芒果樹種植

巴基斯坦芒果^_^非常好味，果肉帶有椰香味的，令人一食難忘

上年已玩呢個動作, 家下種左係樓下, 不知幾多年先有收成嘞

你撬開個硬殼再種？ 成功率高？我見到一直種植既朋友直接埋入泥呢，都發咗芽，而家已經長大啦。

candylpy 發表於 2014-6-30 13:41
上年已玩呢個動作, 家下種左係樓下, 不知幾多年先有收成嘞

依個動作~我唔記得玩咗幾年，忘記了……有無超過十年呢？？以前知道芒果核可以入藥，咪好留意d核，又順便試吓種，當時我吃完果肉後，洗乾淨個核就撬開個邊缘少少，即發芽的位置，種了幾個月，我就将佢放上山移植了^_^
依架見花友話種芒果，我咪又種多幾個品種，打算嫁接我個幾棵大型芒果樹到~希望快d有收成！ 你種的是甚麽品種呢？

hiatus 發表於 2014-6-30 13:56
你撬開個硬殼再種？ 成功率高？我見到一直種植既朋友直接埋入泥呢，都發咗芽，而家已經長大啦。 ...

以前種芒果我喺撬開個硬殼少少，但無将個核同殼分離，直接放落泥種的^_^
見花友話除殼取核種，我想佢快d發芽咪又除殼取核種囉，但怕少咗個殼保護，所以我會用新的水苔種到出芽成苗先再定植~你種了甚麽品種呢？

大家有無留意到依個品種和其他品種的芒果核是有明顯不同的

金剛 發表於 2014-6-30 14:44
以前種芒果我喺撬開個硬殼少少，但無将個核同殼分離，直接放落泥種的^_^
見花友話除殼取核種，我想佢快d ...

原來你心急想快d發芽  我唔知咩品種呀，要問下個friend先，佢食完先過來種，我只係見過核咋  放張相片比你睇下先~~

hiatus 發表於 2014-6-30 15:10
原來你心急想快d發芽  我唔知咩品種呀，要問下個friend先，佢食完先過來種，我只係見過核咋  放張相 ...

好似我以前種嗰棵，會唔會係吕宋芒？
我種咗印度芒、巴基斯坦芒、台灣愛文芒、呂宋芒、泰國黃帝芒、象牙芒、水仙芒、不知名芒等等,以前吃過澳洲芒不喜歡，因為是硬身芒沒芒果味

個個係墻，不過係花壇墻，仲係7層樓高。。。所以應該唔會有位長。 長太大就會被修剪，我仲諗緊點辦好。。。

hiatus 發表於 2014-6-30 17:13
個個係墻，不過係花壇墻，仲係7層樓高。。。所以應該唔會有位長。 長太大就會被修剪，我仲諗緊點辦好。。。 ...

七層樓可以種樹嗎？不怕大咗滲水？其實唔使煩，建議用盆種方便移植，因芒果根系很深，長大咗很難掘，我定植上山種了兩年已不能再掘出來

家下玩緊愛文同巴基斯坦

金剛 發表於 2014-6-30 17:26
七層樓可以種樹嗎？不怕大咗滲水？其實唔使煩，建議用盆種方便移植，因芒果根系很深，長大咗很難掘，我定 ...

嚴格講應該唔可以種樹既，不過我見到有唔同樹種，有一棵大過人既 滴水觀音，甚至有構樹。 不過佢地都唔會有機會再長大，因為每月都會有人來清理，太大就會被重度修剪。
所以我唔知點處理棵芒果樹，因為始終係其他人落種，我唔好講太多。

candylpy 發表於 2014-6-30 18:06
家下玩緊愛文同巴基斯坦

哈哈^_^師姐有空多多交流，交換吓種植心得，跟進吓你d芒果樹，看誰的芒果樹快有得吃

hiatus 發表於 2014-6-30 18:53
嚴格講應該唔可以種樹既，不過我見到有唔同樹種，有一棵大過人既 滴水觀音，甚至有構樹。 不過佢地都唔會 ...

咁你會盆種嗎？種愛文芒會好d，約五呎高有得收成，係矮種芒果

金剛 發表於 2014-6-30 23:29
咁你會盆種嗎？種愛文芒會好d，約五呎高有得收成，係矮種芒果

唔該，要去边度買架？

我種過五年，盆種六呎高、年年有果，可過唔甜。鄰居種了廿年，落地，有好多果，但好酸。有人盆種，可能品種好，好甜。

hiatus 發表於 2014-6-30 23:31
唔該，要去边度買架？

愛文芒即係蘋果芒，有現成賣帶果约千幾元一棵，我試下高壓如果得送妳

siubox 發表於 2014-6-30 23:35
我種過五年，盆種六呎高、年年有果，可過唔甜。鄰居種了廿年，落地，有好多果，但好酸。有人盆種，可能品種 ...

你指哪種？愛文芒？

依棵係我以前去學水耕和農耕個場種植的，這兩個我一早預訂了

金剛 發表於 2014-6-30 23:37
愛文芒即係蘋果芒，有現成賣帶果约千幾元一棵，我試下高壓如果得送妳  ...

我其实係问芒果去边度買
我只有花坛可以長期種，5呎都好高，我唔可以種超过3呎既野。如果要種，都要用大盆，請求苗圃阿伯比地方我安置树苗^_^