Hugopoodle社區園圃 @ 有關授粉, 留種和種子保存的資料 @

有花友在太和永興隆糧食行買過肥料嗎?
質量都可以嗎?

namplant  幾好,同埋算平~ 不過寶湖而家都入左牛屎雞屎,問佢拎d黎用囉~

tomtomtom  試過，唔錯

多謝分享, 等我聽日去入定貨先

如果種蘿蔔,可開田前1兩日,先將種子波水半日,再放筲箕上,種子要掂到少少水等佢爆茅!
開田就將爆茅的種子落田,咁樣快好多, 長成率都高D架


hugopoodle  波水的意思是浸水嗎?  發表於 昨天 23:00
＝＝＝＝＝＝
浸水

恭喜師妹開田成功^^haha
有空多交流,成果可以交換嗎?haha
我同妳剛相反,本來想種草藥...走錯路去咗種菜,好辛苦呀)))
我依架會種部份農作物,有收成我一定送妳^^
我依架都係培緊苗...生菜最無難度,可以種多d,唔使擔心d雀來開餐,嘿嘿!
肥料應該間間差唔多,佢哋入d貨大多同一處吧....

lameric  唔係喎我當年種啲生菜俾隔離棵樹嗰竇雀仔食鬼晒啲葉喎！ 咁點解唔洗擔心？

乜咁慘呀, 師兄~

青蛙媽媽  最好加個網, 吉島個d防鳥網~

多謝青蛭媽媽提醒, 我搵日去買, 係咪用竹撐起呀?
防鳥網啲孔有冇定幾大較好呀?

malike 發表於 2012-11-15 14:00
打算種甚麼呢?

落咗種子等發芽的有: 蜜糖豆, 椰菜花, 蕃茄
買咗種子有: 矮腳江門白菜, 60日菜心, 小棠菜, 小紅蘿蔔, 白蘿蔔
視乎情況種落田

hugopoodle 發表於 2012-11-15 22:51
乜咁慘呀, 師兄~

可能金剛嘅意思係橫掂生菜咁易種, 可以種多啲,餵飽啲雀雀剩番嗰啲就輪到你有得食!

有問題有問題, 收田後仲要唔要焗田呢?
咁係唔係要焗完田先落肥料呀?
落完肥料係咪唔可以立即播種呢?

hugopoodle  基肥自己"吽"? 即是廚餘? "吽"咗幾耐呀?  發表於 昨天 23:16

有新鮮的,有約半年的. 新鮮的埋深點,半年的較面,我相信應該沒問題的.

hugopoodle 發表於 2012-11-15 23:25
有問題有問題, 收田後仲要唔要焗田呢?
咁係唔係要焗完田先落肥料呀?
落完肥料係咪唔可以立即播種呢? ...

你呢幾個問題好深，有排拗

以小弟之愚見，時間關係，如果塊田唔係太差，星期日收田後翻一翻土，晒番一個星期就種啦，有石灰就落d消吓毒。
肥料如果有，星期日落埋基肥就放心d。如果想落完即種就掘深d，見有d前輩高人咁做都冇問題。
但唔知你星期日收田的安排如何，是否可以做咁多嘢。

以上純屬個人意見，不喜勿插。

p.s. Starbxxk 咖啡渣真係任攞，可以睇睇附近有冇，攞返d吽肥

開田時取個大桶留起d泥(唔知係咪個個園圃都有, 無既帶定個大黑色厚膠袋用), 再將基肥連剩低既泥一齊翻(可加埋熟石灰中和d酸鹼度), 石仔唔使成個田執, 只執種蘿白個位就可以.
翻完泥耙平個面再將桶內泥倒番一半上田面就可即刻洒種子. 再洒少少泥係田面遮遮d種子, 記住淋水要淋多d等d肥料發酵.
桶內剩低既泥, 用d花盆/細桶仔裝起放田邊(蓋好), 方便以後蘿白/栗米補泥用

我都想種粟米，但係咪好易野蚜蟲架？

lameric 發表於 2012-11-15 23:24
可能金剛嘅意思係橫掂生菜咁易種, 可以種多啲,餵飽啲雀雀剩番嗰啲就輪到你有得食!  ...

我嗰度d雀大把嘢食,佢哋無嘢食最後先揀生菜^^食蕉食水果食菜心D雀成日來開餐,我無任歡迎,哈哈!正所謂鳥語花香嘛

C.C 發表於 2012-11-16 04:25
開田時取個大桶留起d泥(唔知係咪個個園圃都有, 無既帶定個大黑色厚膠袋用), 再將基肥連剩低既泥一齊翻(可加 ...

分享好有用~多謝你~
咁我星期日帶定啲種子去喇
如果到時仲想要多啲泥, 園圃之後仲會唔會提供呀?
定係要自己準備呢?

tomtomtom 發表於 2012-11-16 00:12
你呢幾個問題好深，有排拗

以小弟之愚見，時間關係，如果塊田唔係太差，星期日收田後翻一翻土，晒番 ...

Starbxxk 咖啡渣真係任攞，可以睇睇附近有冇，攞返d吽肥

用來做基肥可以嗎? 如果係咁, 我可以睇下聽日攞唔攞到
放落田之前要唔要做啲咩呀?

來近我都有田開~

青蛙媽媽 發表於 2012-11-17 23:11
來近我都有田開~

恭喜恭喜！又有田耕，真開心！我聽日又落田，今次帶多幾隻盆，諗住種'盆'菜。。。

明天準備上第一堂喇~
會抽田, 同希望可以順利開田~
已經買咗花生麩同骨粉, 各兩斤
但係唔知點解啲骨粉好大粒(有黃豆咁大), 惟有將屋企有的少量有基骨粉帶埋去先啦
仲有今日喺豆漿店攞咗一大包豆渣, 另攞咗一杯咖啡渣
同埋會帶用剩嘅半包豐收一號去

一陣要執埋花鏟, 手套, 垃圾膠袋, 花盆
仲有咩要帶呢?

malike  小鋤頭駛唔駛帶呀?

我冇買呀, 園圃有農具可借用, 我諗ok卦

青蛙媽媽  仲要帶大力男士幫手鏟泥, 要用好多氣力~  

多謝青蛙媽媽提醒, 我已經一早book咗個大力士, 預咗之後要慰勞佢

hugopoodle : 我要多謝e度花友們幫我待抽的,

                   我自己用左4個名都好似無消息, 15號巳抽籤, 但payment notice我無收過, 唔知下星期一有無消息呢~

恭喜你,加入呢個農業大軍,祝你好收成


hugopoodle  多謝tt光臨, 希望聽日唔會攪到七國咁亂~ 而家興奮得濟, 驚一陣瞓唔著^^

好似小學生去旅行

hugopoodle 發表於 2012-11-17 23:22
明天準備上第一堂喇~
會抽田, 同希望可以順利開田~
已經買咗花生麩同骨粉, 各兩斤

同我咁相似，用剩d鳥肥，肉骨粉，骨粉，丰收一号，花生夫，樣樣都落埋去，就係無買各二斤的骨粉，花生夫…但而家d瓜菜都生得唔錯