又一不知名的拖鞋蘭

這株是在2014年9月在粉嶺中心商場未開舖前看見而影照。
後來等開門時間返轉頭買的，曾問老闆是什麼交配種，老闆話大肉餅交的另一不知名。



到今年終復花。
12月12日





今天12月22日開花了！

恭喜師兄今年復花，這花好靚，請問貴吾貴啊！難種嗎？

請問施肥是應從幾月開始下花肥比較合適，要幾耐先下一次肥，請指教！

漂亮！原來拖鞋蘭的品種也真多，向大大學習！

fun 發表於 2016-12-22 07:05
恭喜師兄今年復花，這花好靚，請問貴吾貴啊！難種嗎？

謝謝賞花。
此花乃是蘭商雜交出來旳，通常是一批一批的,賣完就冇,售價約百多元左右。

fun 發表於 2016-12-22 07:08
請問施肥是應從幾月開始下花肥比較合適，要幾耐先下一次肥，請指教！

講起施肥，各施各法,講究d還是懶惰d?
講究d,又要看看未開花株的中小苗還是已是開花株，如是未開花株的中小苗,我會在冬去春來和夏盡秋至施緩解的平均肥，再加上全年除了大寒大熱之外，一、兩星期施平均液肥。
如已是開花株,花謝後,施平均肥，待新株成熟後施開花肥，但以上是指一般單花品種拖鞋蘭而言，如大、小青蛙，摩帝和越南小姐等，因一般拖鞋成熟開花後,如照顧適當，會年年來花,但一些綠葉多花或續花品種卻有差別，如拖鞋皇、拖鞋后和愛德華皇子等,只能讓她開花一星期，還要施肥適當才有機會來年復花,否則讓她開花開到謝,來年復花必定無望!
所以施肥其實可以簡單的懶人法,春秋放緩解平均肥，配以除大寒大熱以外施平均液肥。

yklhkplants 發表於 2016-12-22 08:24
漂亮！原來拖鞋蘭的品種也真多，向大大學習！

謝謝賞花。歡迎交流，分享經驗。

獲益良多，謝謝師兄分享經驗

非常多謝師兄分享經驗！

好靚既拖鞋，多謝分享經驗

Martina 發表於 2016-12-22 21:38
非常多謝師兄分享經驗！

謝謝賞花。分享交流，互相得益。

ck1122 發表於 2016-12-22 21:50
好靚既拖鞋，多謝分享經驗

謝謝賞花。
多些交流、自已也得益。

我會用有機肥料

joly 發表於 2016-12-22 21:56
我會用有機肥料

固體緩解肥我是用古X肥，效果唔錯，但微量元素要從不同牌子吸收。

謝謝分享，今年先開始試下種拖鞋，希望佢地快些適應。對佢地真係要多D耐性呀

dendrohusky 發表於 2016-12-23 21:20
謝謝分享，今年先開始試下種拖鞋，希望佢地快些適應。對佢地真係要多D耐性呀 ...

你宜家種緊咩拖鞋蘭？

dendrohusky 發表於 2016-12-23 21:20
謝謝分享，今年先開始試下種拖鞋，希望佢地快些適應。對佢地真係要多D耐性呀 ...

謝謝賞花。
對拖鞋蘭而言，確是要多些耐性，因為可以好幾年唔長大，亦都爛根都唔知，發現時又太遲，要多留意葉面，失光澤、皺紋就要加倍注意！

joly 發表於 2016-12-23 21:37
你宜家種緊咩拖鞋蘭？

Multi 有皇子同roth,其他有大班點，小青蛙，henryanum,廣西玉女

taxitang 發表於 2016-12-23 22:03
謝謝賞花。
對拖鞋蘭而言，確是要多些耐性，因為可以好幾年唔長大，亦都爛根都唔知，發現時又太遲，要多 ...

我棵roth就中曬了，幾個月前上網買，脱盆送到黎斷左好多根，而家出D新葉細好多，D葉又無光澤

dendrohusky 發表於 2016-12-23 22:33
我棵roth就中曬了，幾個月前上網買，脱盆送到黎斷左好多根，而家出D新葉細好多，D葉又無光澤 ...

上網買？如是淘寶小心品種不正確，我剛剛中招。但不提也罷。