小家超市

超市每日棄置大量新鮮食品, 麵包淋水, 蔬菜噴漂白水, 不讓拾荒者執食物. 行為真係超級老土.
佢地解釋怕會影響生意, 唔捐俾社福機構.  
去得超市買菜,通常都係冇時間行街市,仲邊個咁得閒等執垃圾? 超市真係諗多左.

電視日日播慳得一蚊得一蚊, 蔬菜條碼保證. 嘥錢賣廣告,不如慳返D廣告費, 減價實際得多.
企業形象與其搵明星代言人, 點解唔將每日棄置既食物捐贈窮困家庭?



改變超市
http://hkgreen.mysinablog.com/in ... p;articleId=3576086

我附近有間茶餐廳，每日下午6點後麵包大減價，好似係1蚊個，好多長者到時到候排隊。雖然唔係免費，但都好有良心，帮到唔少人，又唔浪費。

我屋企樓下間惠X, 晚上8點後啲新鮮食品都會特價發售。
原價$30+嘅士多啤梨, 最平減到去$15; 一盒藍莓最平試過賣$2。
唔知係咪多咗好多知"訂"嘅人, 所以佢減得少咗。

唔要都唔比人,算死草

菜妹  我上年係apm吉x島見過壽司一盒減$0.5, 睇到個價錢開頭以為自己搞錯. 唔食都好奇問下係咪睇錯, 點知真係減幾毫.  發表於 昨天 13:37
***************************************************************************************************************************
係呀, 有時佢地啲markdown價呃人架。
我見過尖沙咀某百X有啲Markdown價同正價冇乜分別。又見惠X同系較高檔次果間, 佢貼咗個Markdown價錢貼響啲盒庄水果 (e.g.士多啤梨), 但係其實份量係俾正價果啲小, 我估佢地係"瀝"走啲爛士多啤梨, 然後按比例減翻俾你, 並非真係大幅減價賣俾你。

我家係舊式30年屋村, 多窮人居住, 樓下獨市W公司, 入埋晒D貴價澳洲空運肉, 新鮮擺度過晒期都無人買, 變晒黑色仲要攞出來扮特價,

如果佢肯新鮮個陣調低價格, 就會可能有人買~

真係好浪費食物~

我記得都幾耐下之前...雜誌報導...

有一D人執超市掉出黎既菜同肉仲有麵包..擺地攤賣....
影相出黎包部份包裝仲有超市既名...
話D人執過期野黎賣..會影響買果d人健康(買既好多係攞終緩或老人家)
仲話超市做乜唔管理好過期食品....

之後，有一個執開超市麵包食既終緩人士同我講...話無得再執麵包食喇...
(之前市超D呀姐...會借D  E  咁連包裝一齊掉出黎..定時定後等佢地執...依家無依支歌仔唱囉...