用光波爐又話有危險~~~~

生果日報資料 : http://hk.apple.nextmedia.com/news/art/20121104/18057214?ref=fb

光波爐煮食如BBQ　患癌機會增
41,975  

適中字型 較大字型   

利用遠紅外線加熱食物的光波爐（圖），以零微波輻射作招徠，取代微波爐成為廚房新貴。城市大學生物及化學系副教授林漢華指出，光波爐煮食原理與燒烤相若，常用便等於「日日喺屋企BBQ」，吸入致癌物的機會大增。他指出，以光波爐或焗爐加熱食物時，燒雞的致癌物較燒牛肉勁10倍，「最好少啲用嚟燒雞肉」。
林漢華解釋，動物肌肉含有肌肝酸，在快速加熱時，會釋出致癌物雜環胺（簡稱HA）。各種烹調方法中，燒烤的溫度最高，可達攝氏300℃以上，最容易產生HA；其次是油炸、煎炒，而且烹煮時間越長，HA越多，但蒸和燉不論煮多久，只會產生極少HA，較為健康。
林漢華續稱，不同肉類所含的肌肝酸各異，產生的致癌物也有分別，以燒雞的HA最高，其次是豬和魚，燒牛肉釋出的HA最少，蔬果因為不含肌肝酸，故不會釋出HA。
他表示，偶爾燒烤只會輕微增加致癌風險，但近年光波爐成為新興煮食方法，「佢用紅外線發熱，再配合熱傳導、熱對流技術，嘢食由內至外煮熟，原理同BBQ一樣，日日用，同日日BBQ無分別，胃癌、乳癌、直腸癌機會增加」。

咁很人驚？？

我想以後只能蒸嘢食！

我妹夫都有叫我唔好買光波爐

八王爺  但光波煮食好方便。如果較低WATT 啲，會唔會好啲？ 咁我地食燒味系咪致癌。  發表於 1 分鐘前
低 watt 啲, 時間會唔會又長啲呢? BBQ 燒味係致癌架, 但好味喎, 間中一次無所謂啦

以為可以唔用油煮食健康Ｄ，點知變成日日燒嘢食！

咁用焗爐二百幾度，咪一樣？
我都用焗爐焗叉燒。焗蛋糕，面包！
咁又致癌？

八王爺 發表於 2012-11-5 16:36
咁用焗爐二百幾度，咪一樣？
我都用焗爐焗叉燒。焗蛋糕，面包！
咁又致癌？ ...

睇黎致癌物質多數只發生在動物性皮膚油脂及燒濃物體,其他未有發現~
親未發現到先安心食多一點,第日再話有害咪戒口囉

依家樣樣野都話有事, 邊驚得咁多.. 菜同薑咪係用埋啲偉哥, 避孕種.... 乜都有事架啦, 唔好日日食, 唔好一次食太多, 我估會好啲囉. .. ( I THINK)

燒烤肉類會釋出致癌物，必須配合"西蘭花"進食， 而且要徹底咀嚼西蘭花，因西蘭花可以釋出對抗致癌物質。

蒸食物應該最安全嘅