救命！好大隻蟲，仲一日捉左三隻，好驚！

今日放工返屋企，一開門著燈就有一隻全黑色既蟲飛過.
未定神,就見門上有一隻似曱由既蟲,全身黑,有明顯既頭胸腹,身型似蜜蜂,長觸角,長腳,成3厘米左右長.
但隻蟲走得唔快,我用個盒仔捉左.
過一陣,又見一隻係牆上,好似仲大少少.
我又再捉了.
剛才預備去睡,又見一隻係窗簾上,今次仲飛架!
同一晚見三隻同樣既蟲,好驚!
蟲蟲係邊度黎架?咁大隻蟲點入屋?我窗口有蚊網架!
有無人知呢種係咩野蟲?

老公問我是否新買的非洲紫羅蘭帶來,但我有換泥洗過植株.

我宜家有點陰影,每攞一件野都怕有蟲飛出黎,仲有點怕係花盆度有野衝出黎.
點算好?

有無相?係咪抽氣扇位飛入屋呀?

抽氣扇係廁所,我平時唔會開住度門.
我係好驚架,隻蟲咁大.
我只係敢用盒入住隻蟲,都唔敢整死隻蟲.
又怕隻蟲走甩,顧得隻蟲又攞唔到相機,手機又無電.
我最驚蟲係某處吽出黎咋!

應該是「天牛」長身長腳。
沒有毒，不過吃好多植物。

好似係天牛呀！
同事話佢返屋企經過果條走廊都好多，佢露台都有好多隻。
可能真係因為我無關上抽氣扇個活門又開左燈，引左入屋，再係廁所門邊閃左入黎。

原來很天牛 我仲諗緊係米臭蟲 前幾日屋企都有幾隻

HELP~最驚曱由,你話似"曱由"...仲形容到X

咩蟲我都唔係好驚，但 曱由 就.....毛管豎起晒

頭先老公係廚房煎蛋，仲有隻細少少既飛左落隻蛋度，熟左。
應該係天牛，無毒卦，佢唔要有隻蟲果部份既蛋，繼續食。
但我聽到就覺得有點核突。

chingyi724 發表於 2012-5-17 20:27
原來很天牛 我仲諗緊係米臭蟲 前幾日屋企都有幾隻

最近好多蟲呀，好得人驚

SSCP 發表於 2012-5-17 20:32
HELP~最驚曱由,你話似"曱由"...仲形容到X

起初同事老公話係山甴曱，因為佢早二日係屋企都捉到一隻。但我睇過相，又唔似。

Juna 發表於 2012-5-17 21:28
咩蟲我都唔係好驚，但 曱由 就.....毛管豎起晒

我都好驚，又唔敢拍死佢。果時老公未放工返黎，唯有用個膠盒cup住隻蟲，用膠紙貼著盒邊，等隻蟲出唔到黎。

我屋企呢排都有突然有曱甴,大種同細種既都有。
係o係大廈外牆把入黎既
好死唔死前晚我訓果時無蓋被
竟然爬我隻腳
之後我大叫,佢逃脫
我依家都唔敢返房訓。
第二日即刻買左"大餐"俾佢地食,希望有效啦

小孩子 發表於 2012-5-18 02:58
我屋企呢排都有突然有曱甴,大種同細種既都有。
係o係大廈外牆把入黎既
好死唔死前晚我訓果時無蓋被

我都驚架，只係天氣差，蟲害嚴重，無法子咋！
呢二晚都瞓得唔好。
我唔想用藥，我怕會對我幾隻小動物有害。
唯有小心一點，見蟲就捉。

哦，咁都好棘手。
好彩我依家無養小動物，點殺都得。
希望大家屋企都唔再有蟲蟲出現啦