又討論下點樣包裝ａｖ葉

早陣子寄葉給花友，忽發奇想做左個紀錄．大家參考下，俾ｄ意見．印象中都冇咩花友同我投訴葉子寄到時餅哂或者乾左，我的方法應該ｏｋ．

如果唔用硬盒仔, 改用氣泡袋入住, 會唔會仲方便d呢?

希媽,
妳的包裝很不錯，蓋頂位再加發泡膠，應該可以避過郵寄時被壓壞的機會。
此外葉柄不要用濕的紙 or tissue包著，這樣對植株幫不大，反而對葉片有害，增加爛葉機會，(就算葉片唔死可能有排唔出根)，植株吸飽水情才切下葉片，切口風乾後塗上hi-fresh or 生根粉就可以了。

原帖由 agnespoon 於 2008-4-17 11:49 發表
如果唔用硬盒仔, 改用氣泡袋入住, 會唔會仲方便d呢?

如果用氣包袋，去到郵差叔叔度一定餅哂．～

原帖由 heiheimama 於 2008-4-17 12:02 發表


如果用氣包袋，去到郵差叔叔度一定餅哂．～

應該唔會呱, 因為我試過寄d玻璃既野, 包多幾層厚, 再用手壓下佢都冇事喎, 哈哈 !

原帖由 花花公子 於 2008-4-17 11:56 發表
希媽,
妳的包裝很不錯，蓋頂位再加發泡膠，應該可以避過郵寄時被壓壞的機會。
此外葉柄不要用濕的紙 or tissue包著，這樣對植株幫不大，反而對葉片有害，增加爛葉機會，(就算葉片唔死可能有排唔出根)，植株吸飽水情才切下葉片，切口 ...

其實我一般會用ｋｉｔｃｈｅｎ　ｐａｐａｒ，貪佢唔會濕水就溶化．我自己試過收到花友的葉冇包濕紙寄到來乾死了．有時郵遞有誤（尤其隔左星期六日），會成四五日至到．怕葉子捱不住．～

原帖由 agnespoon 於 2008-4-17 12:04 發表


應該唔會呱, 因為我試過寄d玻璃既野, 包多幾層厚, 再用手壓下佢都冇事喎, 哈哈 !

因為你個塊是玻璃，不是葉子．郵局是不會溫柔地處理郵件的．見過好多花友，就咁入袋就寄，收到時葉子四分五裂，好似被車壓過咁！～

原帖由 heiheimama 於 2008-4-17 12:05 發表


其實我一般會用ｋｉｔｃｈｅｎ　ｐａｐａｒ，貪佢唔會濕水就溶化．我自己試過收到花友的葉冇包濕紙寄到來乾死了．有時郵遞有誤（尤其隔左星期六日），會成四五日至到．怕葉子捱不住．～ ...

如果葉片落hi-fresh應該無問題, 上年rob's團購寄嚟啲花都要四五日, 一様堅挺無比

原帖由 krista 於 2008-4-17 12:14 發表

如果葉片落hi-fresh應該無問題, 上年rob's團購寄嚟啲花都要四五日, 一様堅挺無比

真？！咁下次我都試下淨用ｈｉ－ｆｒｅｓｈ．～

原帖由 heiheimama 於 2008-4-17 12:07 發表


因為你個塊是玻璃，不是葉子．郵局是不會溫柔地處理郵件的．見過好多花友，就咁入袋就寄，收到時葉子四分五裂，好似被車壓過咁！～

咁又係, 佢地分件多數都係四圍掉, 又點會輕放呀, 所以唔做足功夫一定死梗.

希媽, 上次你咪寄咗d葉比我嘅, 講個血肉橫飛收件過程你聽
話說我早上係個花園到整理花花。攪下攪下已經到中午, 郵差叔叔見到我就同我講信箱有郵件, 我就知係希媽寄比我嘅葉仔, 我好開心咁走去個信箱到攞郵件。點知個郵差叔叔好人到不得了, 開咗個鎖仔(我無鎖死), 成份件塞咗落個郵箱到(佢應該係怕會有人順手牽羊) ,
起初我好溫柔咁攞, 梗係攞唔到啦! 原來係卡死係個箱到(我個郵箱係好古老好扁o個隻鐵箱)。我伸隻手落去摸到封信好硬喎! 試下用d力"蚊", 仍然攞唔到。企咗係到幾分鐘, 用盡方法, 流晒汗, 無辦法喇! 搏一搏, 個信封比我用力一"蚊", 撕咗一半出黎, 嘩!一聲叫咗出黎...
我再伸手入個信箱到摸到個樽仔, 跟住一邊轉個樽一邊"蚊"先拎到個樽出來。個樽仔完好無缺, d葉仔就梗係無事啦!
希媽多謝你呀! 我第時有葉分享, 我都會用你個方法。

原帖由 ハマナス 於 2008-4-17 12:47 發表
希媽, 上次你咪寄咗d葉比我嘅, 講個血肉橫飛收件過程你聽
話說我早上係個花園到整理花花。攪下攪下已經到中午, 郵差叔叔見到我就同我講信箱有郵件, 我就知係希媽寄比我嘅葉仔, 我好開心咁走去個信箱到攞郵件。點知個 ...

嚇得我呀，幾驚你話ｄ葉分左屍呀 ！好彩，唔係我會想辦法寄過俾你！～

[ 本帖最後由 heiheimama 於 2008-4-17 17:36 編輯 ]

原帖由 heiheimama 於 2008-4-17 13:19 發表


嚇得好呀，幾驚你話ｄ葉分左屍呀 ！好彩，唔係我會想辦法寄過俾你！～

無事, 無事, 而家d葉仔好健康住係小溫室到

希希媽媽你可以用棉花包係裡面外面用石紙可以放多少少水嗎？之後先用袋袋好加泡泡紙啦．．．咁就好好多啦．．．

你信我啦，唔用硬盒一定餅架．泡泡紙既作用係保護易碎但硬的東西，葉子本身太軟，所以用泡泡紙都唔會減低被壓的力．．．

希媽的包裝方法,我非常支持,因為我曾經收到她寄給我的葉片十分之完整.她現在公開其包裝方法,對我們非常有用,我全力支持!希媽好嘢

希媽, 點解你清減左o既
我都收過希媽分享葉片, 十分完整, 包裝很好.

原帖由 heiheimama 於 2008-4-17 11:24 發表
早陣子寄葉給花友，忽發奇想做左個紀錄．大家參考下，俾ｄ意見．印象中都冇咩花友同我投訴葉子寄到時餅哂或者乾左，我的方法應該ｏｋ．

- 先至用紙巾包得好呀?? 用保鮮紙得唔得呀 ??  我成日至先包個頭少少. 但成日怕走晒D水.

- 透明葯袋係邊度貫.

thanks !

原帖由 nickyhk 於 2008-4-17 22:12 發表


- 先至用紙巾包得好呀?? 用保鮮紙得唔得呀 ??  我成日至先包個頭少少. 但成日怕走晒D水.

- 透明葯袋係邊度貫.

thanks !

實際上我係包完ｋｉｔｃｈｅｎ　ｐａｐｅｒ再加膠紙，咁就唔會ｎｕｔ出黎．所以用保鮮紙都ｏｋ．不過有花友教塗ｈｉ－ｆｒｅｓｈ即可，不用加水．

藥袋在文具店有售．最細由＄４一百個起．買試飲杯的地方亦都會有得賣，選擇更多．

原帖由 peeseela 於 2008-4-17 18:38 發表
希媽, 點解你清減左o既
我都收過希媽分享葉片, 十分完整, 包裝很好.

希媽, 你何止清減咗, 仲懞查查添(個頭像呀)