淘寶黑店

近排中意玩酢，托深圳朋友幫我去淘寶買了所謂的美國進口酢&高山酢，誰知開出來原來只是路邊野酢，說出來，希望大家小心這間店
http://shop61057217.taobao.com/

昨晚東望西望都有報導團購或網購的詐騙事件。

claudiatang 發表於 2012-5-3 10:45
昨晚東望西望都有報導團購或網購的詐騙事件。

都知網購有風險，所以已經好小心，出帖係希望大家唔好上當而已～ 好彩也不算多錢.............

在淘寶只可以買的平價土產嘢，衰咗都損失唔大，千期唔好買的所謂進口貨及貴價嘢，大陸乜都假老千最真，切記！

純個人經驗，淘寶上只能買非食用的東西，如衣服﹑鞋﹑裝飾物﹑一般電器(非高科電子產品)，燈飾，塑膠產品﹑玩具...等等。
最好是在香港看到實物，然後上淘寶搜尋，找到一模一樣的，再比較貨價和運費，如果真的比在香港買便宜很多，才值得花時間等發貨。

我只在淘寶買澳門買唔到的珍珠岩及一吋盆仔

同事買過種子, 全部都無發芽

taobao買野一定要選有皇冠的鋪頭

有皇冠的鋪頭係乜意思?

dick168 發表於 2012-5-3 13:43
在淘寶只可以買的平價土產嘢，衰咗都損失唔大，千期唔好買的所謂進口貨及貴價嘢，大陸乜都假老千最真，切記 ...

要放大呢句先得 大陸乜都假老千最真

又唔可以甘講既，我響淘寶買過衫，花盆，一些日用品，DIY用既瓶瓶罐罐，整蛋糕用既用具........等等都好好呀，唔可以一竹竿打晒一船人既～

無錯啦，我都買過好多次無乜大問題，衣物質素仲幾高添，就算有問題人地都會補寄，要揀好既店囉，同埋睇人地啲評語，十個有九個讚先好買就穩陣啲，食落口既野就真係唔好博啦!

我和我個女都係淘寶常客,暫時重未中過椒,情况尚好!

我暫在淘寶時買的都係對版的

我係淘寶買過鏡頭, 書, 皮類制品, 紫砂茶杯等....暫時只係試過一次鏡頭個CONDITION差咗小小, 所以我退咗貨, 其他都冇問題. 網購最重要係講信譽, 我覺得淘寶已經比EVIL BAY安全好多了.

gunbuster363  你響個網頁度周圍看下, 有一度係間鋪個信譽評分, 係用公仔形式的, 通常係由小至大係心心, 鑽石, 皇冠, 所以有皇冠的鋪頭最好  發表於 9 小時前




八王爺  皇冠即銷售量大的商店，得到很多好评。  發表於 昨天 15:52

我覺得都唔一定，好似今次呢間都成4粒鑽石，我朋友去追問，賣家不單不理，仲將之前賣緊既酢頁面刪除（下架）晒，因為係植物，你要種一段時間先知0岩唔0岩，過左追索期，朋友話無得追，好無奈～
所以大家買植物就要小心囉，信用評價好都未必真，而且好似有網上專門幫人評好評的媒，據說一條好評﹩1蚊...................

chan1988  路邊野酢?即係粉紅色果種呀?  發表於 5 小時前

黃色小花果種................

maywong918 發表於 2012-5-4 19:37
chan1988  路邊野酢?即係粉紅色果種呀?  發表於 5 小時前

黃色小花果種................  ...

呢種同粉紅色果種都係周街都有
我都係淘寶買過野,我覺得最重要反而係睇評分,評論同產品描述,有時D鋪就算有皇冠,但評價比同行低都要小心,睇人評論都好重要,特別係鬧佢果D,如果有人話貨不對版你就要小心
產品描述係另一個方法,如果某店只係每樣產品同一描述,都要小心,例如有D賣月季的店,每個品種都一樣描述,純COPY的資料都要小心
例如我有次見到淘寶有人賣普羅旺斯薰衣草,但睇張相卻是另一種平價薰衣草
好彩上次買D百合都對版,最近訂D玫瑰就唔知LA ,希望OK

maywong918 發表於 2012-5-4 19:35
gunbuster363  你響個網頁度周圍看下, 有一度係間鋪個信譽評分, 係用公仔形式的, 通常係由小至大係心心,  ...

雖然佢有4粒鑽, 但係佢間舖啲評分都好差吓喎, 全部都係平均以下