註冊 登錄
香港園藝館 返回首頁

ahfour99的個人空間 https://hkplants.com/?60243 [收藏] [複製] [分享] [RSS]

日誌

桃花會成立

熱度 2已有 1019 次閱讀2013-11-30 19:16

30/11晨早九點咁凍出田, 又曬又凍, 今年蘿蔔唔生性, 好彩都仲有蕃茄見得吓人, 最激心係發現有幾粒神秘果比人偷咗, 諗諗吓真係要學花老師咁整個網室保護先得. 不過窮等人家都係要算過度過先動工. 都係大工程.

到田攪得兩個鐘, 又見到田主攞住啲生菜收成比我, 我又順口問返佢老友小明攪成點.

田主答: 出院就未, 醫生話突然暈低, 可大可小, 要留院詳細觀察. 起碼都要住                        院一個月. 小明住院都好過係瞓地下.

不過最近小明既朋友探佢時, 就話比小明知, 係住院時, 聾屋出現大改變, 特別係小明既Q房.

原來小明暈倒後, 聾屋住客略有微言, 包租公就心想一計, 見人性個個都八卦, 為咗分散注意力及增加凝聚力, 就係大廳攪咗個"玄偽學館", 等大家討論玄學, 分辨真偽. 而"玄偽學館"内部為間開幾大區間. 有:掌相區/面相區/河洛區/八字區/鐵板神數區/紫微斗數區/梅花易數區/大六壬占卜區/文王卦占卜區/塔羅占卜區/

合共十個大區,當然蛋治唔會識咁多瓣,亦冇咁多時間可以細心管理. 所以每區都搵個租客做義工幫手睇場. "玄偽學館"除咗以上十區外, 蛋治仲攪咗個玄學交易區, 各住客可以自由交換或出售玄學書藉或用具.

攪咗個"玄偽學館"之後, 個個住客都不知開心融洽, 大家有講有笑, 大家都讚包租公今次做得好. 但當大家稱讚"蛋治"時, 身旁既一向高高在上既包租婆"白娜"由於一向自命清高, 自然唔願參與租客既十區與租客睇齊(咁咪變咗平民), 自然覺得被受忽視, 一向嬌寵愛權既"白娜"被包租公攞晒彩, 自己又對玄學一竅不通, 於是左諗右諗, 點樣又可以個個又比佢點! 正在踱來踱去時, 踱到廚房附近, 右腳被一樹枝勾破她的絲襪, 正想破口大罵時, 一望: 原來樹枝是年初在垃圾站拾回來的桃花. 即時靈機一觸, 心生一計; 就向"蛋治"提出, 將Q房暫改為"玄偽學館"既分區(風水區), 命名為桃花會區, 就以桃花改運作招徠. "蛋治"起初都不願, 在"白娜"威廹之下, 就任由Q房用作"桃花會"區.

"桃花會"區成立之初, 由於"白娜"聲名狼藉, 而且大廳又玩得開心, 各住客都未有踏足"桃花會"半步, "白娜"眼見日日拍蒼蠅唔係辦法, 於是諗出誘之以餌既方法, 索性將廚房那枝垃圾桃花送出, 一於攞放在大廳交換分享區: 標示著"送出開運桃花一枝, 但不包括盛載桃花既水樽" ,  但攞放多時都未有反應, 枝垃圾桃花又阻住大廳出入, 終於一位好心住客免為其難將垃圾桃花收留. "白娜"眼見垃圾桃花都可送出, 而且終於有住客關注"桃花會", 於是打鐵趁熱, 又在廚房摷出個千年"炭爐", 再加上剛剛係垃圾站執到四張摺椅, 加碼攞在大廳一次送出. 終於皇天不負有心人. 亦由住客收留. 自此"白娜"藉此作改變形象作借口, 四處傳揚自己好事. 傳揚只係得"白娜"自己一張嘴, 效果亦未逹預期. 於是"白娜"又用另一招, 移花接木, 將大廳有份量人士有關風水或植物改運或桃花改運既文章, 一概搬去Q房桃花會, 還與有份量人士稱兄道弟. 就咁, 桃花會終於係Q房成立. 亦滿足到"白娜又可弄權既第一步.

桃花會經過連日"白娜"催谷, 已經有十數住客參與, 在初期,有一次"桃花會"攪聚會, "白娜"知道要做啲對會員有著數既事, 先可令會員聚而不散, 白娜心諗自己又冇可能紓尊降貴去服務啲平民, 眼見Q房有幾部藍色咖啡機, 就立即致電在醫院的小明, 詢問咖啡機的用法用途及咖啡材料在那裡. 諗著叫會員可以沖幾杯咖啡宴請會員.

小明在電話回答"白娜"是一部制作貓屎咖啡的專用機. 材料太貴, 所以冇材料. 掛線後, 眾人目光一致注視"白娜", "白娜"唯有硬著頭皮向現有會員募集, 問邊個會有貓屎. 眾多住客心想, 住得聾屋邊有咁名貴既貓屎呢, 而白娜就一心諗著可能又快有著數, 到後來結果都只係大家你眼望我眼, 所以在會中各人就只有吞口水開會.




 

......鈴..................講到此, 田主手機响起, 就唯有下次再續! 我又走去摘蕃茄

發表評論 評論 (3 個評論)

回復 cylau0910 2013-11-30 21:03
好吸引的連續篇,好戲還在後頭?今日咁凍燒炭都吾錯呀!
回復 ahfour99 2013-11-30 22:04
我都想知發展係點, 又要等下星期
回復 tindayun828 2013-12-5 07:26
結果如何,看官不用心急,留待下回分解!

facelist

您需要登錄後才可以評論 登錄 | 註冊

聯絡園藝館|手機版|HKplants

Powered by Discuz! X3.4  © 2001-2013 Comsenz Inc.