大岩桐葉變黃起斑點, 是否病了

剛開完花且重有小花冧生長中, 是否剪掉發黃的葉子就得, 請高手指教, Thanks

那些是老葉，早剪有益
但你的環境似乎唔夠光啵，
而且施肥不足，有點瘦弱 ~~
另，碟底是否經常有水？經常太濕很易爛球gar

今日陰天o者,  我知唔夠肥啦, 已增加胣肥次數啦, 同埋棵花由出第一塊葉到依家只係幾個月, 但見到D葉已經唔多, 真係唔捨得再剪佢呀, 另個度係電腦房黎, 24小時開冷氣的, 所以都好乾燥的, 淋完花後碟底D水半日左右就抽乾晒架啦, 多謝你既提議

powergun 發表於 2012-6-21 21:00
今日陰天o者,  我知唔夠肥啦, 已增加胣肥次數啦, 同埋棵花由出第一塊葉到依家只係幾個月, 但見到D葉已經唔 ...

之前我媽咪果棵大岩桐都係咁...... 佢果度又係唔夠光~
我教佢先落葉肥，施左幾次葉肥，d葉變翻深綠色，無再變黃~
之後見佢棵大岩桐種到咁上下大，轉施花肥，
而家起緊幾個花苞喇~

下面二塊黃葉應該是老葉，但葉唔夠綠，唔生葉芽，主要是唔夠光。
大岩桐係要有少少直接陽光曬下，例如早晨一陣陽光。
試下曬下佢，每日比佢曬一陣，一星期左右應該見到改善。

而比少少葉肥，都有幫助。
你多久沒換泥？
如果已一年無換過，換泥吧！
係盆底加幾粒魔肥做基肥。

多謝各位大大指正, 黃葉已剪走, 這些花己放在窗邊, 應該是全公司最光猛的地方了, 如天晴的話, 下午短暫時間有陽光直接照到的, 如圖所示, 佢係有新芽的, 且剛開了一朵花, 泥只是用了半年左右, 應該未需要換住的, 講真花肥真的很難揀, 唔知用邊隻好

反而隔離的那盤, 剛開了兩朵花, 現又有兩三個冧了, 但佢部份葉竟然好似個兜咁, 唔係平的, 唔知欠了乜野養份呢?

powergun 發表於 2012-6-22 10:59
反而隔離的那盤, 剛開了兩朵花, 現又有兩三個冧了, 但佢部份葉竟然好似個兜咁, 唔係平的, 唔知欠了乜野養份 ...

新長出既葉有時會咁咖~ 等多一排會自己平翻~
但如果無改善，相信係空氣濕度唔夠~

tsoiyiu1009 發表於 2012-6-22 12:32
新長出既葉有時會咁咖~ 等多一排會自己平翻~
但如果無改善，相信係空氣濕度唔夠~ ...

原來係濕度唔夠呀, 哈哈, 明白了, 咁就係正常啦, 因為係電腦Server房, 24小時開冷氣的,  溫度長期保持 19~22 度之間的
我都有用花寶4號的, 紫色粉狀的

一星期淋一次會唔會太多呀? 我半個月至淋一次咋