住村屋的你是否因為喜歡種植而搬進村屋居住?

眼見很多人買樓租樓都選市區, 要求交通方便
生活設施就在附近
我自從兩年前搬進村屋
就愛上種植
一發不可收拾

不知你是哪一種?
喜歡種植而搬進村屋?
還是像我一樣, 因住了村屋而迷上種植?

大家分享下~

我唔係住村屋，但2001年偶然租咗個有天台的單位，開始時都只係用嚟晾衫。幾年後又因為一個偶然，開始嘗試種植，唔經唔覺就到現在。2年多前搬咗，好彩又揾到田租，又開始另一種體驗。

我就愛上"行山"，為方便去找村屋住，自自然然種下花花草草都難免

由出世就住村屋,老豆系農夫,種果樹賣錢<----故事太長跳過
屋企人除我大佬外全中意花,依家得我同我媽種野,我種花,媽咪種食物
不過屋企無車而住村屋有d唔方便(去花墟睇中d野又太大件太重的話要放棄)
速遞唔到,叫白車要半個鍾重要唔識轉灣,清明重陽會火燒山,蛇虫鼠蟻,早十年有偷渡客,深圳河未整理河道前會水浸出唔到村,等等等等

malike  你有車架! 重好環保添, 我鍾意。
我都中意,我最中意系前籃後籃,可以放好多野

我.........................為左對狗有多d地方走而住村屋

我早年決定讓未來的仔女有個海闊天空的環境長大, 加上在中環返工, 所以結婚前搬到離島, 亦因此, 將花園種滿花草! 後來, 養狗(瘋狂時候有13隻狼狗)而放棄, 而家半回歸土地上打滾!
重拾種植的樂趣!

我都係因為中意村屋夠大, 空氣好, 所以住村屋, 後來見空地好吉, 所以就種下花花草草, 但亦因我有兩隻傻狗 (以前有四隻), 佢地試過好多次都搞wor我檔攤, 而家比我鬧得多, 好d喇.... 佢地連驅蚊草都食架~

我冇住過村屋，但唔羡慕，因為玩過五年有機耕種，發現自己很喜歡種植，卻不喜歡收割之後清理。只想享受成果，不想執手尾。哈哈！

打風大雨之後唔執又唔得。都系唔好為種嘢而住村屋。除非有人肯打理。
坐享其成！

我很嚮往住村屋! 一直都計劃退休後搬離市區, 早陣子有去過錦田看村屋, 因為十多年前在那裡租田耕種, 也有去大澳看, 但老公始終未能放棄灣仔, 所以計劃還是要擱置.  

我無可能住村屋（雖然好想），老公晚晚九點十點至放工，住村屋，佢就有藉口唔返嚟瞓

曾經住過村屋，喜歡四週維有花草樹木(雖然多蚊)，而是大廈
當時沒有種植，卻愛上環境
而家住在接近郊區的地方
同時享受翠綠環境及半市區的方便

我細細個住村屋,好多地方種野, 爸爸種左勁多果樹,有橙.蕉.粟子.楊桃.楊梅.龍眼.荔枝.桔.最多蕃鬼荔枝,好好味,好懷念。
而家住大廈,極唔鐘意, 住左咁多年都唔知隔鄰屋貴性呀,對面單位仲奇怪,同佢打招呼,當睇你唔到,啲人好冷莫

春葱: 因為買左樓,而且舊村得番兩戶人家住, 好冷清,仲有偷渡客

打理花草真的要好有心機, 我而家得個露台同窗台種嘢
都有諗過租田種嘢
但係又多咗交通時間
唔可以成日睇住
同埋我發現住村屋的生活形態都改變
綠化啲, 田園啲, 空氣好啲, 安靜啲, 人都悠閒啲~
仲感覺冇咁迫

hugopoodle  但係你自己又想唔想先?  發表於 半小時前

andyman  而家好多村屋有小巴到門口架, 咁佢就冇藉口啦

我想有自己花園，但唔想住村屋，我鍾意有管理處打理公家嘢，好怕自己做。所以我想退休後住類似禽獸花園的屋邨。

雖然交通算方便，但時間長，佢返到屋企都半夜啦

我由大廈搬去村屋最主要的原因是為了我家中的7條狗。初初搬入去住時非常不習慣，不習慣狗吠聲、蟬聲、昆蟲又多又要自己行去垃圾站掉垃圾及放工回家時四周的環境黑暗暗人影都無個。住了多年後由不習慣變為喜愛，喜愛村屋空氣好、環境清幽及寧靜四處也是鳥語花香，鄰居守護相望、村屋樓價相對比巿區平宜但樓宇實用面積就實用得多。最重要是可以種植自己喜愛的花草樹木。

Sergio 發表於 2012-7-21 23:10
我由大廈搬去村屋最主要的原因是為了我家中的7條狗。初初搬入去住時非常不習慣，不習慣狗吠聲、蟬聲、昆蟲 ...

看來你已喜歡上現在的居住環境了
我記得剛搬進現在村屋的第一晚, 晚上靜得耳朵有嗚叫
然後聽到個雪櫃發出聲音
以為佢壞咗, 點知老公話個雪櫃本來就會發聲的....
瘀到痺
你有7隻寶寶真係要大啲地方
有花友話狗狗會攪亂檔
你有咁多隻, 你點保護啲花花呀?

andyman 發表於 2012-7-21 15:12
我細細個住村屋,好多地方種野, 爸爸種左勁多果樹,有橙.蕉.粟子.楊桃.楊梅.龍眼.荔枝.桔.最多蕃鬼荔枝,好好 ...

我以前有個鄰居都係咁，打招呼冇反應。
但我搬咗之後有朋友租咗我嗰個單位，竟然被佢破冰成功，鄰居被朋友感染到一齊在天台種植，仲不時一齊研究吓。
莫非其實係我個樣太凶悍嚇親人...

hugopoodle 發表於 2012-7-21 23:18
看來你已喜歡上現在的居住環境了
我記得剛搬進現在村屋的第一晚, 晚上靜得耳朵有嗚叫
然後聽到個雪櫃發出 ...

我的AV是種係花架度的，家中有人牠們是不會攪的，如家中沒有人的話佢地要入狗圍欄內，所以沒機會比佢地攪到。天台的花種係欄杆以外的位置也沒有機會比佢地攪到。佢地好鬼醒的！屋企有人時識扮乖！沒有人的時候便作反！所以一定要入狗圍欄內(即是天台那半個玻璃屋）。

hugopoodle  點解養狗反而要放棄住村屋呀?

唔係養狗而要放棄住村屋, 而係放棄花園, 放棄種野!
因為比D狗破壞晒! 唉!

lilycurry 發表於 2012-7-21 10:00
我很嚮往住村屋! 一直都計劃退休後搬離市區, 早陣子有去過錦田看村屋, 因為十多年前在那裡租田耕種, 也有去 ...

老公由出生後一直住在灣仔, 要他搬往別的地方也有一定難度.