响花園舖環保地板一問

有d舖地板既問題想請教吓大家~

話說屋企個花園成日生雜草, 自己又懶打理, honey又想保留d草地, 上網搵咗d資料又問吓d朋友意見, 最後決定自己舖環保地板 (見下圖).


經過努力, 我已經响花園舖晒d環保地板, 我既做法係~
清除雜草 -> 盡量整平個泥地 -> 防草膠布 -> 地板

舖完出嚟效果同想像中差不多 (以咩都唔識嚟講已經唔錯), 但整體舖得唔係好平, 個地有d高低情況出現 (但唔嚴重), 我估係泥地本身比較濕, 加上個人行上去令地板受壓, 所以出現高低情況.

想問吓有無花友知道, 用d咩比較簡單既方法可以令到舖出嚟個地平d呢??
我暫時諗到用平水呎幫手, 但如果大家有咩意見請講我知, 等我參考參考, 謝謝.

How much of each piece of 環保地板 ?

greengreen 發表於 2012-5-7 13:16
How much of each piece of 環保地板 ?

$25一塊 (1呎x1呎), 响旺角康樂街買既 (果頭有唔少呢d舖頭), 但我買果隻款有d唔同.

見到的建築工人在行人路上舖環保磚，倒大量沙在地上，再用一條長木方在上面刮平的沙，跟著放晒的磚上去拍打吓就搞定，希望幫到你。

dick168 發表於 2012-5-7 15:51
見到的建築工人在行人路上舖環保磚，倒大量沙在地上，再用一條長木方在上面刮平的沙，跟著放晒的磚上去拍打 ...

多謝你既回覆.

你講既做法我都見過, d工人係先用沙舖好塊地 -> 之後用木條掃平 (木條上用平水呎量度) -> 再舖紅磚 (因為磚同磚之間有空隙, 所以最後會灑多層沙上面填補)

呢個做法我都有諗過, 如果係咁我塊泥地咪會變咗做沙地囉, 對日後種野有無影響呢? (因為其中一part我會留嚟種野) 定係用河沙就可以解決呢個問題? 如果有其他花友知道請告之.

你可以試試按以下方法：

1) 在規劃之草地與及木板地泥底之間的分界線掘坑並填以石屎或磚頭作為基仔。基仔藏入泥八吋並高出泥面兩吋

2) 爬平並拍實泥面。相信你沒有機器，因此只可以手腳並用

3) 待猛太陽晒幾天及反覆拍實泥面，最好實到你踏過而沒有腳印

4) 在泥面舖一層石屎或英泥沙約一至兩吋厚，跟手用木條拖好平水

5) 石屎或英泥沙凝固後舖上木地板

希望幫到你