【新聞】日 首 設 棄 嬰 箱 辯 稱 拯 救 生 命

　　(星島日報報道)日本一所天主教醫院將設置全國首個棄嬰箱，觸發社會極大回響，不少人擔心這樣會助長棄嬰的行為，日本首相安倍晉三對此計畫也表示有保留。

　　位於日本南部熊本市的慈惠醫院，早前向市政府提出在醫院設置棄嬰箱的計畫。經過多番討論，熊本市市長幸山政史終批准有關建議，醫院會正式開始有關工程，預料本月內會完工。棄嬰箱又名「送子搖籃」，放置於醫院大堂，長四十五厘米，闊六十厘米，設有窗子、保溫設備、監視錄影機和警報裝置。只要有人將嬰兒放到箱內，儀器便會發出警報，通知醫院的護士。

　　日本的出生率一直處於低水平，但因求助無門而導致嬰兒死亡的案件卻不斷增加。去年熊本市便有未成年少女在公廁誕

下嬰兒，導致嬰兒死亡的事。慈惠醫院輔導過許多誕下小孩卻無法撫養的婦女，大部分是經濟有困難的離婚婦女及未成年學生。為了拯救無辜的小生命，醫院決定設置棄嬰箱，讓無力撫養嬰兒的父母把嬰孩交由醫院養育。

　　支持者認為此舉能拯救小生命，防止新生嬰兒被隨處遺棄甚至殺害，有助減少墮胎及提高生育率﹔但不少人擔心，此舉等於鼓勵父母拋棄新生兒女。安倍於二月曾說，每個父母都有責任養育和照顧兒女，呼籲國民重視家庭價值觀。



---------------------------------------------------------------------------
55.....日本人真係勁......連呢個方法都諗到,
雖然咁樣做, 可以減少墮胎及提高生育率,
但係, 我諗一個棄嬰, 長大後可能會因為自己既身世而感到自卑, 甚至會俾人歧視添

大家有咩野意見ar~

咁發達0既國家都有呢d事件發生,點解呢?
放個bb入去棄嬰箱0既時候,填埋意見表格入去,睇下生父母為咩咁做,統計出數字後政府咪做野囉
"有助減少墮胎及提高生育率"咁樣做法係咪健康同正確呢?
"無力撫養嬰兒的父母"定係"無盡力撫養嬰兒的父母"?

見唔見到矛盾的地方？
1. 日本出生率低！
2. 求助無門嬰儿死亡不斷增加！
證明統計有問题。

日本仔改咗個好好聽嘅名比佢 ----->「鸛鳥（送子鳥）搖籃」


聽聞第一日就有個三歲大嘅男童，比佢老豆遺棄咗响果度.....
三歲喎？  乜啲人真係可以當垃圾咁丟低個細路哥？  

咁第時 d小朋友曳曳，唔洗揾警察叔叔啦！  就咁話 "你再曳就 pat你落垃圾筒！"

"你再曳就 pat你落垃圾筒！" 呢句我唔會講,我講開""你再曳就企0係垃圾筒隔離,好怏就會有人黎要左你！" (只係同佢講笑,唔係鬧佢)

我比較殘忍， 我話「你唔听話，我掉你落街~」
佢回應「真係唔信！」

原帖由 八王爺 於 2007-8-2 11:18 發表
我比較殘忍， 我話「你唔听話，我掉你落街~」
佢回應「真係唔信！」

不如改成........「你唔听話，我掉你部電腦 /wii 落街~」


會唔會收效大啲呢？

有時我都會話"唔聽話,我由呢度掉你落去游水,最多比你換件泳衣同埋大力d掉你出去~"
佢會答我"好啊~記得大力d"
點解唔驚0既"