買麵包要按吓佢先得!!!

昨日一踏入麵包店就見到2個穿校服約9-10歲男女正在選購麵包, 唔望仲好一望不得了, 我見個女童用3隻手指大力按壓個麵包   當時俾我一眼望到真係好驚嚇就同佢講 嘩!  邊個教你咁樣做?  你咁掂過你自己要咗佢  個女仔聽見我咁講就呆咁張開口望住我但冇講野, 呢個時候店員就過嚟問妹妹你係咪想要呢個, 之後就幫佢夾個麵包上盤上俾錢走人.

個女仔俾我一問可能真係嚇親, 但同時間我至係俾佢驚嚇嗰個, 我真係世估唔到呢個時勢有呢個年紀嘅人會用手去測試個包新鮮度.  最重要係見佢唔係驚怯怯咁去做, 佢真係(((大大力咁按壓個麵包)))

請容我响呢到發洩吓個情緒, 由我見到一刻困擾到宜家個晝面仲纏繞不散, 真係好慘

可能佢平時見到阿媽咁做, 咪有樣學樣囉. 所以話身教好緊要.

個店員又幾醒, give her five

我見到個d係亞伯同亞毛

呢D道德教育要持之有恆咁做, 幾歲教到幾十歲. 好在有你咁正義咁點醒佢, 讚讚讚讚讚讚讚讚讚讚

你做得對﹗
總之見到孩子有不當行為就要當面糾正。如果做父母的敢偏幫就連父母都一起教育。
上樑不正下樑歪。

claudiatang 發表於 2012-5-10 13:18
你做得對﹗
總之見到孩子有不當行為就要當面糾正。如果做父母的敢偏幫就連父母都一起教育。
上樑 ...

阿爸有次坐熱狗巴, 前面細佬將手伸出窗外, 阿爸同細佬講危險.  點知坐細佬隔鄰的媽媽, 大聲向阿爸話: "關你嘜事, 唔駛你替我教仔". 跟住全程都由得個細佬伸手出外.

對住嚟啲人, 真係頂到在心口

我每朝早上搭巴士。同一巴士站有三輛巴士，有一輛特別多學生的。有兩姐弟(小學生模樣)，弟弟每次見到巴士來都衝到馬路邊截巴士。同一時間都有其它同學仔，有些有媽咪帶著。這兩姐弟的媽咪有時都會送她們上巴士。有一天弟弟又衝出馬路。其中一位媽咪(A)就大聲叫危險呀﹗然後就好心的跟弟弟說巴士會等的不用心急。到有一天，姐弟的媽咪(B)同她們一起出現，A媽咪就同B媽咪說你家細佬怎樣怎樣截巴士...B媽咪滿面不耐煩的、沒有眼神接觸的說知道啦知道啦....心裡怪對方多管閒事的樣子。看官們...若出了事怎麼辦？禮貌上都要向對方說聲多謝什麼的然後再責罵自己孩子不聽話。是嗎？她那副嘴臉...弄到對方很尷尬。以後那孩子再做些 什麼危險行為都不會有人出口勸阻了。

claudiatang 發表於 2012-5-10 14:40
我每朝早上搭巴士。同一巴士站有三輛巴士，有一輛特別多學生的。有兩姐弟(小學生模樣)，弟弟每次見到巴士來 ...

唉, 我的看法是: 只要自己盡了力講過佢知, 就算了. 萬一發生意外, 也過到自己的良心. 對方領不領情, 不是自己可以控制的.

細路係手多多o家啦
又鍾意<襟>野, 過馬路要<襟>, 行過銀行要<襟>, 搭笠又要<襟>

雖然佢地未必領情, 但你都做得對, 等佢地知道做錯, 改唔改就佢地事啦.

最good係店員, 搞掂晒~
等佢自食其包

Springonions 發表於 2012-5-10 14:15
阿爸有次坐熱狗巴, 前面細佬將手伸出窗外, 阿爸同細佬講危險.  點知坐細佬隔鄰的媽媽, 大聲向阿爸話: "關 ...

又令我想起往事....

係一次家庭聚會中，親戚既細路(小學生)，含住一啖咬過既飯講野，個樣好核突....
咁我就同佢講:[亞B，含住飯唔好講野啦...吞左啖飯先講。]
跟住細路既老豆，就答口︰[咁你地唔好講野引佢囉，你地又講。]
嘩....過年過節大棚人食飯，大人傾計，你個細路八八掛要搭口。人地唔直接話你無家教，你仲要話D大人唔就你個細路...你真係害死個仔。


跟住我從此以後就唔再教佢既兩個細路...(係果堆人中，出名係細路都怕我，我又有時間，佢地中意拎細路黎比我教，同埋幫下工課咁。)


到下一次聚會食飯時，唔記得左咩事(好似又係有人話佢細路D唔知咩)，忽然就聽到個細路既媽咪同老公講，你咁做害死個仔。

真係...唔好愛你變成害你呀...

claudiatang 發表於 2012-5-10 13:18
你做得對﹗
總之見到孩子有不當行為就要當面糾正。如果做父母的敢偏幫就連父母都一起教育。
上樑 ...

除左行為表面既野，應該詳細D教下背後既道德，同做人既道理囉...

依家D父母就就係，細路細細個時唔夠長氣，成日話D細路多野問煩...
到大左想教，想講都無機會...

回覆︰[jellyfishy  我都見過朋友太就自己個 b, 我試過忍唔到口, 提朋友咁做會害左佢~]

記得學精油時，個導師係德國鬼婆，係德國做左好多年兒科護士。
有家長問佢，話細路攪到佢地好慘，唔抱住細路訓唔到，攪到兩公婆睡眠不足...

個導師就好婉轉咁解釋...其實由得細路喊對細路好好架...
因為果個年紀，其實個肺發育緊，喊下可以增強肺既緞練，將來呼吸系統會強壯D，少好多毛病。

但依家D家長，邊捨得由得佢喊丫...尤其生一個果D



我記得，聽朋友講過..(佢做鐘點清潔既)
佢話請佢既女主人，生仔時請左個陪月，陪完月就繼續請倍月湊B...
出院前就用滴露全屋消毒，BB入屋後又日日全屋消毒...

但佢個B好細個人仔，就出嚴重濕疹，女主人就去買好貴既野比佢搽同沖涼。
但個B就一直無好轉....

之後我朋友忍唔住，就同佢講，叫佢唔好再用消毒藥水，用少D化學野。
仲教佢用椰子油幫BB護膚...

不過...個女主人都係信名牌囉....要洗好多錢先覺得係錫個B...
而且，覺得濕疹係病..一定要搽藥..

cklife 發表於 2012-5-16 09:38
除左行為表面既野，應該詳細D教下背後既道德，同做人既道理囉...

依家D父母就就係，細路細細個時唔夠長 ...

其實現在的父母不是不放時間在子女身上, 考試測驗時, 阿媽就放假, 在家睇住子女温書, 周末就陪子女全日直落去學彈琴, 畫畫,跳舞.......但就是没有時間和子女傾計, 教他們做人的道理.

回覆︰[Springonions  好采佢都仲有一個識諗的阿媽.]

依個亞媽好難做架...同奶奶住，個仔唔到佢教。
但其實佢個仔係好叻仔，求知慾好強。細細個同大人傾計既內容己經好深....聽到D大人O晒嘴。

可惜老豆同嫲嫲又鍚佢，錫到佢無晒自顧能力，一唔如意就淨係識喊。

食飯唔永遠唔洗夾送，個碗己經堆到爬唔到飯。(所以佢用筷子好差)
食唔落飯嫲嫲就搣橙放係佢碗比佢送飯。

係嫲嫲心目中，佢永遠都係BB仔....個細路細細個，就己經講，第日搵到錢要養嫲嫲，要送禮物比嫲嫲。永遠無提媽咪。

但個媽咪都幾勁....後來上中學時，爭取到將個仔放係大陸寄宿學校....

個仔梗係唔同晒樣啦...依家己經出黎社會做事囉...成日中港兩邊走...

回覆︰[jellyfishy  入大陸寄宿學校, 一Q清袋, 從新學習~ 佢媽媽好有遠見~]

真係好有遠見...因為佢地家境唔係好富貴...
一早就講唔會好似人地咁，送個仔去浸咸水....

但知道好多人上左大陸搵食(佢老公係中港司機)，諗住送個仔上去，適應左先...
第日搵食方便D...

Forgive her la~  有時(可能)身教就係會有呢D negative result, 當係一種技能: OK!  作為一種習慣: No way~