點解有d人咁無愛心？

尋日目睹一隻狗狗被踢事件…

我食完晚飯返屋企，我屋企樓下成日有人放狗
見到一隻狗狗突然向我既方向跑過來，好似好開心咁，
仲以為佢跑過來同我玩

點知佢撲左埋行係前面既一對夫婦度
猛爬個男人隻腳﹗但果隻係應該仲係幼犬，而且佢個樣一d攻擊性都無
但個男人連腳步都無停，以好快的速度一腳踢落隻狗仔個肚度﹗

因為太快發生，個狗主都阻止唔到…
唯有抱返隻狗，大鬧個男人「痴線」
但個對夫婦，一直無停步，無回頭，望都無望，好似無事發生一樣﹗
我覺得果個人好過分呀﹗一D愛心都無，麻木不仁﹗
唔係話一家要疼錫動物，即使唔鐘意狗
都無必要咁樣對一隻無攻擊性的狗仔暴力相向丫﹗
內心溫暖既人，一定唔會做出呢種行為

我覺得呢種對動物毫無同情心既人好可怕，
如果我係佢同行的同伴，我會無地自容囉﹗
我既伴侶竟然係一個踢狗仔而會面不改容的人，好無情

人應該有理性同愛心，識得保護比自己弱小的動物
但偏偏有D人連呢一點都做唔到，唉……
因為自己唔鐘意就隨意傷害D動物，咁人同森林的猩猩又有乜分別？

我鄰居隻狗喜歡撲向我度, 等我fing走佢咁樣玩, 如果不知情者都可能見我係度打隻狗....
但係我同佢地玩, 當然會就住力架喇, 狗仔都會就住力黎同我玩~
不過呢對男女唔驚隻狗會咬返佢轉頭架咩?

原帖由 everydayfan 於 2008-5-19 11:59 發表
我鄰居隻狗喜歡撲向我度, 等我fing走佢咁樣玩, 如果不知情者都可能見我係度打隻狗....
但係我同佢地玩, 當然會就住力架喇, 狗仔都會就住力黎同我玩~
不過呢對男女唔驚隻狗會咬返佢轉頭架咩? ...

你係同佢玩，狗主知都唔會話你嘛﹗
但果個人佢踢完狗後，個狗主勁鬧佢痴線，一定唔係玩囉﹗

佢驚唔驚狗咬我就唔知
但個男人都幾高大、略肥，而隻狗係玩具狗品種，細細隻，可能仲係幼犬
睇落似個男人會一腳踩死隻狗，多過隻狗咬佢囉