弊喇~做錯咩呀?

今日發現有兩棵岩桐變o左o甘樣既? 係咪我做錯左咩呀?
我未種過岩桐架~究竟應該點種呀?要注意D乜呀?仲有無得救呀?我唔想佢地"屎"呀!

[ 本帖最後由 maywong918 於 2008-4-12 22:50 編輯 ]

原帖由 maywong918 於 2008-4-12 14:26 發表
今日發現豆豆俾既岩桐變o左o甘樣既? 係咪我做錯左咩呀?
我未種過岩桐架~究竟應該點種呀?要注意D乜呀?仲有無得救呀?我唔想佢地"屎"呀!(豆豆,對唔住呀! ) ...

點解我好似見都有個盍 盍住佢既 會唔會太焗 你先將啡的葉子丟去 之後挖出來消毒 泥土全換掉
有錯的話 請大大們指教

[ 本帖最後由 哈貓兒 於 2008-4-12 15:19 編輯 ]

第二幅圖不太清楚，是否中間心爛？

原帖由 哈貓兒 於 2008-4-12 15:00 發表

點解我好似見都有個盍 盍住佢既 會唔會太焗 你先將啡的葉子丟去 之後挖出來消毒 泥土全換掉
有錯的話 請大大們指教

我之前無蓋架,係見到葉軟左先放入去咋!(因為大果棵無根架)
啡左果棵有根但細D同有几個頭,我本來仲打算要唔要分苗添~

原帖由 小花朵 於 2008-4-12 15:23 發表
第二幅圖不太清楚，是否中間心爛？

對焦唔好 應該係爛心,我見嚮中間枯開來,外圍D葉仲係綠色~

第二盆如果係爛心就好難救，好似幾嚴重，似病菌侵害。挖出來睇下，如有原好的葉就快些剪出來徹底消毒後葉插，只因病菌會蔓延得很快。

如救不了，不要太傷心 ，就當一個經驗 。我也試過這種情況，我的是從爛則牙蔓延下去。

第一盆如沒有爛葉也要小心照顧。

原帖由 maywong918 於 2008-4-12 04:43 PM 發表
我之前無蓋架,係見到葉軟左先放入去咋!(因為大果棵無根架)
啡左果棵有根但細D同有几個頭,我本來仲打算要唔要分苗添~

第 1 張 - 如果冇根, 用水浸到出左根先落盆, 會保險 d 丫~
第 2 張 - 睇吓個球根有冇事先, 如果冇事, 盡快除去枯葉, 等佢出過新苗好過啦~
         仲有, 你 d 泥係咪有菌呀, 見你 d 枯葉好似有發毛跡象, 如果唔係就最好啦~

唔該晒几位~! 我試下先!
d 泥係咪有菌呀?我都唔知呀~其實我想問下用咩泥好D呀?
冇根係咪一定用水浸呀?用泥或珠石得唔得架?
thanks x1000

d泥會唔會唔夠通風, 吽毛呢?花寶d三合一泥几好, 就近惠記個d都可以, 不過就一定要加珠石疏水, 我又唔覺冇根一定要浸水, 用珠石都可以浸根, 但我有根冇根都係用泥, 不過要注意唔好比d葉"點"到d泥, 我地d意見你參考住先, 等物主見到你個post, 佢會最清楚情況.

原帖由 maywong918 於 2008-4-12 05:55 PM 發表
唔該晒几位~! 我試下先!
d 泥係咪有菌呀?我都唔知呀~其實我想問下用咩泥好D呀?
冇根係咪一定用水浸呀?用泥或珠石得唔得架?
thanks x1000

用水, 用珠石都冇問題, 你可以當作種植經驗, 因每人既種植環境都唔同, 可搵出一個適合你既方法~
但岩桐比起 av 黎講, 已經叫粗生架喇喎~

用泥, 我試過向唔通風既情況下, 植珠既莖部 "up" 爛左, 這只是我個人經驗.
不過, 又有其他花友既成功個案, so, 凡事冇絕對既~
我只係講用水浸出根會保險 d 啫~

ps. 大岩桐,迷岩 與 超迷岩對濕度既要求不同, 超迷岩對濕度既要求高很多哦~

哎.......原來咁大件事 不過唔緊要啦(救唔返)我家2棵都無事.泥唔可以太濕见干先淋水.我D泥係花宝買架.如果救唔返紫花嘅我再俾個球根你種呀.真係無意思令你担心啦 我都係新手其它問題都係等有經驗嘅朋友答啦

睇來係我既方法有問題~ 我而家正努力嘗試救返棵花~
thanks!