你嘅情況本人通通都試過, 我有下面建議:
1)我會建議將中心批乾淨後落啲hifresh以妨細菌感染, 另外會建議夏天珠石比例多啲, 因為真係好熱, 太多泥疏唔到水架. 但批根後嘅av要入溫箱,因為無根嘅av要靠葉面吸濕呀.如果你無經驗用溫箱可以番精華版, george有教呀.
2)唔知你有無換泥呢?好似上面花友講, 遇到咁情況, 如果唔想批根, 最好將成盆浸洗潔精同漂白水,但始終批根好好多, 因為怕有d睇唔到嘅虫留喺根上, 你所講嘅虫會唔會喺棉花虫?詳細點處理, 請睇番精華版.
點解你啲av有蟻仔?放邊架?或者平日都可以加強吓殺菌, 我平日會用一隻叫"花保"殺菌水開稀淋花,同都會用你隻殺虫水噴吓, 兩星期一次, 晚上離遠噴(即噴埋葉面), 但隻味好勁, 有動物同小朋友要小心用.
還有中心點要等1,2個星期至會出新葉(如果唔死得). |