(求救) 我支海藻肥係咪有問題 ? (已解決)

我今日去左大家介紹 元朗 陳x記度買野

買左d泥同 海藻肥 ~

返黎打開，發現入面唔係液體既(傑)，係似人地凝結左一舊舊咁 ~  (之前老闆只係話過傑要搖下佢開水)

加左成1000ml 水搖 + 開埋熱水 都唔係好溶度，只可以自己用茶匙係咁(顏)散佢至溶度少少 ~

我又唔肯定係自己唔識調教定真係變左 ~

請各位有經驗大大解答 ~ (因 我已經落左第一次落植物度  好擔心有事   )








[ 本帖最後由 茄星人 於 2008-3-11 12:33 編輯 ]

咁得意既? 有無臭味架? 魚肥開水時好臭...

有少少海澡腥味 ~ 不過唔太強烈 可以接受
我唔敢買魚肥怕招惹好多蟲仔 ~

有無人有個度電話，我想問下 ~

我通常用個細樽(250ml)加一茶匙，再加半樽水，勁搖，佢都係有少少唔溶，再加滿水再搖，佢都係有少少唔溶。

淋水時，再稀釋，仍然會有一点点。

唔知幫唔幫到你。

hellohello 唔該你 ^^

我岩岩打左電話去問，老闆話無問題，用暖水開會好少少，
最後仲有唔溶無問題，倒埋落去會慢慢溶解的   

放心晒 ~ 佳因我住九龍，尋日都係傳登搭車入陳記買野 ~
如果真係壞左要換都唔換唔換好 ~ 搭車都四十幾蚊lu
可惜買唔到綠豆同黃花沙 ~

點解呀？平平記應該有黃花沙賣嫁， d 質量重唔錯添。

老闆話今日剩返一包，岩岩都賣埋  
我返轉頭想買d有機綠豆，老闆話都賣晒 lu ~

好慘呀！無運行！

甘arm既,
我又係果鼠買左支海澡肥同泥呵...

係 ? 你買左咩泥 ~
其實大家知唔知邊度有d細包 黃花沙賣 ?
因為我屋企無空間放好大包個d泥同黃花沙 ~
所以只可買細細包科學泥 > <

回復 茄星人 的帖子

你可以考慮吓仙人掌泥,比一般科學泥(疏水)好小小.