第一次種菜心...終於都有收成啦...由最初我錯誤咁發左好多苗...結果忍痛咁唔要左好多...跟住後黎一場大雨,天台原本欣欣向榮既菜心苗,死左大半...再跟住又發現毛虫...食左我好多顆苗...而家...天台只剩返幾顆苗...仲要生長得唔係太好...可能陽光太猛烈...
反而一早移左去露台花架既菜心苗就生長得唔錯...其實我覺得有幾顆上星期已經可以收割...但得幾顆...真係煮面做伴菜都唔夠...結果等多一星期...
露台菜心...未收割前
收割下來都應該有半斤...
一塊葉都大過我既手提電話
最後...淪為一牒菜心炒牛肉...終於入"肚"為安啦...
第一次由種子種起的菜心,真係有D唔捨得食...但唔食佢愈黎愈大就唔嫩口...所以,都拎黎炒左牛肉...
唔知係咪因為自己親手種既關係...真係覺得特別好味... |