拋磚引玉談煮食 – 吹水篇

某日同D 朋友講到 煮食每樣菜式心得呢? 想了一想，我覺得 煮嘢食 最講 : 配合唔配合, 同不時不食。

一塊靚牛扒，小小鹽，小小胡椒粉，煎得！
苦瓜煎蛋 = 苦瓜 + 蛋，煎得！
咁你話幾多次才成功呢? 一次咪得咯！
其實來來去去得幾類做法，xx炒蛋，紅燒xx, 鼓椒炒xx，炸xx，炏xx, 卤水xx，.... 只要有基本功夫，剩番只有D材料配合唔配合，例如 菠蘿子薑炒牛肉，材料講哂：菠蘿、子薑、牛肉， 連炒字都講埋，你話係唔係點煑都好食。例如 有冇牛肉炒魚翅，冇！唔配合咯。

仲有不時不食，卽係D嘢新鮮D，好食D，同埋平D。大自然好得意，有毒藥就有解藥，大暑天有乜當造？西瓜，冬瓜咯，千萬唔好冬天食西瓜，又貴，又唔好食，又唔合養生之道！

愚見一則，拋磚引玉，不要見笑，咁你覺得呢？

我中意比較傳統既飲食，總係覺得前人智慧，係經過長日子洗禮，一定有佢好處。
雖然，日子太長，可能好多理論走晒樣，甚至令人覺得不合情理，但可能原來版本係另一重理論，只係後來既人知D唔知D..又加埋想像力攪到唔知似乜...

所以，我會抱住尊敬既心去對待，就算係好離譜既理論，都希望有一日有證實或更正既機會。所以，好多野我唔會立刻斷語....

最近，見到一篇文章，講既係飲食既次序，關於味道，話現在進步，飲食油濃味至淡味，改為現代既由淡味至濃味，係一大進步。

但睇完文章既果日，大熱天時去食飯，食完濃味既飯之後飲左一碗好清淡既冬瓜湯，就諗起篇文章既理論喇。.....我保留住，留係腦度，慢慢思考。

由淡味至濃味，可以避免先食濃味令後面既淡味無咁滋味。依個感官既享受。

但中國既食飲智慧，並唔係完全只理會口福。所謂醫食同源，點解以前會係食完濃味再淡味呢?(其實唔一定架..果篇文章只係講左某一種情況)

果日...最後飲果碗冬瓜湯就令我覺得好舒服，感覺可以洗走之前既重味，令個人舒爽好多。我覺得係享受口福之慾既同時，應該用多D心去聆聽下身體發出既訊號。