入門第一皂，出白斑了⋯⋯

終於試了第一鍋皂，做既係321皂，大約用了1小時先trace，至今日為止大約晾了6日，但有幾舊皂出現了白斑點，講問各位前輩我的皂是否變壞了？定出現咩問題？謝謝

另外再補充，因用了紅棕櫚油代替棕櫚油，所以成品是黃色

嘩~ 你底皂好軟咁喎, 太早切皂太早打章了, 會容易糊掉.
你隻紅棕櫚油是那來的?

可能紅棕退色. 但未見過咁退法.

什麼配方, 有下什麼添加?

水母大大，切個陣已經好硬了，不會痴住線刀，油用了橄欖油300g，紅棕油200g，椰子油100g，是參考網上的321皂，添加物只有在light trace後加了精油，薰衣草30d，廣霍香20d，昨天ph值已降至9，所以試用了，皂遇水不易糊，只是還不肯定白斑是什麼，網上有人分享說是紅棕油易退色⋯⋯我也搞不清

f3110 發表於 2016-10-17 18:43
水母大大，切個陣已經好硬了，不會痴住線刀，油用了橄欖油300g，紅棕油200g，椰子油100g，是參考網上的321 ...

是有可能紅棕櫚退色.
見皂邊很碎和糊了, 唔似硬, 係咪有少少鬆膏了. 有放溫箱嗎? 打好皂後多久才入箱?

這是上個月打的橄欖油甜杏仁奶皂, 待三天才脫模, 立即切, 皂邊是這個狀態, 供你參考.

其實什麼叫鬆糕? 一直都見到大家講呢個字,但唔明白其意思
打好入模後立即放入A4紙箱內再包一張好厚既毛毯, 24小時後拎左出黎, 見佢已經好硬,所以脫左, 可能早左少少脫?
之後再交置左1 OR 2日切 (忘記了), 已經不會有皂痴係線刀上 , 或者係我切得不好所致??? 請指教
而家再摸落去皂皂度, 整舊皂四邊都是硬邊的 ~

會不會是其中一種油不純正？

f3110 發表於 2016-10-18 10:01
其實什麼叫鬆糕? 一直都見到大家講呢個字,但唔明白其意思
打好入模後立即放入A4紙箱內再包一 ...

好難說, 你放箱個位置有開冷氣嗎? 你有熱油打皂嗎? D油熱打皂, 入溫箱後有時都會失溫, 造成鬆膏, 即係皂邊比較鬆散易碎.

八王爺
水母D皂經常都咁靚！  發表於 7 分鐘前
----
謝謝王爺欣賞. 有你多來這裡, CAFE一家會熱鬧又開心D~

回覆八王爺:
會不會是其中一種油不純正？
=> 橄欖油是樓下超市買的冷壓初榨, 榔子油 &紅棕是 Nutivx牌子的~ 這牌子會否有問題?

回覆水母:
好難說, 你放箱個位置有開冷氣嗎? 你有熱油打皂嗎? D油熱打皂, 入溫箱後有時都會失溫, 造成鬆膏, 即係皂邊比較鬆散易碎.
=> 皂放箱之後, 再放左係玻璃櫃裡面, 房內間中有開冷氣, 如果說是比較鬆散易碎,亦沒有此情況 出模時已經不會痴到成手都係,只會一些非常細的碎粒 <- 這樣是否叫作易碎或是正常?

謝謝前輩回覆

另外,水母問的有否熱油, 因不留神,油有一度曾經趺至35度左右,之後立即加熱繼續打, 有影響嗎?

f3110 發表於 2016-10-18 14:42
回覆八王爺:
會不會是其中一種油不純正？
=> 橄欖油是樓下超市買的冷壓初榨, 榔子油 &紅棕是 Nutivx牌子的~ ...

只會一些非常細的碎粒 <- 這樣是否叫作易碎或是正常?

這是輕微的鬆膏了. 皂化時遇上溫差大或鈉量過多都有機會出現此情況.

一般正常情況的皂, 無論切皂或脫模, 都不會甩出碎粒的. 你可比較到我張相的皂面和邊跟你的皂的分別.

大家研究下啫, 不要氣餒, 輕微鬆膏不會影響皂的效果, 只係個面無咁靚和易D爛, 放心.

f3110 發表於 2016-10-18 14:43
另外,水母問的有否熱油, 因不留神,油有一度曾經趺至35度左右,之後立即加熱繼續打, 有影響嗎? ...

如果你有看其他帖, 就知我係"不熱油"打皂, 只要油是液態, 都不會加熱. 我只會座溶固體油脂方便混合其他油打皂, 但也不會KEEP住高溫, 混合油脂後會等佢涼D才倒入鈉攪皂. 我比較喜歡用室溫打皂, 因為唔會有太大溫差的問題.

到而家心情仲係好興奮, 至少見到佢成左皂形 , 下次想做家事皂, 應該比較容易, 可以再掌握下技巧

自己做既手工皂,同出面買既手工皂果然都有分別, 之前用出面買的手工皂,沖完涼都會癢癢的, 用自己個D情況好好多, 所以我都會努力學習呢門手藝

f3110 發表於 2016-10-18 16:17
到而家心情仲係好興奮, 至少見到佢成左皂形 , 下次想做家事皂, 應該比較容易,  ...

自己心機造出來的東西, 當然最貼自己心啦~ 咁啱我今日出了家事皂分享帖, 歡迎參觀.

大家多分享,  一起進步是好事, 期待你的分享.