"養鬼仔"系點樣呢??

有冇人知道"養鬼仔"系點樣架??
我條巷呢,有一家人由搬入來嘅第一日門口就日日擺住2支礦泉水,1支可樂喺門外側邊~
大概1個星期前就加咗個香砵(有裝香),然後仲有2盒類似糖同朱古力嘅嘢呢~~
我次次行過都有D心驚驚 (可能系我自己心有C )
有冇人知道系咩黎呀?

乜講鬼故你都o岩ga?

娜娜子講到好似 d 恐怖片咁.... btw... 夜返你小心 d 呀!!!!

唔洗理個d 東西, 你行過時咪睬佢亦唔洗驚, 伸直條腰闊步行, 乜鬼都驚左你啦~


*(改左喇~)

我唔識養鬼仔...不過睇雜誌..養鬼仔唔係係屋裡面養咩...D野食都見到係同D像度一齊架喎...
我反而覺得你係自己嚇自己...

就算佢真係養鬼仔...你咪當隣居既小朋友囉...
自己行得正企得正..唔洗驚架...



你令我諗起一件事.....

我媽咪之前中左風....
中風前佢就好神經質話對面門口既鄰居攪神攪鬼...
將門口土地用紅紙包實左...又成日播埋D機機瓜瓜既歌，好煩..(其實係佛經)

話人地有心整佢...每次行到門口就好火滾...
於是佢又掛三叉又八掛邪番佢...

中風既前一日，人地又播佛經....佢就係屋企鬼咁火滾...
個晚就有少少暈第二日就打電話比我話半邊身無力...

後來...我問一個學風水既朋友...
佢話估計係人地屋企有人死左...所以包住土地..等屋企人可以番到屋企...


聽完朋友講..我覺得自己媽咪先似妖魔鬼怪....人家播佛經佢咁頂唔順...
真係好似電神上D妖怪既反應咁呀....

cklife 發表於 2012-6-26 09:17
我唔識養鬼仔...不過睇雜誌..養鬼仔唔係係屋裡面養咩...D野食都見到係同D像度一齊架喎...
我反而覺得你係 ...

好耐以前我祖父母及外祖父母去世後, 屋企要即刻用紅紙封實土地, 祖先神枱, 觀音像......等, 當時我又唔知點解, 而家至知原來係要俾親人回來

平生不作虧心事 夜半敲門也不驚

唔洗驚~ 佢又唔識你, 就算真係有古怪, 都唔會攪你.
可能佢擺個'旺丁旺財陣'呢!

早兩年去睇樓，一出lift見目標單位隔離門口點咗好多蠟燭，掛咗好多圖案。入屋後望番呢個單位黑漆漆點住蠟燭，我地即刻走人唔睇。
後來地產話嗰個單位住咗家印巴人仕，係慶祝緊家鄉節日喎。

claudiatang  那你會否覺得走寶？如果個單位價錢合理、交通方便、靠山面海....XD  發表於 14 分鐘前

呢間唔會。
不過另外一間個景觀真係唔錯，但睇樓時見屋入面好多木刻佛像同中式木傢俱，老婆覺得唔自在，都放棄咗。

點解娜子覺得係養鬼仔呢, 唔通真係好似雜誌講咁好多人都有養

有次去食麵，有個男人坐落對面位，叫左碗麵，叫多個碗仔，夾左d麵落去，放多對筷子係枱面，初頭以為佢等人，但係一路都冇人黎，之後仲埋單走人。我估佢係養鬼仔，搞到我成餐都坐得唔舒服。之前睇報紙都話而家多左人養鬼仔，好得人驚。

我都有諗過養番幾個鬼仔

曖娜娜子  katie,我好怕會見到D“朋友仔”架~ 好細膽~><'''

你見過?

古曼燙 = 鬼仔<有鬼妹>。。有 "牌"及 "像"，帶"牌"出街、食o野時當然要多雙 筷 啦！

等我下次霸枱，都拿幾隻碗仔，每碗夾少少麵少少湯，淋走先食曬去，咪唔同人迫啦！哈！哈！哈！哈！

相傳：土地公公鍾意食甜 (姐)，泰式土地"就會放 甜水，不用怕，可能那家人做 "生意" or "泰藉"吧！放梳蕉及刀仔插薑就不好了

其實行過個時又唔駛一定要申直腰咁大步走既,
如果人地係開住門既,
我反而覺得就好應該做返平時既自己行得自然就可以喇
而起行緊既同時就乜都唔好諗有關個一間屋既所有事
(總之就收起晒你對個家人屋內對你既好其心)
首先慢慢諗清楚開門同柵門步驟直到你安全入屋
謹慎起見既話可以入屋後10mins 內就盡量去做一啲
平時你自己入屋想做既野,如果你對個一間屋有疑慮
都得10mins 後先在冷靜地慢慢同人講

靈體依樣野好特別可以同人交感知道你既諗法
你住起佢既隔離隨時有注意到你既可能
就好似隔離鄰社,每個人都有佢既八掛既一面
鬼都唔例外.....

本身有宗教信仰既就要留意,
唔好本身冇帶佛牌或十字架既就唔好突然帶上身
如果人地注意到就會對你起疑心甚至會有反效果
如果真係要帶都最好收埋黎帶(唔好變左人嚇鬼)

如果依我現在跟隣居既狀態..(算幾友好)
我會搵個隣居閒聊，跟住問佢門口放依D野，係乜原因...
我係會開心見成咁問架....自己估估下...自己嚇自己，無病嚇出病黎...

我冇做虧心事呀，但都好怕呀X2
細個時，嫲嫲唔係同我地住，但係都要响我地屋但擺神台，攪到我夜晚去小便都超驚，紅卜卜，成日形住有隻野坐神台食緊野
後來媽咪同嫲嫲炒大鑊，成張神台產走左，我幾開心，