求教紅龍點解會變青龍

今年2月左右買回來的時侯，仍是全株深紅色，但係時至目前，新長出的葉片卻明顯變青綠色，而我已經將整盆捕蠅草放於室外可以充份日曬雨淋的位置，長期用雨水去腰水種植，間中喂蚊，到底點解它會變青色呢！

你係邊到買?邊個教你用雨水?雨水唔好再用 用Distilled water 仲有自己加設光管人工照明

軒仔(3) 發表於 2012-5-5 22:22
你係邊到買?邊個教你用雨水?雨水唔好再用 用Distilled water 仲有自己加設光管人工照明 ...

當初我係觀塘買的，用雨水是因為我覺得同蒸餾水分別不大, 而且亦夠合乎經濟，因為唔需要用錢買水，日間時我屋企室內好高溫，所有植物都要搬到室外種植，按照道理有足夠陽光照射，應該可以比美光管架? 我真的唔知點種好啦!

hkl729 發表於 2012-5-5 22:34
當初我係觀塘買的，用雨水是因為我覺得同蒸餾水分別不大, 而且亦夠合乎經濟，因為唔需要用錢買水，日間時 ...

問題在於陽光會隨住時間變弱 但光管唔會 同埋陽光你覺得照到幾耐?夾嘅理想照明時間係大約16小時以上 夠唔夠照你自己唸啦   
你可以繼續用雨水 只係慢性自殺 呢樣野我唔阻得你!一係你屋企附近有冇體育館?果到會提供過瀘水?呢種都用得!

軒仔(3) 發表於 2012-5-5 22:52
問題在於陽光會隨住時間變弱 但光管唔會 同埋陽光你覺得照到幾耐?夾嘅理想照明時間係大約16小時以上 夠唔 ...

哦! 原來係咁，係咁我真係要著手解決燈光的問題為首要任務，另外體育館D水要唔要先經過PH值測試？謝謝您的詳細解答!

hkl729 發表於 2012-5-5 23:00
哦! 原來係咁，係咁我真係要著手解決燈光的問題為首要任務，另外體育館D水要唔要先經過PH值測試？謝謝您 ...

應該都唔洗 因為體育館啲水好少礦物質 有過濾過 好多花友屋企都有加裝過濾器 所以幾有保證

軒仔(3) 發表於 2012-5-5 23:05
應該都唔洗 因為體育館啲水好少礦物質 有過濾過 好多花友屋企都有加裝過濾器 所以幾有保證 ...

感謝您的快速回覆及建議，明天我要開始改變燈光照明及用水的習慣了!

原來用Distilled water最好,又學到了

講開又講, 其實夾仔原產地係咪真係有16個鐘日照架呢?

glico0401 發表於 2012-5-10 17:04
原來用Distilled water最好,又學到了

可以用雨水,最好貼近自然,我以前直頭用水煲水,冇乜特別,現在放濕機

哈哈哈 , 問得好

我就用美國出的活性炭濾芯,全屋均用.....每三個月左右更換,照樣用來俾食蟲植物完全O.K.

MarcoKei 發表於 2012-5-10 19:04
可以用雨水,最好貼近自然,我以前直頭用水煲水,冇乜特別,現在放濕機

我的食虫也是捕

首先一樣野..
閣下呢棵... 好大機會係紅色品種O既夾..
因為我有一棵係唔夠光照O既情況下都係咁樣..
只要光照足夠就會紅番.. 放心啦..

另外講一講題外話..
係一般種食蟲要留意O既野..
若果係水有問題..
棵野一早就會黑左.. 死鬼埋.. 仲會未必出到新葉..
(尤其係.. 堇.. 至於捕蠅草.. 會慢慢爛入去.. 最後心都爛埋.. )

第二樣野..
紅唔紅.. 係關植株基因... 以及光照.. 溫差問題..
若果真係要佢紅.. 加光管(T5)係一個最好做法..  
其實天然光都可以..
但未必能夠做到光管咁穩定長時間光照..
(天然光會隨時間有不同光照情度.. 淨係朝早八至十.. 同下午四至六呢兩個時間.. 色溫都可以有好大分別)





假如真係想用最環保O既方式去種..
真係用天然光.. 及雨水.. 但呢種方法..
未必滿足到你O既要求..