琴日行山嗰陣, 見到 D 毛氈笞嘅棲息地, 因為修路工程而慘遭毒手, 十分難過!
冇錯, 修路工程都係因為要方便我哋行山作樂, 但修路者又有冇對因修路而破壞咗嘅大自然生態作出補償?
小弟因為上次同 REX 買咗好多種子, 而家己經發咗芽, 等佢哋大 D, 我會將多出嚟嘅小毛氈笞移植去嗰度,
真正做到 "回贈大自然" 同埋希望可以 "無心插柳柳成陰"!
小弟真係好希望, 移植後嘅下一年返去嗰陣, 可以見到遍野毛氈笞, 大家想吓, 呢種喜悅會比自家種植更大!
個人力量有限, 各位仁兄仁姊如有多餘嘅種子或小苗作捐贈大自然嘅話, 可以 PM 小弟代勞, 任務完成後小弟會 POST D 相喺度比返大家睇!
上述毛氈笞嘅棲息地需保密, 以免生態因濫採而受到進一步嘅破壞! 不便之處, 敬請原諒! |