請教燒泥細節

想請教燒泥細節 ,

看到有農友燒泥 ,

好似幾方便快捷 ,

唔駛曬幾日再落藥去菌去蟲 ,

請問用什麼工具去燒 ?

在那裡買 ?

燒完 d 泥可以立即再用嗎 ?

燒嘅時候會好大煙嗎 ? 會好臭嗎 ?

因為我住 24 樓會在露台燒 ,

驚樓上樓下會以為火燭

我主要用盆種疏果 ,

泥唔係好多 ,

請指教 , 謝謝 !

你見到的是點燒？
通常是用以燒雜草，方法一是用噴火器，一是放一把火，都唔適合家中進行。即使種田都唔好隨便試，引起山火就大件事。
泥少曬泥應可以了。

冇燒過泥但晌天台燒過草木灰, 以為扮 bbq 點知鬼咁大煙, 一路燒一路驚鄰居報警話火燭... 如果你晌露台攪真係要諗清楚
屋企有隻舊鑊, 諗過買 gas 爐返來炒泥, 唔知效果點呢  ?

買支火槍就ok (當然要gas啦)  工具係A) 舊煲/舊鑊一個, B)墊底既野一舊(我試過用(針)板不過有d燶, 後來用磚) C)翻泥既耙一個, 預備好之後, 就好似炒飯咁, 唔會大煙既, 放心

C.C 發表於 2012-7-25 00:53
買支火槍就ok (當然要gas啦)  工具係A) 舊煲/舊鑊一個, B)墊底既野一舊(我試過用(針)板不過有d燶, 後來用 ...

想問 d 火係喺鑊面 or 鑊底燒 ?

d 泥會著晒火嗎 ?

如果 d 泥仍然好濕要唔要等曬乾 d 先燒 ?

用易潔平底鑊 ok 嗎 ?

謝謝 !

將D泥倒係個鑊度, 火向泥面燒, 一路燒一路炒, 泥唔會著火既, 放心. 泥乾燒快d, 如果D泥濕就要燒耐D咁o者, it's up to u
鑊/煲係咩牌子咩類形都可以, 不過燒過泥就唔好再用番黎炒餸勒

玩有機玩到燒泥？

你地有冇見過有機農夫攞成個田幾百頓泥去燒先？

你地睇吓人地八百幾頁果啲大帖有冇講燒泥？

你啲泥有啲乜嘢咁大鑊要燒泥先？有機種植係要養泥，增加泥裏面的生物，而家你地係又燒唔係又燒 ...

重有，燒泥會將泥裏面物質氣化，咁你地吸埋吸埋啲有毒氣體又唔怕果咩？

積積媽話唔好燒泥，燒完D泥幼左，唔疏水
而且有好多有益既菌及養份會燒死，曬泥好D!

感謝各位指教   ,

我以後會多加注意的 , 謝謝 !

亨仔媽咪 發表於 2012-7-25 18:53
感謝各位指教   ,

我以後會多加注意的 , 謝謝 !

我上年冬天時試過燒泥,一d都唔易, 每次只可細細鑊細細鑊燒, 一個吉吉島長盆既泥要分3鑊, 燒晒幾盆泥要5粒鐘,成條腰都斷埋!!!!!
在露台燒完成屋都有一陣燒垃圾味,成個星期都未散,
燒完泥D泥又唔疏水,焗爛根,攪到又要托河沙番屋企溝泥, 又要加各種養份去吽泥......好鬼死煩

而家我既做法係, 種完瓜果既泥 (因瓜果比較食肥), 我會先由得佢在盆內,暴曬佢一星期, 用發完芽菜豆苗既根桱,整樽堆肥樽,由得豆汁液被泥吸收,  樽裡面乾左既/腐爛既豆根桱, 我會做基肥時一齊放墊底<----- 所以見我有一段時間不停發苗  
自此後, 種既野少左好多煩腦, 死亡率大大下降


llaus  咁怪得就來做大癡啦  發表於 3 分鐘前
=======================
有排 ,一開始都話左從失敗中學習囉


孖吉  我都覺得 20 真係真係 好叻！^^  發表於 54 秒前
===================================
好驚....... :funk:  孖吉先生, 過嚟食雪糕la,我請


亨仔媽咪  真係好叻叻呀 ! 死亡率大大下降係重點 , 一定會試下 !  發表於 7 分鐘前
========================
因為豆係綠肥嗎!!!!!!

其實20可種完西瓜就種豆,豆類的根會fixing the nitrogen in the air 成為氮肥

善用輪作,以種稙養泥

兩種都可以,也可種蔥

2020  養泥...........其實話比人聽養泥都幾搞笑,養貓養狗都吾夠,走去養泥...........糸米 chi jor sin ah

faylo 發表於 2012-7-25 21:12
2020  養泥...........其實話比人聽養泥都幾搞笑,養貓養狗都吾夠,走去養泥...........糸米 chi jor sin ah; ...

都唔係架, 有時做完基肥掉晌度吽緊, 過兩日諗起又塞隻蕉皮落去, 都幾似餵貓餵狗咁呀

我煨泥...
http://hkplants.com/forum.php?mo ... 3&fromuid=35016

2020 發表於 2012-7-25 19:19
我上年冬天時試過燒泥,一d都唔易, 每次只可細細鑊細細鑊燒, 一個吉吉島長盆既泥要分3鑊, 燒晒幾盆泥要5粒 ...

請問用買回來的牙菜根得唔得呢?

KChong 發表於 2012-8-26 11:48
請問用買回來的牙菜根得唔得呢?

唔該晒! 等我又試下先。