註冊 登錄
香港園藝館 返回首頁

ahfour99的個人空間 https://hkplants.com/?60243 [收藏] [複製] [分享] [RSS]

日誌

波爾多風暴!!!

熱度 3已有 861 次閱讀2013-12-15 13:22

14/12今日天文台算合格, 話下午會有雨及陰天, 見有咁既預測, 上午十點去田開始工作, 今日最開心係買咗兩大包花生麩, 而且仲係片狀既. 搬入田即時入桶封存, 計埋自制肥料, 兩年都可以唔使買肥料, 正!!! 上周施肥既蕃茄, 今日又要加棚整固. 攪到2點左右, 天文台交報告.....(大雨)....., 唯有走入田主屋企避雨. 一入去見到田主飲緊啤酒. 就埋去又吹兩句. 順道問問小明近況, 睇吓小明出院未.

田主就開始講: 小明就未出院, 不過聾屋就熱鬧囉, 話說"小明"上周將"白娜"既所作所為告知"千華"之後, "千華"就不時對好姊妹"白娜"勸告, 由於白娜一向高高在上,唯佢獨尊, 對"千華"既勸告非旦視若罔聞, 更覺得"千華"在挑戰"白娜"既權威. 除桃花會必須既聚會外, 白娜開始漸漸疏遠"千華", 但"千華"一心只為好姊妹好, 對"白娜"間中講既難堪說話, 都一概逆來順受.

直至近期. 桃花會中出現一位資深經驗既會員參與, 人稱"秦博士", "秦博士"在有關桃花品種及風水用途都極具心得, 會中成員遇有疑難, "秦博士"都解答得頭頭是道, "秦博士"有時亦會在其他地方引入新的品種與大家分享."白娜"眼見有"秦博士"此字典出現, 而且好使好用, 自然大獻殷勤. 禮遇有加. 就借助"秦博士"既出現, 將自己在各人心中地位穩固. 自己又可以唔使做, 又有人可以幫自己搞掂其他會員, 正合乎"白娜"既不勞而獲既人生哲學.

近期"秦博士"在一次桃花會聚會中, 介紹一種波爾多風水桃花給各會員. 部份會員亦大感趣, "秦博士"就集合所有名單, 一次過到相熟花店訂購, 名單中: 除咗其他會員外, 是次兩位主角:"千華"訂下二棵, 而"白娜"訂下一棵. 由於波爾多風水桃花桃花價格比一般桃花貴, 而"白娜"眼見"千華"訂購數量比自己多, 心中己經滿不是味兒. 直至在上周四到貨當日, "秦博士"由於方便各位成員, 全部約會中午在某地鐵站交收, 在發貨時, 較後到達的是"千華"及"白娜", 由於"千華"早"白娜"一步到交收地點, "秦博士"就叫"千華"在餘下三棵中自行挑選二棵, "千華"覺得大細都冇所謂, 就回應"秦博士": 無所謂啦, 你比那一棵我都得. 及後"秦博士"隨意拿起二棵給"千華", 而剩下一棵, 自然係剛剛到步的"白娜". 當"白娜"提起自己的"波爾多風水桃花"一望, 總覺"千華"二棵都比自己的優秀. 心中不忿開始又升一級. 以"千華"既性格當然不以為然, 並誠邀"白娜"共進午餐, 兩人就提著三棵波爾多風水桃花步出地鐵站, 至上到地面時, 一位貌似藝人王敏德既5尺10寸俊男由遠向她倆步近. "白娜"由遠已經目不轉晴地留意這位美男子, 直至俊男步至她倆跟前, 伸出雙手說: "千華" 咁重, 交比我啦. 俊男接過千華手上的波爾多放好在泊在路旁的BENZ車尾箱後, 回過頭便與神情失望既"白娜"自我介紹, 原來俊男是千華的丈夫Bruce.

Bruce自我介紹完畢後, "白娜"就對"千華"說: 我醒起有事要辦, 都係唔食午餐了. "白娜"說罷立即轉身步回地鐵. 一路行一路心想:{波爾多桃花又比佢差,又唔夠佢多, "秦博士"又偏幫佢, 蛋治又比Bruce, 自己架BMX單車又唔及人架BENZ ! 天呀!! 我體重又比佢有份量, 又係主持人, 冇理由佢樣樣都好過我架.....?!} 妒忌就開始爆炸, 而且一發不可收拾!

 

上周五桃花會聚會, "千華"行近留言黑板時, 就發覺白娜有一段留言: 請各會員注意: 各會員遇有集體購買桃花時, 一律不能揀選. 特別係選購多於一棵時, 係冇優惠權. 此時, "千華"已經知道"白娜"心中有刺.

"千華"再往下望,  留意到黑板上又有另一段留言,

主題上係: "非洲黑進註香港" 而文中有另一位會員RB-47正在G-BAY競投非洲黑桃花枝條, "白娜"亦有接著留言, 要求那位會員RB-47成功投得後, 當作會購....."千華"看罷有關留言, 恐怕RB-47步其後塵, 將好事變成壞事, 便留言, 勸告RB-47說: 枝條存活有別, 如有會友買下不能存活, 不如投得後, 如能存活, 放上出售板更好啦, 唔係枝條有大有小, 有粗有幼, 會引來爭拗.

當留言完畢, 千華人有三急, 便往聾屋洗手間如廁, 如廁後正想返回Q房, 就被"白娜"截停說:{ 從今以後, 你再不是桃花會成員, 你我恩斷義絶. 往後你都不能踏入Q房半步.} , 白娜講完立即轉身返入Q房, 並將門鎖上.  而"千華"聽罷! 木立良久, 激動得接不上半句. 跟著往黑板一望, 剛剛寫下的留言已經被抺去, 再思前想後, 著實諗唔到半點有傷害白娜或桃花會的事. 至此唯有心死地離開Q房門前.

田主講到430分左右, 雨停咗, 不過天好黑, 都係趁停雨走人, 唯有下次再講!

發表評論 評論 (4 個評論)

回復 tindayun828 2013-12-15 16:03
又要到下星期待續,正是 "欲知後事如何,請㕔下回分解!"
回復 cylau0910 2013-12-16 15:27
我好心急追下集呀!楼主詞鋒勵害,一針見血,故事人物栩栩如生,活現眼前,真想直斥其非!  希望結局奸人不能得呈,得到報應!就大快人心啦!哈哈…
回復 ahfour99 2013-12-16 17:12
  
回復 ahfour99 2013-12-17 23:18
請問師兄有冇留意我簽名呢?

facelist

您需要登錄後才可以評論 登錄 | 註冊

聯絡園藝館|手機版|HKplants

Powered by Discuz! X3.4  © 2001-2013 Comsenz Inc.