有無行開山的大大,幫我介紹一下?

因為這個暑期想和同學行山郊遊一下
但完全沒經驗~
請問有哪些地方易行,又靚??

我打算行城門水塘~~但不清楚路徑
而我又想去一些特別一些的地點

請問有無大大可以提供一些地點給新手們~謝謝

有冇興趣行青衣自然敎育徑, 易行風景靚。
離島可以去南丫島, 兩條都包唔會迷路, 不過就稍為短同冇咩難度

andyman 發表於 2011-6-19 20:08
有冇興趣行青衣自然敎育徑, 易行風景靚。
離島可以去南丫島, 兩條都包唔會迷路, 不過就稍為短同冇咩難度
...

我想行d樹林,瀑布果d~~小人行d ge地方
我上網成日見人行d好特別ge地方...但又無講到係邊

有無d長少少~可以行半日

031504 發表於 2011-6-19 20:53
我想行d樹林,瀑布果d~~小人行d ge地方
我上網成日見人行d好特別ge地方...但又無講到係邊

按步就班好啲喎, 少人行的地方, 發生事點算, 真係叫天不應, 叫地不聞
香港仲有好多效野係完全冇電訊服務架, 好似二澳咁, 竟然係澳門漫游喎
又好似鹿頸去烏交滕, 大部份路段一係收唔到電話, 一係就漫游.........激死.......

夏天行半曰好易中暑，呢樣要小心考慮
另外你同埋口d同學有無行開山！？
如果無行開就行成6、7個鐘會吃力

andyman 發表於 2011-6-19 21:02
按步就班好啲喎, 少人行的地方, 發生事點算, 真係叫天不應, 叫地不聞
香港仲有好多效野係完全冇電訊服 ...

我地之前可以話無行過咁濟,,,
係行過d山林小路囉,,,

話說有無行山鞋好介紹嗎?

p@g 發表於 2011-6-19 21:10
夏天行半曰好易中暑，呢樣要小心考慮
另外你同埋口d同學有無行開山！？
如果無行開就行成6、7個鐘會吃力 ...

無行過咁濟,,only行過d小俓,,orz
行6,7個鐘又誇左d,,,,,3,4個鐘都ok

http://www.oasistrek.com/sai_lau_kong.php

哩到都唔錯喎

南丫島 or 長洲

031504 發表於 2011-6-19 21:49
http://www.oasistrek.com/sai_lau_kong.php

哩到都唔錯喎

14.5 公哩, 個邊版主係高手來架, 佢都行左6 個鐘

031504 發表於 2011-6-19 21:49
http://www.oasistrek.com/sai_lau_kong.php

哩到都唔錯喎

我覺得...未行完已經得返半條命...

gunbuster363 發表於 2011-6-19 21:50
南丫島 or 長洲

看看呢度有好介紹.............

http://www.hike.hk/

第一次行吓d多人行d ge地方先啦~
我之前冇乜行山~第一次行平路/落山2粒鐘之後幾日都周身攰到乜咁~
但呢次之後行3 5 7個鐘又上山又落山又爬,之後第二日都冇問題喇~係嗰晚會好攰囉...

大嶼山由昂平行落東涌,全程落山十分正,又有大樹遮陰

andyman 發表於 2011-6-19 23:32
14.5 公哩, 個邊版主係高手來架, 佢都行左6 個鐘

下,,,,,,,,

Tony 發表於 2011-6-19 23:36
我覺得...未行完已經得返半條命...

竟然OTL
我低估左佢

Tony 發表於 2011-6-19 23:47
第一次行吓d多人行d ge地方先啦~
我之前冇乜行山~第一次行平路/落山2粒鐘之後幾日都周身攰到乜咁~
但呢次之 ...

有似就係去川龍村飲茶
然後行左西洋菜田後面果條小俓落去
行到馬路中間而經頂唔順,,而且沿途得d樓,又無野睇
所以見到有的士即刻一班人跳上車

Monk's 發表於 2011-6-19 23:58
大嶼山由昂平行落東涌,全程落山十分正,又有大樹遮陰

我見人地去果d地方有d小湖~小瀑布
又無人~好正~~就好似睇d古裝片小龍女係到沖涼果個湖咁

十幾年前我好中意行山...

記得文匯報有好多免費行山隊可以參加...但忘記左佢地逢星期幾刊登...(1?  2?  4?)
但唔知依家仲有無

一星期只有一日刊登....

佢地會刊登行幾多小時....一般係四小時...中間有食野時間(自己帶野食)...

我跟過幾次...真係好感謝果D義務領隊....

一隊十幾二十人，我同老公係新手...第一次連行山鞋都無(行有細碎浮石既斜坡，好似坐滑梯咁..好彩有一個七十幾歲既伯伯肯拖住我)...就跟佢地去...

佢地會登埋集合時間同地點....去到就會見到佢地有個牌仔係度(唔係好大架咋)...
咁就走埋去登記名同電話...手續就做完...完全唔洗錢...

打雀咁眼認住個領隊...仲有一D係似好熟行山既隊員...

夠鐘佢話會叫起程...就咁跟住佢行....佢去塔巴士就跟住上車自己比錢...
佢落車就跟住落...無人理你架....

到起步點領隊會點人數..跟住就不停跟住行....(之前最好係屋企練定腳力...無人等你架)

行到咁上下休息就各自搵地方坐、食野....(自己帶夠水、食物、膠枱布等等....預左無厠所...因為要睇靚風景就係荒山野嶺。)

夠鐘就叫起程...又係跟住行，行畢後大多係巴士站都散隊....

報紙上會寫明行邊度...洗唔洗澗水...係快走定係急走(急走我未跟過怕跟唔到)

----------
跟佢地就可以睇到靚風景，同行少人行既地方，但一定要有人帶因為無路牌...有時係要行山路....會有爛泥雜草等等(我會戴勞工手套，因為草可能人咁高)...

靚...無人為破壞既地方...一定荒蕪....所以...一定辛苦...要預左...

依家...治安差左...就算識路都唔建議幾個人自己行....因為好多山賊....

細路仔呢....如果平日運動量大既細路都可以一齊去，我帶過我姑仔個女去，未夠十歲，平日乜野運動都中意。
行到回程時，係山澗洗手佢踏住石隻腳係咁震，佢哈哈笑話好攪野....行既時候開心...行完下次再帶佢就唔肯去喇...

------------

所以...如果想一家人開開心心，但又有細路及平時連大人都唔多運動...就行下水塘就算喇....
人多...夠安全..唔怕山賊，有起事上黎搵人幫手都易D.沿途有厠所.....
人行你跟住行(多人到好似平日係街咁，跟住人潮行就得)，唔會迷路。

但一樣有上斜落斜，平時小運動既人己經行得好辛苦....

我依家有水腫腳，秋冬天都係行下城門水塘咋....
就算腳無事，初行山都係行水塘...行到腳有力，氣唔喘先可以參加行山隊，人家是快走或急走..唔等你咩...而且係行山路...我老公話係爬山路因為可以好斜...


==================
依家網上資訊發達....
搵度個網...睇到都行山隊個名熟口熟面...我諗佢地都搬左上網
行山網

既然之前冇行山經驗, 就要按部就班到d易行地方, 一嚟就想行有山有湖有瀑布靚景太不智啦!  有d地方係一個山頭過一個山頭, 加上正係炎夏, 冇經驗唔應該試, 睇新聞嗰d人經驗豐富都出事.  中暑可大可小, 死人架.

初學者建議行中半山寶雲道, 兩旁有大樹遮蔭, 唔錯.  行熟咗到秋天可以沿路行遠些到山頂.  又可以由鰂魚涌起步行, 有景有水塘.