超高玉蓮

我十二月買了2棵玉蓮苗。 在這2個月，它們不停長高。因為實在太誇張， 我知道我一定做錯咗啲嘢，但我又唔太肯定係咩原因。。。

我估有可能係陽光不足的問題。玉蓮要很強的光嗎？在這2個月，我都只係放它們在較少陽光的地方。。。玉蓮會唔會因陽光不足以長到好高？

至於淋水，我大約2個星期淋水一次。

真實我嘅玉蓮長到咁怪相，我都有點唔好意思攞出嚟比大家睇。。。
但為了唔好再犯同樣錯誤，咁我就只有唔好怕醜，學多啲，學快啲好了。。。

玉蓮又名石蓮花嗎？

請大家指教。 谢谢!

  嘩！你個多肉植物拼盆好可愛啊，啲兔兔更可愛，好靚吖。

呢種植物要晒先會生得好，最後果張相下面棵喜蔭係咩品種？

玉蓮 - Echeveria 在香港及南中國，可定為冬天生長的肉質植物。
生長需求長時間的強日照。
圖中的肯定光照不足。

你間屋仔好得意呀..係邊買架..?

肯定光照不足

Monse: 多謝，我好鐘意做依啲 "拼盆" 我次次都做得好開心架
Billy: 喜蔭係 E. Ronnie。真實我係一個新手。第一次種喜蔭，完全咩都唔識。可以的話，請指教。
Audrey: 咁嘅話，我嘅玉蓮係唔命不久矣？
小天使: 間屋仔喺旺角間Jusco $10店買架 (如無記錯的話)

你比佢多見太陽伯伯就可以的了。
似我這盆嗎？這盆叫做>>黑玉子，是越曬越靚，黑得發紅的。

你咁鐘意做拼盆..可否切磋切磋

我有一棵在公司種的沒有陽光,
但都冇咁長, 最近還開花。

Jennifer: 你這盆叫做黑玉子的長得好靚呀。我諗全屋只有我間房較好陽光，所以唯有將佢放在我間房先
小天使: 我只不過係自己亂咁玩，好似小朋友玩泥沙咁。但如果你有興趣，可以到這裡，會有我嘅作品。看完後，請隨便指教，唔洗比面
http://www.gardeningoncloud9.com ... ry-tabletop-garden/
紅豆沙: 你在公司種的那棵，有冇相睇呀?

Cheers!

沒有呀！因還未的起心肝學如何放d相入網。

8# JenniferC

Jenniferc
請問變高了的玉蓮,
有可能變回原狀嗎？

我估無可能吧 。。

縮返短是無可能，不過在陽光充足的情況下，中心生長點會長出靚靚新葉，而待下邊的葉片枯掉後，可以埋入植料中待長長了的莖位出根/變成根部。

唔好意思最近忙於工作沒時間上網,
現在才看到賜教, 咁我明 la, 現在等它變身,
希望種到靚仔樣, Thank you Sandy and Jennifer！

我的玉蓮同玉提子都係咁不斷長高,不過我已經放在全屋最多陽光的地方了. 我諗都係由它們長高算了

Jennifer: 你這盆叫做黑玉子的長得好靚呀。我諗全屋只有我間房較好陽光，所以唯有將佢放在我間房先
小天使: 我只不過係自己亂咁玩，好似小朋友玩泥沙咁。但如果你有興趣，可以到這裡，會有我嘅作品。看 ...
SandyWong 發表於 2009-3-5 21:34

Sandy睇左你d作品真係覺得好靚...好有大師級水準
可以跟你學到野就好喇...

18# 小天使

小天使，多謝你。過獎啦。我只不過係亂咁嚟，咩都試吓玩。
我久不久就會將我啲新作放上我嘅網頁，有時間時會分享埋做法 (How To)，你得閒就睇吓啦。有咩唔明講出嚟大家可以一齊研究吓。

本宮都覺得係因為唔夠光而徒長，一定要夠光！