今日真喜出望外, 蕃茄有包同冇包一樣咁靚仔, 係啲葉有潛葉虫就大煞風景. 洛神花摘完今次都可以落畫, 紅菜頭雖然未見蒲頭, 都生長健康, 今年最唔聽話都係蘿蔔, 不論紅白都難敎 . 真係比佢哋激死. 最活潑既算係士多啤梨, 周圍走又多手.有啲仲開始見有花姑娘. 希望啲雀仔唔好截我糊. 近日太陽伯伯無偷懶, 去到田都見到有啲龜裂, 去到即時開工唔係淋水, 係灌水! 到接近淋水完畢後, 遠見場主又係冇遠, 又行埋去吹兩句, 當然首要話題要佢講埋佢老友小明既續集.

場主就由貓屎講起 : 上次諗住開會募集唔到貓屎, 此事會告一段落, 點知開會完畢後, 白娜就在房門上掛上一黑板, 用意係紀錄各會議內容及各會員既發言, 亦可藉此留低訊息通知比一啲缺席既會員. 而其中一項主題就係"會訊:募集貓屎咖啡材料". 內容如下: 各位會友，由於有會友提議用貓屎咖啡開會有助大家精神爽利，而且有機、環保、對大家來說可謂互惠互利。

現誠邀小明哥哥帮我們大量制作，在此募集貓屎咖啡，希望各會友支持，謝謝!
但有会友指出收集有困難，也可以提供方法，精神上支持，谢谢!"

當然此募集直如石沈大海啦.

直至周四, 小明由於住院太久, 想返聾屋更替一吓內衣褲, 下午三點, 聾屋無甚住客在內, 小明去到Q房門前, 見到黑板上的留言, 駐足審視內容, 有部分留言既會友係唔熟識的, 當中留意到一位留言者的名字"千華"比較特別, 同明星名字一樣發音, 留言言詞客氣.

但再一路睇, 睇到募集貓屎咖啡一欄, 就知被人擺上枱, 小明心想: 唔緊要啦, 都未有下文!  小明就從褲袋中取出鎖匙, 推門而入, 在進入Q房放眼一望, 眼見白娜正在品嚐一杯咖啡飲品, 枱上放著一堆貓屎咖啡, 再聞真啲, 白娜那杯無疑是貓屎, 小明就對著白娜說: 午安白娜會長, 你品嚐的貓屎咖啡, 是否準備分享給各會友呢? 白娜對小明詢問不作回應, 繼續品嚐貓屎 . 小明見白娜無反應, 可能係自己太細聲, 懷疑白娜聽唔到 ! 小明就唯有再講: 白娜姐咁出心出力為各會員, 今次有咁多貓屎咖啡, 各會員有口福囉. 小明語畢, 白娜將枱上的貓屎咖啡及手上的咖啡杯放入紙袋中, 跟著大搖大擺地步出Q房, 小明眼見白娜步向房門, 自然側身一讓, 但白娜由始自終, 都冇望小明一眼及回應小明半句. 小明不期然捽捽一眼睛 , 望一望手錶, 時值下午4點20分, 心想: 日光白白冇厘由咁猛鬼? 唔通自己眼花? 跟著你明再用手上的鎖匙往大肶一插, 即時劇痛流血, 又證實自己不在做夢! 難道自己有幻覺? 唯有呆呆望著白娜向走廊行出行, 但當白娜離Q房約十多步時, 走廊就出現一位妙齡少女叫喚白娜, 原來妙齡少女就是"千華",

"千華"就在走廊對"白娜"說: 姐姐您好, 食野未? 一齊TEA好嗎? .

"白娜"回答說: 就快要做晚飯, 不去啦, 你咁好上來既?

"千華":那不阻你, 我去Q桃花會, 想睇吓有冇會友留言.

"白娜":那你自便, 我都要開始準備晚餐

雙方語畢, "千華"就慢慢步向Q房小明的方向, 到接近Q房門時, "千華"對著小明微笑及伸出友誼之手向說明說: 你好,我叫"千華", 是做義工社工的, 應"白娜"姐姐邀請加入桃花會, 多多指教.

小明見友善既"千華", 握手時亦自我介紹自己叫小明, 是Q房的租客.

"千華"一聽到是小明, 除咗問候身體近況外, 即時讚許說: 你好好人啊, 為大家著想, 義務制作貓屎咖啡.

小明聽罷, 報以一個苦澀的微笑, 就反問"千華": 你是白娜的妺妹?

"千華"則笑笑口, 搖著頭說, 我只是義工, 在偶然機會認識"白娜", 由於投緣, 固以姐妹相稱, 近期見姐姐熱心創辦桃花會, 咪睇吓有冇野可以幫手囉. 係呢?你啲咖啡攪成點呢? 又話你係醫院, 仲有時間攪咩?

"小明"被"千華"廹到啞口無言, 又見對方係義工, 必有一腔熱血, 於是深吸一口大氣, 使將被攞上枱既詳情及剛剛遇到"白娜"的過程和盤托出. 當"千華"聽擺一切詳情, 一路搖頭苦笑. 對"白娜"又多一層認識.

由於小明要在6點前回醫院, 所以與"千華"閒話幾句, 互換電話號碼後, 執拾幾件衣服後便返回醫院. 而千華則稍稍逗留後亦離開聾屋.

而講到咁上下, 天色又黑, 又要執野走人, 就要下周先再同場主吹水