有人會直接搽薰衣草EO落濕疹處嗎?

上網話薰衣草EO對濕疹有幫助
而且薰衣草EO可以直接用
但我生濕疹的地方皮膚好薄~其實係咪唔應該直接用?
如果要MIX基油係咪應該搵D厚身油?

D濕疹由小學生到出黎返工都有,,,,
好想今次一鋪斷尾,,,,(雖然好多人都話斷唔到,,

直接唔稀釋薰衣草精油搽落去係無問題，OK...

只係需唔需要姐....我一般會混合蘆薈啫喱黎用，因為蘆薈對濕疹都唔錯...而且可以補充皮膚水份。

其實精油混合幾種同功效既做成複方，效果比塗單一隻更好，因為協同作用既關係...

不過濕疹唔係細菌或病毒引起，而係體質問題，單是外搽只能舒緩一時。由體內因素引起，要由身體去攪....我自己覺得，濕疹屬皮膚敏感，係敏感體質引起，要先將身體既不平衡先調番正，咁身體強壯左，咩敏感症狀都自己會好番。

飲食、作息、運動、情緒...檢討下自己邊樣唔平衡?

飲食<---自己體質應該點既飲食先叫適當呢?每日食左幾多垃圾入肚呢?汽水、凍飲、冰品、咖啡、奶茶?

作息<---幾點鐘訓呢?訓醒會唔會仍有捲意呢?有無懶床呢?

運動<---每日有幾個時間做有氧運動呢?有氧運動對濕疹皮膚有助益...

情緒<---情緒絶對會影響免疫力，控制唔到環境，就試下睡前做瑜伽黎放鬆同靜心一下...

cklife 發表於 2012-8-5 18:07
直接唔稀釋薰衣草精油搽落去係無問題，OK...

只係需唔需要姐....我一般會混合蘆薈啫喱黎用，因為蘆薈對濕 ...

死囉,,我食得又唔健康,,又夜訓,,,,,,
睇黎真係要早訓番,,,,

cklife 發表於 2012-8-5 18:07
直接唔稀釋薰衣草精油搽落去係無問題，OK...

只係需唔需要姐....我一般會混合蘆薈啫喱黎用，因為蘆薈對濕 ...

蘆薈啫喱係邊度買好呀, 請問..：

ahhahha 發表於 2012-8-6 13:44
蘆薈啫喱係邊度買好呀, 請問..：

明白哂, 唔該..！

乜薰衣草精油可不用稀釋而直接塗抹，那麼還有什麼精油可直接塗抹？

Pinkyleung 發表於 2012-8-7 00:34
乜薰衣草精油可不用稀釋而直接塗抹，那麼還有什麼精油可直接塗抹？

茶樹精油
茶樹精油不稀釋，我會用於無名毒瘡(未有膿頭,但摸到有野係皮膚底下)，我老公時不時有，搽左幾日會自己平番。
暗瘡，用棉花棒點精油只塗暗瘡位。
灰甲用滴管滴係患處。
唇瘡，用棉花棒塗係患處。

最近有一個新起濕疹既朋友，中醫西醫都睇過，話醫唔到...佢住係大陸，話醫藥費好貴，話想要番黎香港醫。
佢生係身，面積都好大，痕到訓唔好，攪到個人好灰，佢以為係大病，好嚴重。
我用500G蘆薈加1%茶樹油混合+10%甘油，送比佢，佢搽晒...番轉頭話要加碼...佢依家唔洗睇醫生喇...
佢之前睇醫生無戒口(佢每餐都要辣)，我送啫喱比佢時，嚴厲咁話一定要戒口。依家佢淨係得番腳仲有痕姐....我叫佢唔好著絲祙同緊身褲...

薰衣草精油
不稀釋用過係水泡位(穿新鞋磨到起水泡)，再加埋藥水膠布，再穿番鞋壓番實個水泡。塗左兩日水泡平番，過幾之後水泡位無腳皮，塊皮生番好，好似無起過水泡咁。(因為係旅行其間既事，所以新鞋係有繼續著,都OK好番晒)
主婦手止癢(醫生話係主婦手，但我覺得唔係囉..都唔知係乜)，直接塗即止痕..不過只係止痕...
一般唔係炎症，唔係瘡又無膿，唔知係乜....我都會用薰衣草精油試下，多素開蘆薈啫喱。
薰衣草精油首係百搭精油，建議大家都有一支係屋企。


=========
pekkleking  即係500G蘆薈+50G茶樹油混合+50G甘油?

多謝pekkleking提醒....
我寫錯份量...己改番喇....
應該係...500G蘆啫喱+5G茶樹精油+50G甘油

cklife 發表於 2012-8-7 07:58
茶樹精油
茶樹精油不稀釋，我會用於無名毒瘡(未有膿頭,但摸到有野係皮膚底下)，我老公時不時有，搽左幾日 ...

其實哩兩隻EO可唔可以去印?
同埋藥房盧薈GEL信唔信得過?

我打算買KOBASHI盧萫GEL,但其實係咪無需要?

031504 發表於 2012-8-7 13:56
其實哩兩隻EO可唔可以去印?
同埋藥房盧薈GEL信唔信得過?

薰衣草精油同茶樹精油..都無話可以去印架...


藥房蘆薈啫喱唔係信唔過...只係依家大多數都加左好勁既香精...對氣管同皮膚都無咁好姐..
但仍有機會買到無香味既....

我覺得只要買到無香味既...邊度方便買,價錢你又覺得OK既...都可以架喇...

cklife 發表於 2012-8-7 23:06
薰衣草精油同茶樹精油..都無話可以去印架...

kobashi 好似130幾蚊500ml
算唔算平?

pekkleking  即係500G蘆薈+50G茶樹油混合+50G甘油?

哎呀...我寫錯份量添....應該係500G蘆薈啫喱+5G茶樹精油+50G甘油...
茶樹份量寫錯...去改番先...

我試過比虱咬,紅腫出水泡,痒到入心入肺,
機會難得,
試直接用薰衣草搽,
好快止痕乾水,
不過之後有黑印.

快樂鼠尾草可直接塗抹嗎？

Pinkyleung 發表於 2012-8-11 01:46
快樂鼠尾草可直接塗抹嗎？

不可以
只有茶樹和薰衣草先可以直接用

msfion 發表於 2012-8-9 10:35
我試過比虱咬,紅腫出水泡,痒到入心入肺,
機會難得,
試直接用薰衣草搽,

係咪乾得濟?

可加在jojoba oil/sweet almond oil用
直接點既話小範圍 例如暗瘡