有時買o野真係要貨比三家

尋日去完陳平記，今日去完花墟一轉，係木木木見到同一樽魚肥，可以賣貴人o地成三十蚊。
又係同一條街，賣廚餘筒o果間賣樽有機葉面肥，可以賣得貴過賓賓成$12；一包種籽賣貴人o地成六個幾呢。
見到佢有得賣有機鉀肥，但係係衫兄哥做代理，我諗我應該去衫兄哥度買會平d啦!

我諗我應該改做師奶仔先得

衫兄一定平過佢。不過你要計下車費，時間。

你真係精打細算, 我又想平, 又懶, 所以請問聲, 花墟邊間平d?

先唔講價格,
去花墟,會行完成條街先,
決定買乜嘢再行返轉頭,
雖然成日畀媽咪話我煩,
但唔係咁,我點知我已經遇到最想要嘅嘢(或花)

尋日真係細心行完一圈，如果買植物就真係o係近雀仔街/校服舖o果邊會平d啦。
買肥料架生我覺得"木木木"記貴好多，買支細既水種植物營養液，佢賣$20，惠康賣$19.5，元朗賣$18，後面對住旺角大球場既，有間賣$15，撞鬼!

木木木記賣盆底格仔膠片，吉吉島賣$12一包（6／8片），佢竟然賣$10一片呀！你話幾恐怖呢！食水深呀！

Lingling64 發表於 2011-10-8 22:45
木木木記賣盆底格仔膠片，吉吉島賣$12一包（6／8片），佢竟然賣$10一片呀！你話幾恐怖呢！食水深呀！ ...

咁o岩我都想講呢樣, 吉吉未加價前我買o左一包, $10有6塊, 我上星期係3木記見到佢賣$45一包, 一塊就$8, 我已經覺得離譜.  嘩! 你而家話佢竟然賣$10一塊, 人地吉吉一包加$2, 佢就一塊加$2, 暴利呀

可能我記錯價錢吖！因我都係兩三星期見過，不過我記得當時見到價錢后都暗哇一聲，吾係係暗哇三聲呀！

花墟d嘢係貴，正想買肥料，有冇好介紹？

市區呢？

木記d野食水不嬲深到嘔,,,,,
所以我only只會係佢到買食蟲植物

之前新手果陣係佢到買野,,,一個爛鬼格泥網就要2蚊,,,
之後哩加諗起,,,哩d爛鬼網周街都係,,,,

miffymary 發表於 2011-10-9 13:34
市區呢？

花bo o既肥料日X城大把~

miffymary 發表於 2011-10-9 13:34
市區呢？

我都知花墟係貴，但計吓車錢時間，除非買好多嘢（但又唔知點攞），如果唔係就未必值得入去元朗。唉，我咪仲慘，住百冇港島，上環種子舖貨色有限，去花墟來回要＄2x，去元朗＄5x ，所以每次去都係做姑尼

花墟各有各貴啦，有d野bunbun貴，廚餘桶之家食水都好深，木木木幫襯過一次law，買咗幾十蚊肥都用晒lu…而家想再買肥，唔知除左木木木記仲有邊度買到紐西蘭羊屎呢？

去元郎黃三兄賣啦！價錢差好遠架！豐收壹號三兄賣$25一包2kg,25kg一大包都係$140／160左右，依天得藥粉相差$10／15左右，其實你留意下，骨粉、花生肤紅牛鉀都係三兄出品，有機農藥都係。

Springonions 發表於 2011-10-9 19:57
我都知花墟係貴，但計吓車錢時間，除非買好多嘢（但又唔知點攞），如果唔係就未必值得入去元朗。唉，我咪 ...

呢家去元朗好方便之嘛
坐西鐵由南昌轉入元朗都係20分鐘左右
元朗唔單可以買園藝野
仲大把美食添
可以去陳平記對面勝利牛丸食返碗丸腩河
去學記食雲吞麵，仲有b仔涼粉
又新街老水鴨，恒香老婆餅，仲有大把美食同野賣
我都鐘意去元朗搵食架

robokon 發表於 2011-10-10 13:28
呢家去元朗好方便之嘛
坐西鐵由南昌轉入元朗都係20分鐘左右
元朗唔單可以買園藝野

仲有黃三兄隔幾間舖既好到底麵家，佢既蝦子撈麵正呀。
行前d街市斜對面有石崗咖哩屋，隔離又有紅小去大埔(30min去到太和邨)；
再行前少少仲有串皇食串燒，隔離既豆腐花又正喎。

除o左西鐵之外
紅磡，尖咀可以坐268B
佐敦至美孚可以坐68X
觀塘至黃大仙可以坐268C
天后至上環仲可以坐968
全車程大約都係45-60分鐘左右。

monstergary 發表於 2011-10-10 14:35
仲有黃三兄隔幾間舖既好到底麵家，佢既蝦子撈麵正呀。
行前d街市斜對面有石崗咖哩屋，隔離又有紅小去大埔 ...

仲有乜好介紹呀
元朗真係好鬼多好野食架
不過最衰自己唔知訂咋

monstergary 發表於 2011-10-10 14:35
仲有黃三兄隔幾間舖既好到底麵家，佢既蝦子撈麵正呀。
行前d街市斜對面有石崗咖哩屋，隔離又有紅小去大埔 ...

我去完錦田耕田後都去過元朗,不單多嘢食,連牙膏,柔順劑都平過人(比旺角仲平), he..he..

monstergary 發表於 2011-10-10 14:35
仲有黃三兄隔幾間舖既好到底麵家，佢既蝦子撈麵正呀。
行前d街市斜對面有石崗咖哩屋，隔離又有紅小去大埔 ...

唔該monstergary，大埔去元朗旣紅小係咪係太和火車站下面？