幫泥消毒......有問題.....

今天試下用微波爐"丁"泥....

一時快手....

加得太多水.....

本來想丁10分鐘.....

變左丁20分鐘水才乾....

各位大大....

D泥仲用唔用得?

現在看起來....

泥的質地跟未丁前差不多...........................


謝謝各位幫忙.....

吾係化!

用微波爐"丁"泥!

勁

jeffreyngcm 發表於 2012-2-7 01:30
吾係化!

用微波爐"丁"泥!

師兄們都提過架喎~

消毒用的啊~

你家人冇抗議呀？

唔知啲有機農夫係唔係一車車泥囉去丁O既呢？

叮完，d益菌都死埋lu

噢~ 睇返佢張相，樓主好似係種 AV 啵~ (Sorry 呀，開頭以為你種菜添~)

種 av 啲泥叮耐 d 都冇問題咖，啲泥都唔會熟咗o既~ 不過你種 AV 都係用新泥好，啲舊植料變酸都唔係叮吓就冇事咖~

其實泥本身主要是提供植物一個支持作用,你叮過d泥,就損失左d益菌,但益菌又可僈慢透過根,空氣,肥料,細菌等作用回來,所以我話,叮過d泥加番足夠有機肥料,如雞或牛屎肥,骨粉,草木灰等便可再用,
但始終用處理食物的microwave 叮泥,有欠衛生及易做成交叉感染,小心為上

我試過用微波爐叮咖啡渣,但叮幾次都唔dry!
叮完後成個爐都好香,成晚有starbuxx 既coffee 味!
家人怕失眠啊!唔知叮完泥會否成屋泥味呢?如果有唔要既爐,我認為叮完加d新泥加d有機物都ok!

靚土唔好叮呀
裡面係有金屬ga~
我上次叮嗰時爆咗一吓成個火球呀~~

我再開過一包新的靚土來看
發覺裡面有一片片金色的小薄片
我估就係嗰啲嘢爆~

Quote: mummy  火，咪嚇親
唔止嚇親..仲要俾屋企個boss笑咗成個禮拜


Quote: Springonions  有金屬? 咁種唔種得嘢?
唔知呀~我係新手, 見到咁多大大都話靚土好,咁我咪又用囉~

我現在都不敢了....

我會提早幾日到成個星期......

用大熱水直接沖D泥.....

再等佢自己乾.....

雖然會有不少的養份流失......

但總好過會有蟲蟲同其他生物會入到我的園地..............

唯有追加肥了......

有冇人試過將d泥放入膠袋或膠盒內密封好,
然後放入雪柜冰格(freezer) 8~12小時, 進行
低溫消毒.

其實,我覺曬太陽最好...我都掉去花槽一角曬太陽說....

- -該是曬到太陽真好吧!

聽一位CHING講話大熱水是可以殺蟲卵的......

所以我先試........

請問低溫消毒殺唔殺到虫蛋呢??

我都叮過泥.........以下係真人真事


買左包泥, 從膠袋見到入面有一隻隻白色既蟲仔 跟住放上器具上面跟住叮

叮完之後, 奇蹟出現了..........有幾隻黃絲蟻由泥度走出黎.....
一D事都無, 我仲諗係20秒唔夠, 叮夠40秒............叮完..........D泥好鬼熱
再翻開少少, 見到又有幾隻黃蟻出黎..........最後再用1分20秒.........泥入面D黃絲蟻繼續無事

但我懷疑佢地已中了幅射......至於D白色細細粒既蟲乃有一兩隻慢慢爬
既然連蟻都若無其事   最後索性將把泥用膠包好掉左去垃圾筒

好在發現得早, 唔係傷害左我D植物
我而家D泥炭土同混合泥全部都係入口.....特登去黃三興買, 蟲卵用高熱水都未必死...
因為D泥真係隔到熱 同D蟲卵我諗受得幾熱下 始終都係泥本身無蟲最重要, 而且包泥炭土唔駛處理養分都保留到....HAHAHA

hayden 發表於 2012-3-17 13:43
我都叮過泥.........以下係真人真事

可能加點水叮會有效D.微波爐主要係針對有水分嘅物質.水分高產熱高先有效果.

我都有叮過D泥先用，通常加熱水撈均，用保鮮紙豐住再叮4-5分鐘。次次叮完都出晒煙熱好耐。

我朋友話佢次次都會攞d泥去晒,晒完之後種o既野會小d病害,我仲未試過,不過遲d都會試下^.^