韭菜大左啦--6/7第二次收割

差不多一个星期，韭菜终于出芽啦，我真系好开心
因为我好中意吃韭菜煎蛋的，有人知道可以放蛋壳碎落泥土上吗？等它多些肥料，我就早D有得吃

可以放蛋殼入泥裏
不過現階段佢是需要氮多過鉀ＷＯＷ

蛋殼有鉀及豐富鈣
要盡量磨碎佢
因難吸收

恭喜 恭喜, 我都鄧你開心呀!

我個d落左成個月都未有芽芽出

出左幾多棵呀~~夠唔夠炒一餐呢~

咦, 出咗啦? 好嘢~ 恭喜晒~

要耐心D亞, 距離隨意割黎包水餃嘅日子仲係漫漫長路呀!

哈哈~ 說得太對了~

你就好啦,我等左好耐佢都仲唔出世呀~~~
等到我頸都長喇,
快D出黎啦~~

我培過幾次都出唔到，你有嘜方法去培呢?

点样才有氮肥呀?请指教呀
今天出了大约十几个小苗,好开心呀,落场雨突然出左好多牙

頭先哥場雨我都見到!!! 係今年第一場"春雨", 喚醒了你的小苗~ 哈哈! 應該係濕度升高嘅關係!
氮肥去買花生麩啦, 我喺下環街買ge~ 我都想知邊度有其他園藝好地方~ 你如果知道一定要話埋佢我知呀~ ^^

韭菜要鹼性泥土,
D種子要完全被泥覆蓋先得GA,

落蛋殼可以令泥土鹼性D

13# kelvinkou
下环街大约边个位置?一包包的吗?用不用开水?我未用过.请指教

15# vicky

下環街街巿對面有間聖安娜餅店, 走進餅店隔離的小巷, 行過幾個舖位, 右方有間佔兩個舖位嘅"植物店"~ 問佢買花生"夫"吧~ 好似10蚊一包, 一包半公仔麵嘅重量左右~ 我估計ga咋~
可以作基肥或追肥用: 基肥唔係加水嘅, 加在盆的底部(當然要先加一層泥在盆底啦!) 再加棵植物~
等d 根去到肥料, d 花生麩先會分解得晒... 如果太近d 根, 會燒根, 啫係整傷棵嘢~
追肥就可以整"花生麩水" 浸水浸到爛晒(幾日)先倒落d 泥度, 不過我都唔會直接淋d 葉, 費事乃嘢, 又燒傷佢~

16# kelvinkou
好深呀,不过我试下啦,我现在日日都是嘔米水,希望可以肥D

在三角花園戈邊都有呀!
在買米的店里,好似幾元(5許)一斤!
vicky 恭喜!!~

我得闲去买呢,原来韭菜的生长能力真系夸张,今天又长高了不少呀,好开心,我先掉蛋壳,再掉花生夫呀

freestar: 5蚊左右一斤?! 咁抵?! 我又想去買添~ xP

vicky: 要洗淨蛋殼內的"衣" 哥d 皮好似話最好唔好一齊放落泥度~
你有"中"爛d 殼ga 可? 唔好齋放泥面, 開個洞, 放殼入去, 再蓋回泥土... 平時加肥料大概都係這樣... 唔係呢, d 嘢發起霉上嚟就煩了... 又惹蟲... 好噁心ga...