好失望

真係好失望

我明，重色輕友係好正常；我知，家有大小為重要。但，可唔可以唔好每次都係在定左日期、時間，定埋位聚會的時候，至打比我，話我知黎唔到？

次次都一句：有緊要事黎唔到。定日期之初，大家唔會話唔得閒；訂位食飯之時，大家亦唔會話有問題；但偏偏定好所有野，standby好晒，大家就會咁岩約埋有緊要事？仲要次次都係嗰幾個黎唔到？

OK，第一次，我信；第二次，我明；第三次之後，大家唔通仲以為我會信、會明，大家貴人事忙嗎？

大家咁大個人，唔想出黎聚，講聲唔係難，大家明明白白，清清楚楚仲好，勉強冇幸福。點解一定要放飛機先？咁會顯得您型d嗎？

講真，今次唔係某人話想見下大家，我真係唔想再做雞仔媒人囉，吃力不討好之餘，講真，我冇任何收益架！

做攪手好慘架
都吾要求讚賞多謝之聲
仲要俾人咁樣耍法
好心淡

以後咪揾佢囉, 使乜勞氣, 記住仲要講哂俾全世界 D 知佢 D 衰野

有想過唔搵佢地，但其他人又想見下佢地...

唉，總之而家啞口食黃蓮，出親聲就話我小提大做、小氣，但佢地永遠覺得自己冇錯

catina 發表於 2011-7-9 15:16
有想過唔搵佢地，但其他人又想見下佢地...

唉，總之而家啞口食黃蓮，出親聲就話我小提大做、小氣，但佢地 ...

其實可以阿Q D, 你是義務幫忙, 現在他們無得享受你的服務, 你又無需''明月照溝渠''
好彩止蝕得早!!

好奇怪你話次次都係......
老實講, 除非我有嘢求你, 冇咗你唔得, 否則一次起, 兩次止, 俾你玩一次係我太老實, 俾你弄兩次係我傻, 俾你玩到三次, 係我岸居.

比得大帝 發表於 2011-7-9 23:44
好奇怪你話次次都係......
老實講, 除非我有嘢求你, 冇咗你唔得, 否則一次起, 兩次止, 俾你玩一次係我太老 ...

我都明，第一次係我傻；第二次係我蠢...
但同枱食飯的人，次次都問我：有冇約埋佢地...
所以時間日期上，都盡量就佢地先...
而結果就... orz

ht333147 發表於 2011-7-9 23:11
其實可以阿Q D, 你是義務幫忙, 現在他們無得享受你的服務, 你又無需''明月照溝渠''
好彩止蝕得早!!
...

係，經過今次之後，我同左所有人講，聚會日期時間只會遷就我地幾個
佢地就，就甘通知有件咁的事就算，就當佢地一定唔到先，到左當然亦welcome，只係唔會再就佢地囉

身同感受
我發覺好多人都係咁,你約佢邊日邊日,佢會話到時睇下點,呢種答案,我會當佢唔嚟
有晒時間日子,咩叫到時睇下點啫?如果你怕應承我後,有更有吸引力嘅人同日約你,
咁你向我SAY NO即可,我亦唔得閒得過你好多

有d人係咁鬼煩,,,我都做過搞手,,真係好麻煩~又要予先上網查哂d野先
又要搵人~~又要睇下邊個同邊個唔岩,有佢無我果d野,,,