請救救我的紫草皂

前日打左一鍋紫草皂...其實都冇乜點打過，加入氫氧化鈉途中，皂液就直接T啦！ 我被秒殺 雖然我只有幾個月嘅皂齡，佢已經係我第九鍋皂皂，第一次遇上傳聞中嘅秒T，真係一秒





配方：紫草浸泡葡萄籽油 (浸左3個月) 270g   椰子油 90g   棕櫚油 90g   乳木果脂 50g  Naoh 67g   水 174g

再前日都打左一鍋鹽皂，用最平嘅海鹽，尋日開始出汗。咁我咪用試紙 test 吓紫草皂同鹽皂啲汗水，結果係鹽皂汗水係綠色，而紫草皂汗水係深紫色。請問係咪啲氫氧化鈉走番出黎呀？




我唔知點算   請問各位大大，我應唔應該蒸吓佢，定係而家挖佢出黎做再生皂？謝謝！

不要掉，做再生皂啦，更好用.
把皂刨絲，然後噴濕佢，用80度左右座溶。快手入模後放硬脫模，溶化後期間多攪拌。放2個星期左右已可用喇。

葡萄籽油太易壞了。
強烈建議不要用葡萄籽油打皂，非常不適合用來做浸泡油。
市售絕大部份葡萄籽油，包括食用油，都係溝油，和加入大量抗氧化劑／防腐，所以才不會那麼易壞。
因為唔知呢d不明添加物會 否閃T, 加上原本浸泡油就有速T 情況，所以建議不要用葡萄籽油打皂。

謝謝水母！ 這是我頭一次用葡萄籽油打皂，以後唔敢用啦！我開工做再生皂 lu！

To cklife：多謝你 ge 分享，咁下次皂皂出鹼水汗 (hehe，希望唔會啦！)，我會試下你嘅方法。

因為今次啲皂都冇乜真係打過，佢地已經走上再生之路，希望唔會太醜啦 頭先入模真係好論盡

尋日打左第一次自己做的皂
用 ck 的配方如下

中性用皂(Ins150)400 克油
棕櫚油       120克
椰子油       80克
橄欖油       200克
             (用左 150g 紫草橄欖油 , 50g EV 橄欖油)
氫氧化鈉    59克
水              136克

點知今日一打開就覺得好唔妥, 之前上堂打的第二日仲係軟軟的
我的皂變成灰色同好硬, 而且一切就碎晒
唔知係咩原因呢?


入皂時個樣



一天後的樣子

抱歉...唔知係咪因為我配方有問題...累你浪費左材料同心機...

可以比番你搵到配方條link我去改番嗎?
怕有其他人中招...

剛剛再用自己既試算表計番...
氫氧化鈉    42克
水              105克

但用依個網頁既計算表(http://www.soap-diy.com/Soap_Calculators.php)就同你今次打既份量差唔多

用以上網頁計出黎既數量如下︰
氫氧化鈉   58.9克
水              141克

============
我發覺我慣常用既試算表有D問題....多謝你話番比我知

joeybt007 發表於 2012-8-13 23:53
尋日打左第一次自己做的皂
用 ck 的配方如下

你攪拌期間有出現什麼問題嗎？皂液夠稠嗎？是否量錯份量？椰子油換了橄欖油的份量。
我有時都會失敗，但大多情形是好以鬆糕那樣散。而不是像你那樣脆。

另外，你一天就脫模和切？太快了吧？除了做家事皂要一天脫模和切之外，其它的都起碼一個星期才脫模，兩三個星期才切。

CK
唔好介意, 可能係我問題呢


prodorothyhkg
我用毛巾包住佢保溫咋, ok嗎？
等我今晚返去鎊下成品先
有600g重呀, 正唔正常呀?]

claudiatang
我打左大約45分鐘, 可以係上面寫字不會消失便入模了, 唔肯定是否不夠稠 (第一次自己打, 都幾蝦碌 )

油份量應該 OK, 我今晚返去鎊下成品

我不是想隔日便脫模, 只因攞出泥睇,覺得好硬, 唔對路先試切下佢, 點知 .....

咁唔知可唔可以做再生皂呢, 唔好嘥野嘛

咁加埋用壞左既葡萄籽油打的液體皂, 就有好多家事皂喇