Purple之假日小農夫 * 父親節update啦:茄子& 木瓜 & 潺菜 ^^

自從同老公抽過一次社區園圃之後，發覺真係好鍾意種菜菜子。

不過５呎Ｘ５呎真係不敷應用，所以決定去搵一塊真正既農地～～～～（同埋唔想再等抽籤啦 ）

好在新界有親戚，所以就成為左假日農丁。哈哈。

雖然遠就遠Ｄ，一星期去唔到好多次，不過鄉郊太陽雨水空氣乜都正，次次去都有好多收成～～好滿足呀～～



豆角～～玉豆真係我既至愛～～





呢一輪開勁多花既茄子～～

兩大袋生菜







紅莧菜~~
煲湯好味，好滑，而且仲利尿去濕補血～～
叫阿媽成日煲先得！





***
青蛙媽媽 & 20
係呀~~
紅莧仲可以防中暑添
我地去完耕田最ARM飲啦~~
20你有濕疹乎?

自己搵到地方實在太幸福喇。
我d茄子苗早排大雨淋死哂要再培過一批，見你咁多收成真係恨死人。

茄子好肥美, 自己田, 自由自在, 無多多限制, 種得開心~

有地種真好.

我天臺種嘢無咁 lang.

post返早輪d相先~~

開田日，農友伯伯送左幾條白蘿蔔畀我同老公
真係又感動又開心～～～
白蘿蔔既甜味真係令我甜左好耐呢！




o係社區園圃紅唔到既蕃茄，搬屋之後都要成1個月先紅
雖然佢地真係好酸，不過有好香好香既蕃茄味～～

上星期收成:
一袋長豆角
兩條茄子
一袋紅莧








第一次種長豆角，唔知幾時摘先好
有好多都太老了


1條茄子整左呢個3寶
對於我呢個無飯主婦, 我畀自己80分架喇嘻嘻




-------------------------------------------------------------------------------------

20, 咁多謝你先 哈哈
mo, 我d豆角好老呀, 唔敢post上黎, 失禮晒
      老公影左好多張, 最後揀幾張見得下人~~

6月終於有時間去探下我d寶貝啦

最開心係木瓜終於得左，有左兩個bb
因為木瓜樹係朋友送，大家一直都唔知佢係仔定女.......
之前果幾個月一直都係落果，我都死左心以為佢係男人...
仲恐嚇paul木瓜 「你再唔結果我就殺左你架喇」
點知真係work喎，哈哈　


再黎就係呢棵多仔茄子～
arm arm今日幫佢飛左個靚髮呀
如果唔剪d葉，茄子d果果真係un好多～



之前５月既收成呀！（豆角已玩完………默哀……: ）



仲有最新成員，種子包裝叫木耳菜，
但睇個樣似係潺菜~~
都生得幾慢下，一個星期冇見，多左兩塊葉．．．


==================================================================
係呀小寶~~我都係今日先知

sylvia，呢造豆角其實我都食左幾轉，不過自從天氣熱左之後呢，
唔知點解豆角多左好多好多好多黑色飛蛾（我估）
可以成條豆角畀佢地霸佔晒，變左做黑色…………
好恐怖！！！我完全唔敢再摘！
同埋見ｄ豆角葉開始黃，我都無心戀戰啦……

茄子仲有排收，好抵種

好叻呀﹗原來茄子可咁多產，發達喇﹗今日我都有一個茄子開花，仲見好多花蕾添呀﹗
想問問，你的茄子無苙袋架？
我都有種潺菜，同你相中的差不多大，但今日有個街坊婆婆話我知，原來潺菜要好多空間的，佢話大約要種多半個月到先收，一棵潺菜大約要一棵潺菜嘅位，我用大發泡膠箱種，一箱只種咗五棵，婆婆話其實種四棵會好d，太迫~

purplelove  最緊要我真係好鍾意食魚香茄子 >3< 我包種子話可以種到12月! 唔知係咪真既~~  發表於 28 秒前

真，我舊年都收到12月初。
本來可以試試過冬之後今年可唔可以再結瓜，但因為已經相當大棵，地又有限，都係放棄咗。
如果你塊田夠大，可以試試

羅孖媽 發表於 2012-6-6 22:54
好叻呀﹗原來茄子可咁多產，發達喇﹗今日我都有一個茄子開花，仲見好多花蕾添呀﹗
想問問，你的茄子無苙袋 ...

請教吓你比咩肥佢？我唔太識，咩都比d，想知今天開花嘅茄子應加咩肥會好d呢~

成個星期冇見~~茄子又有得收啦!
魚肥同鳥肥似乎都好岩佢啵
一於今日送畀老爺啦~~ wakaka~






木瓜大左少少，最開心係見到有第２個bb出世啦
大呢個要笠袋啦，唔係渣都冇呀！




苦瓜就弱ｄ，不過我知佢會繼續努力既！

purplelove 發表於 2012-6-17 11:50
成個星期冇見~~茄子又有得收啦!
魚肥同鳥肥似乎都好岩佢啵
一於今日送畀老爺啦~~ wakaka~

請問木瓜幾歲？