回復 8# zero1


多謝你分享種植心得, 學到好多野呀!
你盆無花果買咗幾錢呢?

回復 12# peggykyw


    好似$38 or $48,因為那一批貨沒有掛果.

zero1, 我d甜椒d葉都係縐晒,知唔知有冇事呢?

回復  peggykyw


    好似$38 or $48,因為那一批貨沒有掛果.
zero1 發表於 2010-7-30 08:10

咁平!!?? 是否本地種?

多謝公主嘉許
Peggykyw,
很大機會係本地果農自已插枝的，因為個樣都似，我有問店員(maybe她係老細)來源，她都答唔到。
當日我約左人係花墟附近食晚飯，又未夠鐘，咪週圍逛下，估唔到執到平野。可能就快收檔及貨尾卦，賣得甘便，但我記得當我知道個價錢後，即刻『螺飯應』，捧住棵無花果去飯局。

回復 14# Nancy
嘻嘻,我都唔知，係d葉有d捲起啫，棵椒我反覆檢查見佢無虫，又無真菌，又開到花結到果，就無深究原因。
太晒?我見d葉又無燶，好似又頂得順，所以我都由得佢

啱啱番到屋企，第一時間上去淋水，今日其中一個補水樽出唔到水，有1盆茄子乾到頭耷耷，即刻淋水+噴水急救

放假日、務農日，收了一些瓜果，之後施肥，加番D雞C肥及少量豐收一號。

回復 8# zero1


你好!
我種了好幾棵茄子,不過全都有紅蜘蛛,點算呀?
你用了什麼藥?有機的嗎?

Meow