薄荷葉可是煲湯嗎?

今天在街市,市販說薄荷葉滾瘦肉,好飲又驅風,吳`另外想問薄荷葉可否揷植?

可以呀。
你滾瘦肉的，
應該是"香花菜"(羅勒 )。

係呀! 香花菜呀! 上個星期先系粉嶺一大班朋友去擇士多啤利和買新鮮即摘菜, 一人買了一扎薄荷葉, 然後一齊到沙頭角另一朋友到燒野食, 重用薄荷葉煲蛋花湯添! 其中一個朋友小時候常喝的湯! 唔錯, 好似飲香口膠咁! 當堂無哂燒野食o的熱氣!

嘩!!原來咁好,今晚煲薄荷蛋花湯試吓先,買了一大紮薄荷葉只是$5.
另外在基維百科網頁提供薄荷的作用如下--添加於調味品中，個別或混合其他香藥草泡茶，驅蟲殺跳蚤、提神解鬱、消除疲勞、鎮定安神、幫助睡眠、治感冒頭痛、疏風發汗、散熱解毒、健胃消腹脹、消炎止癢、防腐去腥、殺菌、清新空氣。據說餐後飲用能幫助消化及去除體內多餘的油脂。

有止痛、麻醉、退乳、消炎、抗菌、抗痙攣、收斂、利胃等效用。因具有刺激的特性，對於風濕痛、神經痛也有治療效果；另外亦適用於神經系統，具有調節與鎮定作用，也是良好的清血劑。

[ 本帖最後由 Anita 於 2008-4-10 16:39 編輯 ]

聽朋友講, 薄荷葉炒旦都好好食架!

薄荷葉肉片枸杞子湯﹕
材料﹕瘦肉100g、豆腐1小磚、雞蛋1個、薄荷葉25克、杞子少許
做法﹕瘦肉洗淨切片，加入調味(鼓油1/2茶匙、粟粉1/2茶)。豆腐  
            洗淨，切粒。雞蛋打散。薄荷葉洗淨。
            煲滾水後，放入肉、薄荷葉煮10分鐘，再放入豆腐粒，待湯
            再滾時，放入蛋汁，攪拌，即時熄火。加鹽調味，再放入已  
             洗淨杞子，即可飲用。
註﹕如果不吃豬肉，可用雞肉、魚片代替。
你可以試試﹗幾好飲。

市面售賣食用的多是綠薄荷,白箭的味道
找幾條老身的又附帶頂芽的,插水便生根

飲完薄荷蛋花湯,覺得條"利"有d麻痺感,似白箭味.可能薄荷葉太多

[ 本帖最後由 Anita 於 2008-4-11 23:42 編輯 ]

薄荷葉好"鞋",唔係好好食,淨飲湯

多謝Nuage我會試吓煲

當然可以啦

我試過薄荷葉炒蛋, 都幾好味, 不過我媽咪話d味好怪

網友教的香草薄餅和蔥油餅, 好好味!(香草只有薄荷葉, 迷蝶香) 值得一試!

切碎加蛋搞埋煎然後加水煮，真係好好味，比蛋花湯好飲好多！

我媽都係煮豬好好食...我媽用超級多薄荷葉...無話鞋脷喎..佢落薄荷多到蛋差D包唔晒架。

將瘦肉切片，加調味料醃下佢。
薄荷葉洗淨切碎，備用。
蛋打爛加少許鹽調味..
燒熱油鑊，下蛋將蛋弄得面樍大一些，灑下碎薄荷葉於蛋上，收至中火(以免燒蕉)
用鑊鏟將蛋翻起，像荷包蛋一樣，包著薄荷葉，包好後翻面，將蛋撥至鑊邊。
將豬肉放入鑊中，翻炒至熟，加入上湯或開水，煮至豬肉出味，加鹽調味即成。

我媽中意煮好後，用大湯碗裝半湯碗飯，跟住將湯連肉連蛋倒入湯碗，做成湯飯黎食。
夏天食會覺得幾舒服架...

感覺上, mint 較有甜品小食feel. 我多用黎沖
玫瑰花, 薄荷, 再加蜜糖水

是由頂葉摘起嗎？